இவன் அவனா?? இவள் அவளா???

ரஞ்சனி வீட்டில் சொந்தக் காரர்களின் கூட்டம் நிரம்பி வழிந்து கொண்டிருந்தது. 

ரஞ்சனிக்கு தோழிகளும் அழகுக் கலை நிபுனரும் அலங்காரம் செய்து கொண்டிருக்க ரஞ்சனி மகிழ்ச்சியில் திலைத்திருக்க நிச்சயதார்த்த ஏற்பாடுகள் சிறப்பாக நடந்து கொண்டிருந்தது.

ஆனால் ரஞனிக்கு பயம் பற்றிக் கொண்டிருந்தது என்றுதான் சொல்ல வேண்டும். காரணம் மாப்பிள்ளையின் தம்பி பெயர் செந்தில் என்பதுதான்.

செந்திலுக்கு ஆர்வம் தாங்க முடியவில்லை. தன் அண்ணனுக்கு நிச்சயம் செய்யப் போகும் பெண்ணின் பெயர் ரஞ்சனி என்றதும் பதற்றமும் பயமும் தொற்றிக் கொண்டு ஒரு கணம் கடந்த காலம் கண்முன் வந்து சென்று ஒரு வேலை அவளாக இருக்குமோ? என எண்ண்த் தோன்றியது.

"செந்தில் பனிரெண்டாம் வகுப்புப் படித்துக் கொண்டிருந்த போது ரஞ்சனி என்ற பெண் வகுப்புத் தோழி.செந்திலின் கூட்டாளிகள் ரஞ்சனியையும், செந்திலையும் சேர்த்து வைத்து உசுப்பேத்தி செந்திலின் மனதில் பள்ளிக் காதலை வளர்க்க ஒரு நாள் அவளிடம் சென்று காதலை (பள்ளிப் பருவ ஆசையை) சொல்லியதும் அவனுக்குக் கிடைத்ததே அந்த காதல் பரிசு. 

வாழ்நாளில் மறக்க முடியாத பரிசு. வேறென்ன செறுப்படிதான். அன்றுடன் அந்தக் காதலுக்கு முழுக்குப் போட்டு விட்டு வந்தவன் தான். இன்று மும்பையில் ஒரு தனியார் நிறுவனத்தில் மேலாலர் பணியில்....."

ரஞ்சனியின் வீடு வந்தது. அண்ண்ன் மற்றும் உறவினர்கள் அனைவரும் உள்ளே செல்ல செந்தில் மட்டும் தயங்கித் தயங்கி வாசலில் நுழைய ஜன்னலில் நின்று கொண்டிருந்த அவளைப் பார்த்து விட்டான். 

அவன் பயந்தது போலவே அவளே தான். ஆனால் செந்திலைப் பார்த்த ரஞ்சனி நிம்மதிப் பெருமூச்சு விட்டாள்.

"அப்பாடா அந்த செந்தில் இல்லை!" ரஞ்சனி மும்பையில் உள்ள கல்லூரியில் பொறியியல்ப் படித்துக் கொண்டிருந்த போதுதான் அது நடந்தது. அவன் சென்னையை சேர்ந்தவன். 

அவ்னும் அங்கு ரஞனியுடன் படித்துக் கொண்டிருந்த போது தான் அவனுடன் கல்லூரிக் காதல் மலர்ந்தது.ஒரு நாள் அவனுடன் ஒரு "இரவு நடன விடுதிக்கு" சென்ற போதுதான் இருவருக்குள்ளும் அது நடந்தது.பின்னர் கருக்கலைப்பு நடந்து இருவரும் அவரவர்ப் பாதையில் பிரிந்து 4 வருடம் முடிந்து விட்டது.

நிச்சயதார்த்தம் முடிந்து அனைவரும் உணவுடன் சண்டைப் போட்டுக் கொண்டிருந்த போது செந்தில் அவளிடம் சென்று மன்னிப்புக் கேட்க அவளுக்கு அப்போதுதான் இந்த செந்திலை நினைவு வந்தது. இருவருக்குள்ளும் குற்ற உணர்வு எது பெரியது என்பதுதான் இங்கு கேட்கப்படாத கேள்வி? தெரிந்த விடை...

இதில் இரண்டாவது விசயம் செந்திலின் அண்ணனுக்குத் தெரியாத வரை விவாகரத்து இல்லை......ஒழுக்கமும் பண்பாடும் ஆண், பெண் இருபாலரிடமும் இதுபோல் சீர்குலைந்துதான் இன்று விவாகரத்துப் பெருகி வருகிறது......

எங்கு செல்கிறது இந்தியப் பண்பாடு..??? எங்கே இருக்கிறது என் இந்தியா???