புலவன் புலிகேசி

நண்பன் - பதிவுலக மேன்மக்களே!

2012-01-17T09:23:00.006+05:30

இது 3 Idiots-ன் அப்பட்டமான காப்பி என்பது அனைவரும் அறிந்ததே. அதற்காக இப்படத்தின் கேவலங்களை அந்த இயக்குனரிடம் தான் கேட்க வேண்டும் என்றால் அதை ஒப்புக் கொள்ள முடியாது. காரணம் அதை ரீமேக் செய்பவர் அப்படத்தை ஏற்று கொண்டு தான் எடுக்கிறார் என்றால் அந்த கருத்தையும் ஏற்றுக் கொண்டார் என்று தான் அர்த்தம்.

நண்பன் குறித்து பதிவுலகில் பல விமரிசனங்கள் வந்த வண்ணம் இருக்கின்றன. இதில் பதிவுலகில் சிலர் தங்களை "மேன்மக்களாக" நினைத்து பார்ப்பனிய கோவணத்தை இறுக்கிக் கட்டிக் கொண்டு திரிவதும் பார்க்க முடிகிறது. மேலும் சிலர் தங்களை பெரியாரின் பேரன் எனும் அளவுக்கு பினாத்தி கொண்டு தட்டிக் கேட்காமல் சந்தர்ப்ப வாதியாகவும் திரிந்து கொண்டிருக்கின்றனர்.

சரி இவர்களை பற்றி பார்ப்பதற்கு முன் நண்பனை பற்றி பார்க்கலாம்.

மூன்று வர்க்கங்களில் இருந்து வரும் மூன்று எஞ்சினியரிங் மாணவர்கள், அவர்களின் பின்னணி, கல்வி ஆகியவற்றை கொண்டு நகர்வது தான் இந்த படம். இதில் பணக்கார வர்க்கத்திலிருந்து வரும் மாணவனாக பாரியாக விஜய். அவர் பிரபு கல்யான் ஜுவல்லரியில் புரட்சி நடத்துவது போல் கல்வியில் புரட்சி நடத்துவதாக நினைத்து ஏதோ செய்திருக்கிறார்.

எதையுமே மனப்பாடம் செய்து படிப்பதை விட புரிந்து படிக்க வேண்டும் என நினைப்பவர் இந்த பாரி. அது போல் விரும்பிய துறையை தேர்ந்தெடுக்க வேண்டும் அதில் ஜெயிக்க வேண்டும் என்கிறார்.

முதலில் தனியார் மயமாகிக் கொண்டிருக்கும் இந்த கல்வித்துறை காசு இருப்பவனுக்கு தான் கல்வி என்ற நிலைக்கு கொண்டு செல்கிறது. கல்வி முறையில் குற்றம் கண்டு பிடித்து அதில் மாற்றம் செய்ய வேண்டும் என சொல்லும் இயக்குனர் அதற்கு முன் அந்த கல்வித் துறையின் தனியார் மயத்தை எதிர்த்து எதுவும் பேச வில்லை. சரி அப்படியே மாற்றம் செய்தாலும் அதனால் என்ன நடந்து விடும்? மனப்பாடம் செய்தாலும், புரிந்து படித்தாலும் படித்து முடித்த பின் அந்தப் படிப்பு ஒரு தனியார் நிறுவனத்துக்கோ அல்லது அந்நிய நாட்டு வளர்சிக்கோ தான் பயன் பட போகிறது.

மேலும் தான் விரும்பும் துறையை தேர்ந்தெடுத்து படிக்கும் அல்லது அதில் கவனம் செலுத்தும் வாய்ப்பு மேல் தட்டு மக்களுக்கு மட்டுமே சாத்தியம். ஒரு துறையை விரும்புவதற்கு கூட நாம் மேல் தட்டில் இருக்க வேண்டும். கேம்பஸ் இன்டர்வியூக்கு புறப்படும் ஸ்ரீகாந்தை தடுத்து அவருக்கு பிடித்த துறையை தேர்ந்தெடுக்குமாறு அறிவுறுத்தும் பின்னணி அதை புரிய வைக்கிறது. அதோடில்லாமல் எந்த ஹங்கேரியில் இருந்தும் எந்த மாத்தேவும் நமக்கு அப்பாயின்ட்மென்ட் கொடுக்க மாட்டான். அது ஸ்ரீகாந்த் போன்ற சங்கர் பட நாயகனுக்கு மட்டும் தான் சாத்தியம். அதுவும் படத்தில் மட்டும் தான்.

ஒரு காட்சியில் "சார் இந்த பர்ஸ்ட் ரேங்க் வாங்குனவங்க மேல் சாதி மாதிரியும், கம்மியா ரேங்க் வாங்குனவங்க கீழ்சாதி மாதிரியும் உக்கார வைக்கிறது நல்லா இல்லை. ரேங்கிங் சிஸ்டமே தப்பு சார்" என சொல்லும காட்சியில் இட ஒதுக்கீட்டை எதிர்த்து இலைமறை காயாய் பேசுவது தெள்ளத் தெளிவாக புரிகிறது. இந்தக் காட்சியில் நடித்த முற்போக்காளர் (!?) சத்யராஜிக்கு இது புரியவில்லையா?

அடுத்து இன்னொரு நண்பர் ஜீவா. ஏழ்மையான குடும்பத்தை சேர்ந்தவர். திருமணமாகாத அக்கா, உடல்நலமில்லாத தந்தை, ஒய்வு பெற்ற தாய் என வறுமையில் வாடும் குடும்பப் பின்னணி. இவர் படித்து தான் அந்தக் குடும்பத்தை காப்பாற்ற வேண்டும். ஒரு வேலை இவருக்கு பெரிய போட்டோ கிராப்பர் ஆக வேண்டும் என்ற ஆசை வந்தால் அவருக்கு இந்த பாரியின் அறிவுரை என்னவாக இருக்கும்?

மேலும் கருப்பான ஜீவாவின் அக்காவை ஸ்ரீகாந்த் திருமணம் செய்து கொள்வது போல் நினைத்துப் பார்க்கும் காட்சியில் அந்த பெண்ணைக் கேவலப் படுத்தும் அக்காட்சியில் நிறவெறி பளிச்சிடுகிறது. இதை வெறுமனே நிறவெறி என்று ஒதுக்கி விட முடியாது. சிவாஜியிலும் கூட அங்கவை சங்கவை என கருப்பின மக்களை கேவலப் படுத்தும் வேலையை இந்த பார்ப்பன இயக்குனர் தவறாமல் செய்திருக்கிறார் என்பதை இங்கு நினைவில் கொள்ள வேண்டும்.

மேலும் தலித்துகளின் வீடுகள் சுத்தமில்லாமல் இருக்கும், அவர்கள் மாட்டுக் கறி உண்பவர்கள், அவர்கள் வீடுகளுக்குள் நுழைந்தால் துர் நாற்றம் வீசும் என்ற பார்ப்பனீய சிந்தனையை மனதில் வைத்து சித்தரிக்கப் பட்ட காட்சியமைப்பு தலித்துகள் மீதான வெறுப்பை உமிழ்ந்திருப்பதை தெளிவு படுத்துகிறது. ஆனால் உண்மையில் அவர்களின் வீடுகள் அப்படி கிடையாது என்பதை உறுதியாக சொல்ல முடியும்.

அதோடில்லாமல் அவர்களின் ஏழ்மையை நகைச்சுவையாய் காட்ட முயலும் கேவலமான சிந்தனையை என்ன சொல்வது. அந்த ஏழ்மை தாய் சப்பாத்தி கட்டையால் நோயாளியின் நெஞ்சை சொரிவதும், தக்காளி எட்டு ரூவா, அரிசி பத்து ரூவான்னு பேசுவதாகவும் காட்டியிருக்கும் காட்சி யாராலும் ஏற்றுக் கொள்ள முடியாது. உண்மையில் பார்த்தால் நாம் பணக்கார வீட்டிற்கு செல்லும் போது கிடைக்கும் மரியாதை, உணவை விட ஏழை வீட்டில் கிடைக்கும் உண்மையான பாசமும், உணவும் அதை நிரூபணம் செய்யும். இது எனது நேரடி அனுபவமும் கூட.

ஆனால் திரையரங்கில் இந்தக் காட்சியில் அனைவரும் கை தட்டி சிரித்தது மனதை வருத்தமடைய செய்தது. நம்மை நம் மக்களை கேவலப் படுத்தும் பார்ப்பன ஆதிக்கம் மிக்க காட்சியை எப்படி ரசித்து கைதட்டி சிரிக்க முடிகிறது எனத் தோன்றியது.

இன்னொரு காட்சியில் நாயகிக் குடித்து விட்டு வந்து பேசும் போது நாயகன் சொல்லும ஒரு வசனம் "ஓவரா குடிச்சிட்ட போல! முனிம்மாலாம் வெளிய வரா" என்பதாக. அதாவது தலித் பெண்களின் பேச்சு வழக்கு கேவலம், அவர்கள் குடிக்கக் கூட செய்வார்கள் என்பதாக இருக்கிறது இந்த வசனம்.

சென்னை தி.நகரில் உள்ள 10 downing street வழியாக வார இறுதி நாட்களின் இரவில் சென்று பாருங்கள் குடித்து விட்டு வெளியில் வருவது முனிம்மாக்களா அல்லது ரியாக்களா என்பது புரியும்.

படத்தில் கவனிக்கப் பட வேண்டிய மற்றுமொரு பாத்திரம் பன்னீர். தான் ஒரு சிறந்த கிரியேட்டிவிட்டி உள்ளவர் என்பதை நிரூபிக்க முயலும் இளைஞர். ஆனால் கல்லூரியில் கொடுக்கப் படும் பிரசர் தாங்காமல் தற்கொலை செய்து கொள்வதாக அமைக்கப் பட்டிருக்கும் பாத்திரம் அது.

இன்று IIT, IIM, AIIMS போன்ற மாபெரும் கல்லூரிகளில் நடைபெறும் தற்கொலைகளின் காரணம் நிச்சயம் இது போன்ற பிரஷர் அல்ல. அவைகளின் பின்னணி கொடூரமானது. இங்கு நடக்கும் பெரும்பாலான தற்கொலைகளுக்கு காரணம் சாதி. நன்கு படிக்கும் ஆசையில் இது போன்ற கல்லூரிகளில் சேரும் தலித்துகள் நடத்தப் படும் விதம் அவர்களை தற்கொலைக்கு தூண்டுகிறது.
இது போன்ற கல்லூரிகளில் முதல் நாள் வகுப்பில் மாணவர்கள் அனைவரும் தங்களை அறிமுகம் செய்யும் பொழுது, அவர்கள் எந்த கோட்டாவில் சேர்ந்தார்கள் என்பதையும் சேர்த்து உரக்க சொல்ல வேண்டும். அவர்கள் எந்த கோட்டா என்பது ஆசிரியர்களுக்கு கொடுக்கப் படும் லிஸ்டில் இருக்கும். ஆனால் இப்படி உரக்க சொல்ல வைக்கக் காரணம் மற்ற மாணவர்களுக்கும் தலித்துகளை அடையாளப் படுத்தும் நோக்கம். அதன் பின் சக மாணவர்களின், ஆசிரியர்களின் கேலி, கிண்டல் அவமானங்களை சகித்துக் கொண்டு அவர்கள் படிக்க வேண்டும். இதையெல்லாம் கடந்து வந்து படிப்பில் சிறந்து விளங்கினால், "ஒரு தலித் எப்படி மேலே வரலாம்" என்ற எண்ணம் ஆசிரியர்கள் மத்தியிலும் பீறிட்டு கிளம்புகிறது. அந்த மாணவர்களிடம் "நீ எப்புடி இந்த செமஸ்டரில் பாஸ் ஆகுரன்னு பாக்குறேன்" என்பதாக சவால் விட்டு அவர்களை பெயிலாக்கி, அதனால் தற்கொலை செய்து கொண்ட கதையும் உண்டு.

இதற்கு மிகச் சிறந்த உதாரணம் சண்டிகரை சேர்ந்த மாணவன் ஜாஸ்ப்ரீத் சிங். மருத்துவப் படிப்பில் நான்கு ஆண்டுகள் நல்ல மதிப்பெண் பெற்ற இவரை வேண்டுமென்றே சாதி வெறியில் இறுதியாண்டில் தோல்வியடைய செய்தான் ஒரு பேராசிரியர். இதைத் தொடர்ந்து மாணவனின் தற்கொலை, வழக்கு பதிய மறுக்கும் போலிஸ், அதன் பின் பழங்குடியினருக்கான ஆணையத்தின் தலையீட்டுக்கு பின் வழக்கு பதியப் பட்டது. அதைத் தொடர்ந்து விடைத் தாள்கள் வேறு மருத்துவக் கல்லூரி ஆசிரியர்களால் திருத்தப் பட்டு அந்த மாணவன் தேர்ச்சியடைந்ததாக அறிவிக்கப் பட்டது.

இது போன்று பல தலித் மாணவர்கள் இந்தியாவின் மாபெரும் உயர்கல்வி நிறுவனங்களில் தற்கொலை இல்லை இல்லை கொலை செய்யப் படுகிறார்கள். தற்கொலைகளின் பின்னணி இங்கு இருக்கிறது. இதை விடுத்து ஒவ்வொரு 90 நிமிடத்திற்கும் ஒரு மாணவன் தற்கொலைக்கு முயல்கிறான், அதற்கு காரணம் வெறும் பிரஷர் மட்டும் தான் என்பதாக சித்தரித்த மேன்மக்களை என்னவென்று சொல்வது.

தலித்துகளை கேவலப் படுத்தும் நோக்கம் இது போன்ற காட்சிகளில் தெளிவாக தெரிகிறது.

அடுத்து படத்தில் கவனிக்கப் பட வேண்டிய பாத்திரம் சைலன்சர் சத்யன். இந்த பாத்திரம் 3 Idiots படத்தில் பாண்டிச்சேரியை சேர்ந்த ஒரு தமிழன் வருவது போல் சித்தரிக்கப் பட்டது. அதாவது தமிழன் என்றால் போட்டுக் கொடுப்பவன், கேவலமானவன் என்பதாக சித்தரித்த அந்தப் பாத்திரம் அச்சு பிசகாமல் இங்கும் வைக்கப் பட்டிருக்கிறது ஆனால் வெளிநாட்டில் செட்டில் ஆன கோயம்பத்தூர் காரனாக.

தமிழனைக் கொச்சைப் படுத்தும் இந்தக் காட்சியையும் தமிழர்களாகிய நம் மக்களால் ரசித்து சிரித்து கை தட்ட முடிகிறது என்றால் (3 Idiots பார்த்தவர்கள்) நாம் சொரணை இலந்தவர்களாகி விட்டோம் என அர்த்தமாகிறதே!

பாரி படித்து பட்டம் பெற்றது தனக்காக அல்ல, இன்னொருவனுக்காக எனத் தெரிந்தும் அதை பொருட்படுத்தாமல் தன் நண்பனை தேடி ஓடும காட்சியில் தெளிவாகத் தெரிகிறது அந்தப் பார்ப்பனீயம். "யார் வம்பு தும்புக்கும் போவாத. அப்பத்தான் நல்ல புள்ள" ன்னு சொல்லுற பார்ப்பநீயக் கருத்து தான் அது.

சரி இப்போது அந்த இரு பதிவர்களின் கதைக்கு வருவோம். முதலாமவர் பதிவுலக பிரபலம் கேபிள் சங்கர். இந்த நண்பன் குறித்து அவர் எழுதிய விமர்சனத்தில் ஏழ்மையிலும் சுவாரஸ்யத்தையும், நகைச்சுவையையும் எதிர் பார்த்த பார்ப்பனீய வஞ்சகம் தெரிகிறது. கீழ் உள்ள வரிகள் அதற்கு சான்று.

//இன்னொரு பக்கம் ஜீவாவின் வழக்கமான பரரலைஸ்ட் அப்பா, கல்யாணத்துக்கு காத்திருக்கும் அக்கா, தனி ஒருத்தியாய் குடும்பத்தைக் காப்பாற்றும் அம்மா என்பதை வழக்கமாய் சொலலாமல் படு காமெடியாய் வெளிப்படுத்தியக் காட்சி,//

வேலாயுதம் போன்ற பல படங்களை ரீமேக்கிய ராஜாவை கிண்டலடிக்கும் இந்த கேபிள் ராஜா சங்கர் ரீமேக்கியத்தை பெருமையாக பேசியதோடு இல்லாமல் "மேன் மக்கள் மேன் மக்களே" என பாராட்டு வேறு. இந்த மேன் மக்கள் பார்ப்பன இயக்குனராக இருந்தால் மட்டும் தான் போல.

வேட்டை, வேலாயுதத்தின் பல லாஜிக் மீறல்களை நக்கலடித்த இவர் கண்களுக்கு இந்த நண்பனின் லாஜிக் மீறல்கள் தெரியவில்லையா? மருத்துவமனைக்குள் பைக் ஓட்டும் விஜய்,குடித்து விட்டு கடசி பென்ச்சில் இருப்பவனுக்கு கூட தெரியாமல் தூங்கும் மூவர், தேர்வு எண் தெரியாத ஆசிரியரிடம் பேப்பரை கலைத்து விட்டு ஓடுவது (ஏன் அவனுங்கள கண்டு புடிக்க முடியாதா என்ன?), மிகைப் படுத்தப் பட்ட ஏழைக் குடும்பத்துக் காட்சிகள் , எந்த சர்டிபிக்கேட்டும் இல்லாமலே சயின்டிஸ்ட் ஆன விஜய் இப்படியாக நீள்கிறது லாஜிக் மீறல்கள்.

அந்த மேன் மக்கள் குரூப்புக்கு இதெல்லாம் தெரியலையா? இந்த மேன்மக்கள் பிரிவின் தலைவர் கேபிள் ராஜாவுக்கு ஆதரவாக பல கருத்து மழைகள் வேறு. அதில் குறிப்பாக ஊடகன் என்ற அஜீத் ரசிகர் வேறு. இவர் எழுதிய கருத்துரை கீழே.

//ஊடகன் said...
இந்தி படம் போலவே இன்ச் பய் இன்ச் அதே சீன் அதே டயலாக், இந்த மாதிரி எடுத்தா சிபி ராஜ், பிரசன்னா, ஸ்ரீகாந்த் நடிச்சா கூட படம் சூப் ஹிட்டாயுடும். இதை சங்கர் இல்ல, எந்த புது டைரக்டர் எடுத்தாலும் சூப்பர் ஹிட் தான்.......! ஆகையால் இந்த வெற்றி ஒரு வெற்றியே அல்ல....!
நண்பன் = Xerox காப்பி//

இது காப்பின்னு எல்லாருக்குமே தெரியும். ஆனா அந்த விமர்சனத்தில் சொல்லப் பட்ட பார்ப்பநீயக் கருத்துக்கள், மேன்மக்கள் குறித்தக் கருத்துகளை எல்லாம் விட்டு விட்டு தான் ஒரு அஜீத் ரசிகன் என்பதை மட்டும் மனதில் வைத்து கருத்து சொன்ன இவரைப் பார்த்தால் ஒரு உண்மை புரிகிறது. இவரை போன்றவர்கள் தான் திரையரங்கில் அந்த ஏழைகள் குறித்த இழிவான காட்சிகளில் கை தட்டி சிரித்தவர்களாக இருக்க முடியும் என்று.

அதே கேபிளின் விமரிசனத்தில் ஒரு நண்பரின் நியாயமான கேள்வி.

----------Jayadev Das said...
எழுத்தாளர் எழுதிய திரைக்கதைக்கு மரியாதை கொடுத்து அவருக்கு கிரெடிட் கொடுக்கும் தன்மையை பார்க்கும் போது மேன் மக்கள் மேன் மக்களே என்று பாராட்டத்தான் தோன்றுகிறது.\\Boys படம் ஏதோ ஆங்கிலப் படத்தில் காபி, அந்தப் படத்திற்கு கிரெடிட் கொடுத்தாரா? மேன் மக்கள் எப்போதும் மேன்மக்களாக இருக்க வேண்டும், அவ்வப்போது மேன்மக்கள் போல வேடம் போடுபவரை மேன் மக்கள் லிஸ்டில் வைக்க முடியாது.--------------------

இந்த நியாயமான கேள்விக்கு கூட கேபிள் ராஜா-விடம் பதில் இல்லை. எந்திரனை காப்பியடித்த போது அதன் ஒரிஜினல் எழுத்தாளருக்கு கிரெடிட் கொடுக்காத இவர் இந்த ஒரு படத்தின் மூலம் மேன்மக்களாகி விட முடியுமென்றால் பார்ப்பனீயம் அவரை தாங்கிப் பிடிக்கிறது என்று தான் அர்த்தம்.

அந்த இரண்டாம் பிரபல பதிவர் யுவகிருஷ்ணாவுக்கு இதெல்லாம் புரியவில்லையா? அவர் தான் மாபெரும் முற்போக்காளர் ஆயிற்றே. எப்படி புரியாமல் இருந்திருக்கும். எஸ்.ரா வை ஜெமோ என எழுதிய என்னைப் போன்ற அரை வேக்காட்டுக்கே புரிகிற இந்த விடயம் அந்த அறிவாளி-க்கு புரியாமலா இருந்திருக்கும்.

ஒரு வேலை தான் எழுதிய "அழிக்க பிறந்தவன்" நாவலை வெளியிட்டது அந்த கேபிளார் என்ற காரணத்தால் இருக்குமோ? அல்லது அவர் நாவலின் கதை "நண்பன் திருட்டு வீ.சி.டி" யை மையப் படுத்தி வருவதால் மேன்மக்களிடம் வாய்ப்பு தேடும் எண்ணமாக இருக்குமோ? இந்த இரண்டில் எது காரனமானாலும் அதற்கு பெயர் சந்தர்ப்ப வாதம் என்றல்லவா ஆகிறது. ஒரு வேலை இந்த சந்தர்ப்பவாதி முற்போக்காளர் போர்வைக்குள் ஒளிந்திருக்கிறாரோ எனத் தோன்றுகிறது. பிட்டு படங்களுக்கே பாய்ந்து பாய்ந்து விமரிசனம் எழுதும் இவரால் சக நண்பரை விமரிசிக்க முடியாதது வியப்பாக இருக்கிறது.

முல்லைப் பெரியாறும் மீனவ பிரச்சினையும்

2012-01-10T09:37:00.004+05:30

தமிழக மீனவர் பிரச்சினை:

இதுவரை 500 க்கும் மேற்பட்ட தமிழக மீனவர்கள் சிங்கள வெறியர்களால் சுட்டுக் கொல்லப் பட்டிருக்கிறார்கள். இது தொடர்பாக வழக்காடுமன்றத்தில் ஸ்டாலின் என்பவரால் தொடரப் பட்ட வழக்கிற்கு இந்திய கடலோர காவற்படை ஒரு பிரமாண பத்திரத்தை தாக்கல் செய்திருந்தது.

அதில் தமிழக மீனவர்கள் எல்லைத் தாண்டி செல்வதால் தான் தாக்கப் படுவதும், கொலை செய்யப் படுவதும் நிகழ்கிறது. இதனை தடுக்க எல்லை தாண்டும் மீனவர்கள் மீது கிரிமினல் வழக்கு பதிவு செய்ய வேண்டும். மேலும் அவர்கள் கச்சத் தீவை ஒட்டியுள்ள பகுதிகளில் மீன் பிடிக்க தடை செய்ய வேண்டும் எனவும் கூறியது.

பின்னர் தமிழக அரசின் எதிர்பை அடுத்து "கிரிமினல் வழக்கு பதிய வேண்டும்" என்பதை மட்டும் நீக்கி விட்டு கச்சத் தீவு பகுதிகளில் மீன் பிடிக்க தடை விதிக்க வேண்டும் என்பதை மட்டும் விடாப் பிடியாக பிடித்துத் தொங்கிக் கொண்டிருக்கிறது.

1974 - ல் செய்து கொண்ட ஒப்பந்தப் படி கச்சத் தீவு பகுதிகளில் தமிழக மீனவர்கள் மீன் பிடிக்கத் தடை ஏதும் கிடையாது. ஆனால் இவர்கள் அந்த உரிமையை விட்டுக் கொடுக்க சொல்கிறார்கள். மீனவர்களின் வாழ்வாதாரத்தை பிடுங்கி அவர்களை நடுத் தெருவுக்கு கொண்டு வரத்தான் நினைக்கிறது இந்த இந்திய அரசாங்கம்.

மீனவர்கள் எல்லை மீருவதாகவே வைத்துக் கொண்டாலும் அவர்களை பிடித்து கடலோர காவற்படையிடம் ஒப்படைக்காமல் தாக்குவதும், சுட்டுக் கொள்வதும் நியாயமா? இதை நியாயப் படுத்தும் விதமாக பேசும் இந்தியக் காவற்படை தமிழர்கள் மீதான தனது பொறுப்பற்ற, துப்பில்லா தன்மையை வெளிப் படுத்தியிருக்கிறது.

முல்லைப் பெரியாறு:

தமிழகத்தின் ஐந்து மாவட்ட விவசாயிகளின் வாழ்வாதாரத்தை கேள்விக் குறியாக்கும் கேரள கட்சிகளின் போக்கைக் கண்டிக்க துப்பில்லாத தேசியக் கட்சிகள் இங்கு உலாத்திக் கொண்டிருக்கின்றன.

காங்கிரசு, பா.ஜ.க மற்றும் சி.பி.எம் போன்ற கட்சிகள் இந்தியா முழுதும் இருக்கும் தேசியக் கட்சிகள். இவர்கள் பேசுவதெல்லாம் ஒருமித்த இந்தியா, நாம் அனைவரும் இந்தியர்கள் என்பதாக. ஆனால் இந்த உணர்வெல்லாம் இந்தியா உலக கோப்பை வாங்கும் போதும் கார்கில் போர் நடக்கும் போதும் மட்டும் தான்.

கேரளாவில் உள்ள ஓட்டுப் பொறுக்கி தேசியக் கட்சிகள் தூண்டிவிட்ட மலையாள வெறியால் கேரளா வாழ் தமிழக மக்கள் தாக்கப் பட்டு சொந்த நாட்டிலேயே அகதிகள் போல வருகிறார்கள்.

ஆனால் கேரளாவில் இந்த வெறியை தூண்டிவிடும் காங்கிரசு, பா,ஜ,க மற்றும் சி.பி.எம் ஆட்களை தட்டிக் கேட்கவோ, தனது எதிர்ப்பை பதிவு செய்யவோ துப்பில்லாத தமிழக காங்கிரசு, பா.ஜ.க, சி.பி.எம் - கள் தன்னெழுச்சியாக லட்சக் கணக்கில் மக்கள் கூடி நடத்தும் போராட்டத்திற்கு தாங்களும் ஆதரவு என்பது போல் வேசமிடுகின்றன.

இவர்களின் இந்த செயல்கள் மக்களிடம் ஓட்டு வங்கியை பெறும் முயற்சி மட்டுமே என்பது இதன் மூலம் நிரூபணம் ஆகிறது.

ஆனால் மக்கள் திரள் தொடர் போராட்டம் அரசாங்கத்தை ஸ்தம்பிக்க வைத்து தீர்மானம் நிறைவேற்ற செய்து, அணையை காப்பாற்றி வருகிறது.

இரு பிரச்சினைகளின் வேறுபாடுகள்:

இந்த இரு பிரச்சினைகளுக்கும் ஒரு முக்கிய வேறுபாடு இருக்கிறது. மீனவ பிரச்சினையை எடுத்துக் கொண்டால் அவர்கள் முழுதும் நம்பி வருவது தமிழக அரசை தான். சென்ற ஆட்சியில் வெறும் கடிதம் மட்டுமே கைமாறியது நியாயம் கிடைக்கவில்லை என மாற்றி வாக்களித்து புது ஆட்சியைக் கொண்டு வந்தார்கள். ஆனால் இன்றும் அதே நிலை தான் நீடிக்கிறது.

ஆனால் இந்த முல்லை பெரியாறு பிரச்சினையிலும், கூடங்குளம் பிரச்சினையிலும் மக்கள் அப்படி இல்லை. அவர்கள் அரசை மட்டும் நம்பியிராமல் தங்கள் போர்க் குணம் மிக்க போராட்டங்களை தொடர்ந்து வருகின்றனர். அதனால் அரசாங்கம் மிரண்டு போயுள்ளது என்பது நாம் அனைவரும் அறிந்ததே.

மீனவ பிரச்சினையில் அவ்வப போது ஆங்காங்கே நடக்கும் போராட்டங்கள் அரசாங்கங்களைத் திரும்பிப் பார்க்க வைக்க போதுமானதாக இல்லை என்பதே உண்மை.

இதிலிருந்து ஒன்று மட்டும் தெளிவாக நிரூபணமாகி இருக்கிறது. ஆட்சி மாற்றம் என்பது ஒரு போதும் நமக்கு தீர்வை தராது. மக்கள் போராட்டங்களின் மூலம் மட்டுமே தீர்வும், நியாயமும் கிட்டும் என்பது இங்கு நிரூபணமாகி இருக்கிறது.

மருத்துவர்கள் வேலைநிறுத்தம் - தனியார்மய தாண்டவம்

2012-01-05T08:21:00.005+05:30

ஒரு ஆட்டோ ஓட்டுனரின் கர்பினி மனைவி அரசு மருத்துவரின் தனியார் கிளினிக்கில் சிகிச்சை பெற்றவர் மரணம். அதைத் தொடர்ந்து அந்த பெண் டாக்டர் கொலை. அதனைத் தொடர்ந்து நேற்று அரசு மருத்துவர்களும், இன்று அவர்களுடன் சேர்ந்து தனியார் மருத்துவர்களும் வேலை நிறுத்தம்.

இந்த அரசு மருத்துவர்கள் தனியாக கிளினிக் வைத்துக் கொள்வதற்கு என்ன காரணம்? இதை மேலோட்டமாக யோசித்தால் காசு பார்க்கும் ஆசை என்பது மட்டுமே தோன்றும். ஆனால் இதன் பின்னனியையும் நாம் கணக்கில் எடுத்துக் கொள்ள வேண்டியுள்ளது. இன்றைய காலகட்டத்தில் தனியார் மயமாக்கப் பட்ட கல்வித்துறையும் இதற்கு ஒரு முக்கிய காரணமாக இருக்கிறது.

தனியார் மருத்துவக் கல்லூரியில் ஒரு மாணவர் மருத்துவம் பயில நேரிடையாகவே பல லகரங்களை செலுத்த வேண்டியிருக்கிறது. அதற்கு பரிந்துறை செய்யும் அரசியல்வாதி மற்றும் கல்லூரி நிர்வாகிகளுக்கு தனியாக லகரங்களை கொடுக்க வேண்டியுள்ளது. தனியார் மருத்துவ கல்லூரிகளில் அரசால் ஒதுக்கப் பட்ட இடங்களுக்கும் கட்டணமாக அவர்கள் பல லகரங்கள் செலுத்த வேண்டும்.

உதாரணத்திற்கு அரசு மருத்துவ கல்லூரிகளில் கல்வி கட்டணம் எட்டாயிரம் மட்டுமே. ஆனால் தனியார் கல்லூரிகளில் மூன்று லகரங்கள் வரை ஆகும். அது மட்டுமல்லாது தனியார் கல்லூரிகளில் சீட்டு வாங்க குறைந்த பட்சம் இருபது லகரங்கள் செலவழிக்க வேண்டும்.இந்த பின்னணியில் படித்து வெளியில் வரும் பலர் அரசு மருத்துவர்கள் ஆக மேலும் சில லகரங்களை செலவழிக்கிறார்கள். இப்படி வரும் ஒருவர் எப்படி நேர்மையாக வைத்தியம் பார்ப்பார்?

அது மட்டுமில்லாது நம் அரசாங்கமும் இந்த தனியார் மருத்துவமனைகளுக்கு ஆதரவாக அரசு மருத்துவமனைகளின் தரத்தைக் கண்டு கொள்வதில்லை. வேண்டுமென்றே புறக்கணிக்கப் படுகிறது அரசு மருத்துவமனைகள். இதை எதிர்த்து அரசு மருத்துவர்கள் ஒருங்கிணைந்து போராடுவார்களா? நிச்சயம் இல்லை. காரணம் அரசு மருத்துவமனைகள் தரமாக்கப் பட்டால், சுகாதாரமாக்கப் பட்டால் தங்களின் தனியார் கிளினிக்குகள் கூட்டமிழந்து விடும்.

தனியார் கம்பெனிகள் ஊழியர்களை பணிக்கு சேர்க்கும் போது போடும் ஒப்பந்தத்தில் வேறு எங்கும் பணி புரிவதாக தெரிந்தால் பணி நீக்கம் செய்யப் படுவீர்கள் என ஒப்பந்தம் போடுகிறது. அது போல் நீக்கப் பட்ட சிலரையும் நான் நேரில் பார்த்ததுண்டு. ஆனால் அரசு மருத்துவர்களில் இ.எஸ்.ஐ(ESI) மருத்துவமனைகளில் பணிபுரிபவர்களுக்கு மட்டும் தான் இந்த விதி கடை பிடிக்கப் படுகிறது. இங்கு ஒரு விடயத்தை கவனிக்க வேண்டும் கொலை செய்யப் பட்ட அந்த பெண் மருத்துவர் ஒரு இ.எஸ்.ஐ(ESI) பணியாளர்.

மற்ற மருத்துவர்கள் தனியாக மருத்துவம் பழக(practice) அரசே அனுமதியளித்திருக்கிறது. இந்த அரசாங்கம் ஏன் அது போன்ற தனியார் க்ளினிக்குகளை ஆதரிக்கிறது? அதற்கும் காரணம் இல்லாமல் இல்லை. இதன் நோக்கம் அரசு மருத்துவ மனைகளை அடியோடு ஒழித்து தனியார், கார்ப்பரேட் மருத்துவமனைகளை வளர்த்து விடுவது.

அப்படி செய்கையில் அரசு மருத்துவர்களின் போராட்ட வீரியங்க்களை குறைக்க அவர்களுக்கு தனியார் க்ளினிக்குகளை வடிகால் ஆக்குகிறது. மேலும் இந்த விடயத்தில் மக்களும் கொதித்து விட கூடாது என்பதில் அரசு குறியாக உள்ளது. அதற்காக தான் "அரசு மருத்துவமனைகள் என்றால் தரமற்றவை, சுகாதாரமற்றவை" என்ற கருத்தை மக்கள் மனதில் உருவாக்க திட்டமிட்டே அரசு மருத்துவமனைகள் ஒதுக்கி வைக்கப் படுகின்றன.

அது மட்டுமில்லாது இந்த தனியார்மயம் இல்லையென்றால் அந்த ஆட்சியாளர்களும் காசு பார்க்க முடியாது. இந்த மருத்துவம் வெறுமனே மருத்துவமனை அளவில் தனியார் மயமாக்கப் படவில்லை. அதன் அடிப்படை கல்வியிலிருந்தே தனியார் மயமாக்கப் பட்டிருக்கிறது.

மேலும் இந்த அரசு மருத்துவர்கள் வேலை நிறுத்தத்தில் தனியார் மருத்துவர்களும் பங்கேற்க காரணம் வேறொன்ருமில்லை, நாளை தங்களுக்கும் அந்த பெண் மருத்துவரின் நிலைமை வந்து விடக் கூடாது என்ற பயம் தான். இன்று இந்த தனியார் மருத்துவமனைகளின் காசு வெறிக்கு பலியானவர்கள் பலர்.

அவர்களுக்கு போராட முன் வராத இவர்கள் இன்று வேலை நிறுத்தம் செய்வது கொலை செய்யப் பட்ட அந்த பெண் மருத்துவருக்காக அல்ல. நாளை தங்களுக்கும் அந்த நிலை வந்து விடக் கூடாது என்ற பயம் தான்.

அரசு கல்லூரிகளில் படித்தவர்களும் கிளினிக் வைத்து காசு பார்க்க இந்த சூழல் தூண்டி விடுகிறது. இவை அனைத்தும் திட்டமிட்டே செய்யப் பட்டிருக்கின்றன.

அரசு மருத்துவமனைகளின் தரம் சீர் செய்யப் படவும், தனியார் மயத்தை ஒழிக்கவும் மக்கள் தான் ஒன்றிணைந்து போராட வேண்டும். மக்கள் புரட்சி மட்டுமே இதற்கு தீர்வாக முடியும். ஆட்சி மாற்றம் ஒரு போதும் தீர்வை தராது.

ஹசாரே இப்போது காங்கிரசின் கையாள்.

2011-08-28T08:38:00.005+05:30

தி ஹிந்து இணையத்திலேயே இந்தக் கட்டுரையை ஆங்கிலத்தில் படித்திருந்தேன். அதன் தமிழ் மொழிபெயர்ப்பை கீற்று இணையதளத்தில் படித்தேன். இந்த அன்னா ஹசாரே போராட்டம் எதையும் சாதிக்கப் போவதில்லை என்பதற்கான ஆதாரத்தை ஆணித் தனமாக அடித்து சொல்லியிருக்கிறார் அருந்ததி ராய்.

"""இந்த உண்ணாவிரதம் இரோம் சர்மிளாவின் பத்து வருட உண்ணாவிரதத்திற்கு எந்த விதத்திலும் அர்த்தம் வழங்கவில்லை. சந்தேகத்தின் பேரிலேயே யாரையும் கொல்லலாம் என மணிப்பூரில் வழங்கப்பட்டிருக்கும் AFSPA (Armed Forces [Special Power] ACT) சட்டத்திற்கு எதிராக பத்து வருடமாக உண்ணாவிரதம் இருந்து (அவருக்கு வலுகட்டாயமாக உணவு புகட்டப்பட்டாலும்) தனது எதிர்ப்பைப் பதிவு செய்திருக்கிறாரே இரோம் சர்மிளா, அவரை இப்போராட்டம் எந்த அர்த்தமும் இல்லாமல் கைவிட்டு விட்டது. அணு ஆலை வரக்கூடாது என்று பத்தாயிரக்கணக்கான கிராமத்துவாசிகள் கூடங்குளத்தில் தொடர் உண்ணாவிரதம் இருக்கிறார்களே, அந்த உண்ணாவிரத்திற்கு இந்த அன்னாவின் உண்ணாவிரதம் எந்த அர்த்தத்தையும் வழங்கவில்லை.

அன்னாவின் போராட்டத்தில் மக்கள் என்பவர்கள் யார்? இரோம் சர்மிளாவின் உண்ணாவிரத்தை ஆதரித்த மணிப்பூரிகள் மக்கள் இல்லையா? ஜகத்சிங்பூரிலும், கலிங்காநகரிலும், நியாம்கிரியிலும், பஸ்தாரிலும், செய்தாபூரிலும், சுரங்கக் கொள்ளைக் குண்டர்களுக்கு எதிராகவும், குண்டாந்தடிப் போலிஸ்காரர்களுக்கு எதிராகவும், திரண்ட ஆயிரக்கணக்கானவர்கள் மக்கள் இல்லையா? போபால் வாயுக் கசிவில், முடமானவர்கள், இறந்தவர்கள், மக்கள் இல்லையா? அல்லது நர்மதா பள்ளத்தாக்கில் கட்டப்பட்ட அணையால் இடம்பெயர்ந்தவர்கள் மக்கள் இல்லையா? தனது நிலத்தை எடுத்துக் கொள்ளக்கூடாதென எதிர்ப்பு தெரிவித்த நோயிடா அல்லது புனே அல்லது ஹரியானாவைச் சார்ந்த விவசாயிகள் மக்கள் இல்லையா? அன்னாவின் போராட்டத்திற்கான மக்கள் இவர்கள் இல்லை.

பின்னர் அன்னாவின் போராட்டத்திற்கான மக்கள் யார்? தான் கோரும் லோக்பால் மசோதா நாடாளுமன்றத்தில் விவாதத்திற்கு வைக்கப்பட்டு, சட்டமாக மாற்றப்படாவிட்டால், உணவருந்தாமலேயே உயிரை மாய்த்துக் கொள்வேன் என்று மிரட்டும் அன்னா என்ற 74 வயது மனிதரை, ஊடகத்தில் பார்க்கும் இந்த பார்வையாளர்கள்தான், அன்னாவின் போராட்டத்திற்கான மக்கள் ஆவர். எப்படி பசித்தவர்கள் புசிப்பதற்காக இயேசு கிறிஸ்து மீன்களையும் உணவுத் துண்டங்களையும் பல மடங்குகளாக ஆக்கினாரோ, அது போலவே தொலைக்காட்சி ஊடகங்கள் பல மடங்குப் பார்வையாளர்களைப் பெருக்கி, இந்த மக்களை பன்மடங்காக்கியது. "ஒரு பில்லியன் குரல்கள் ஒலித்து விட்டன” என்று நமக்குச் சொல்லப்பட்டு விட்டது. "இந்தியா என்றால் அன்னாதான்.”

மக்களின் குரலான இந்தப் புதிய சாது உண்மையிலேயே யார்? உடனடி அவசரத் தேவையான மக்கள் விசயங்கள் குறித்து, இவர் எதுவும் போதுமான அளவுக்கு பேசியதாக நாம் கேட்டதே இல்லை. நமது பக்கத்தில் நடந்த விவசாயிகளின் தற்கொலை குறித்தோ அல்லது நக்சலைட்டுக்கு எதிராக நடந்த பச்சை வேட்டை ஆபரேசனைக் குறித்தோ இவர் ஒரு வார்த்தை கூட உதிர்த்தது கிடையாது. சிங்கூர் பற்றியோ, நந்திகிராம் பற்றியோ, லால்கார் பற்றியோ, போஸ்கோ பற்றியோ, விவசாயிகள் போராட்டம் பற்றியோ, அல்லது சிறப்புப் பொருளாதார மண்டலத்திலுள்ள பிரச்சினைக‌ள் பற்றியோ, இவர் எதுவும் பேசியதில்லை. மத்திய இந்தியாவிலுள்ள காடுகளில் இந்திய இராணுவத்தை நிறுத்தி வைக்க திட்டமிட்டிருக்கும் அரசின் திட்டங்கள் குறித்து, அவருக்கு எந்த அபிப்பராயமும் இருப்பதாகத் தெரியவில்லை.

மராத்தியராக இல்லாதவர்கள் மேல் கடும் வெறுப்பை உமிழ்ந்து வரும் ராஜ் தாக்கரேயின் அரசியலை ஆதரித்தவர் அன்னா. 2002ம் ஆண்டு முஸ்லிம்களுக்கு எதிரான திட்டங்களை நேரடியாக நிர்வகித்த குஜராத் முதலமைச்சரின் "வளர்ச்சி மாதிரி"யை மனமாரப் புகழ்ந்தவர். (இதைச் சொன்னதும் ஏற்பட்ட மக்கள் எதிர்ப்பைக் கண்டு அன்னா, தனது வார்த்தைகளை திரும்பப் பெற்றுக் கொண்டாலும், மோடி மீதான தனது உவப்பை என்றுமே வாபஸ் பெற்றதில்லை)""".

முழுக்கட்டுரையை படிக்க கீற்று

மும்பை குண்டுவெடிப்பும் ரஜினி ரசிகனின் ஏமாற்றமும்

2011-07-14T00:02:00.006+05:30

இரண்டு நிகழ்வுகள் ஒரே நாளில். ஒன்று மும்பையில் குண்டு வெடித்து பலர் பலி. இன்னொன்று சிகிச்சை முடிந்து ரஜினி சென்னைத் திரும்பினார். இவை தொடர்பாக நான் சந்தித்த இரண்டு சம்பவங்களைப் பகிர்ந்து கொள்கிறேன்.

சம்பவம்-1

அலுவல் முடித்து வீடு வந்துத் தொலைக்காட்சிப் பெட்டியை ஆன் செய்து ஹெட்லைன்ஸ் டுடே சானலுக்கு நகர்ந்தேன். மும்பையில் மூன்று இடங்களில் குண்டு வெடித்து 20க்கும் மேற்பட்டோர் பலி என்ற செய்தியைப் பார்த்ததும் நண்பன் ஒருவனை அலைபேசியில் அழைத்து

"எங்கடா இருக்க?" என்றேன்.

"தலைவரைப் பாக்க ஏர்போர்ட் வந்துருக்கண்டா" என்றான்.

"மும்பையில 3 இடத்துல குண்டு வெடிச்சிருக்குடா" என்றேன்.

"ஓ அப்புடியா! சரிடா ஒரே சத்தமா இருக்கு! தலைவர் வந்துட்டாருன்னு நெனைக்கிறேன். அப்பறமா கால பன்றேண்டா" என்று சொல்லி கட செய்தான்.

சம்பவம்-2

நான் செய்தியைப் பார்த்துக் கொண்டிருக்கையில் என்னுடன் தங்கியிருக்கும் நண்பன் விட்டிற்குள் நுழைந்தான்.

"எங்கடா மும்பைலையா?" என்றான்.

"ஆமாண்டா" என்றேன்.

"சரி சண் நியூஸ் வைடா. தலைவரைக் காமிக்கிறாங்கலாம்" என்றான்.

சன் செய்திகளின் முக்கிய செய்திகளில் முதலிடத்தில் "மும்பை சம்பவமும்" இரண்டாமிடத்தில் "ரஜினி வருகையும்" இடம் பிடித்திருந்தது.

இதைப் பார்த்த நண்பன் சொன்னான் "சே! இன்னைக்கு மட்டும் குண்டு வெடிக்கல எங்க தலைவரு நியூஸ் தான் ஃபஸ்ட். மிஸ் ஆயிருச்சு" என்றான்.

அவன் இவன் - எஸ்.ரா வின் கிழிந்த முகத்திரை

2011-06-18T07:18:00.008+05:30

ஒட்டு மீசை ஜமினின் 60வது பிறந்தநாளில் பெண் வேடமிட்டு 10 நிமிடம் குத்தாட்டம் போடுகிறார் விசால். அவ்வாறு தொடங்குகிறது படம். ஆட்டத்தின் இறுதியில் இரண்டு பெண்களை எட்டி உதைக்கிறார். இதற்கு தியேட்டரில் சிரிப்பு சத்தமும், கைத் தட்டல் சத்தமும் ஒலிக்கிறது. கேட்டால் பெண்கள் அடி வாங்குவது நகைச்சுவையாம். இதற்கு படம் பார்க்க வந்த பெண்களும் கை தட்டி சிரித்தனர்.

படத்தில் கதை என்று சொல்லும் அளவிற்கு எதுவும் இல்லை. விஷாலும், ஆர்யாவும் அண்ணன் தம்பிகள் மற்றும் திருடர்கள். இருவரில் யார் திறமையான திருடன் என்ற போட்டியுடன் தொடங்குகிறது படம். அந்தப் போட்டியில் ஆர்யா வெற்றி பெறுகிறார். அந்த வெற்றியை தன் தாயுடன் சேர்ந்து குத்தாட்டம் போட்டு கொண்டாடி விசாலையும் , அவர் அம்மாவையும் (ஏன் நம்மையும் சேர்த்து தான்) வெறுப்பேற்றுகிறார்.

அந்த ஊர் ஜமீனுக்கு குடும்பம் என்பதே கிடையாது. அதனால் இந்த இருவரையும் தன் மகன்களாக நினைக்கிறார். இவர்களும் அவர் மீது பாசம் கொள்கின்றனர். வழக்கம் போல் இருவருக்கும் காதலிகள் காமர்சியலாகத் திணிக்கப் பட்டிருக்கின்றனர். ஆர்யாவை டுடோரியல் காலேஜில் படிக்கும் ஒரு பெண்ணும், விஷாலை காவல் துரையை சேர்ந்த ஒரு பெண்ணும் காதலிக்க வைக்கப் படுகிறார்கள் (ஏன் எதுக்குன்னுலாம் கேக்கக் கூடாது).

படிக்கப் போகும் பெண்களிடம் போலி உண்டியல் வைத்து "சொரிமுத்து அய்யனாருக்கு" உண்டியல்ல காசு போடுங்க எல்லாரும் பாசாகிடுவிங்கன்னு சொல்லி அவங்கள மிரட்டி காசப் புடுங்குறார். அதில் கதாநாயகி கவரிங் வளையலை போட்டு செல்கிறார். மறு நாள் விஷயம் தெரிந்து ஆர்யா அவர்களை வழி மறித்து. கதாநாயகியுடன் வரும் பெண்களை எல்லாம் தலையிலும் முதுகிலும் ஓங்கி அடிக்கிறார். அதே ஆர்யா காட்டில் காவலர்களிடமும், இறுதியில் ஆர்கேவிடமும் சரமாரியாக அடிவாங்குகிறார். ஆண்களிடம் எதிர்த்து நிற்க முடியாதவனிடம் கூட பெண்கள் அடி வாங்க வேண்டுமாம் (பாலாவின் ஆணாதிக்கத் திமிர் இரண்டாவது இடத்தில் பளிச்சிடுகிறது.) .

காவல்துறையை முழுக்க காமெடி துறையாக்கி வைத்திருக்கிறார் பாலா. அந்தத் துறையில் பணிபுரியும் ஒரு பெண்ணைக் காதலிக்கிறார் விசால். அந்தப் பெண்ணிடம் "நாங்கப் போடுற பேன்டுல ஜிப் இருக்கும். அது மாதிரி நீங்க போடுற பேன்டுல ஜிப் இருக்குமா? அப்புடியே இருந்தாலும் எதுக்கு?" என்பது போன்ற எஸ்.ரா-வின் வக்கிர வசனம் பேசுகிறார். வாக்கி டாக்கியைத் தொலைத்த அந்தப் பெண் இன்னொரு காவலாளியுடன் விசாலைத் தேடி வரும் போது அவர் டாய்லெட் போய்க் கொண்டிருக்கிறார். அப்போது அவன் அம்மாவிடம் வந்து "அம்மா மாவு மாவா போவுதும்மா" என்று சொன்னதும் "அத வச்சி இவளுங்களுக்கு வடை சுட்டா குடுக்க முடியும்" என முகம் சுளிக்க வைக்கும் எஸ்.ரா-வின் வசனம் மீண்டும் ஒலிக்கிறது.

இப்படியாகப் போய்க் கொண்டிருக்க படத்தில் வில்லன் வருகிறான். வில்லனாக நடித்திருக்கும் ஆர்கே மாடுகளை பிடித்து அடிமாட்டுக்கு அனுப்பி லட்சம் லட்சமாக சம்பாதிக்கிறான். ஒரு நாள் இதை அந்த ஊர் ஜமினான ஐரிஸ் பார்த்து விட்டு ப்ளு கிராசிடம் காட்டிக் கொடுக்க மாடுகள் பறிமுதல் செய்யப் பட்டு ஆர்கே கைது செய்யப் படுகிறார்.

ஜெயிலில் இருந்து வெளியில் வரும் ஆர்கே ஐரிசை அடித்து இழுத்து சென்று அம்மணமாக்கி நிற்க வைத்து அடிக்கிறான். அப்போது "ஏண்டா நாங்க மாட்ட வேட்டுரதக் கேக்குற நீ குர்பானிங்கற பேருல வருசா வருஷம் ஒட்டகத்த கொண்டு வந்து வெட்டித் திங்கிரானுவளே அவனுங்கள கேக்க வேண்டியது தான" என இசுலாமியர்களை நக்கலடிக்கும் எஸ்.ரா வின் வசனம் பேசுகிறார். பின்னர் அவரைக் கொன்று மரக்கிளையில் தூக்கிலிடுகிறான்.

இதைப் பார்த்து கொதித்துப் போகும் ஆர்யாவை ஆர்கே புரட்டி எடுக்கிறார். ஆனால் விசாலிடம் அடி படுகிறார். ஆர்கேவை இறந்து போன ஜமினுடன் சேர்த்து வைத்து எரித்து விடுகின்றனர். படம் முழுக்க எஸ்.ராவின் காது கூசும் வசனங்கள் ஒலிக்கின்றன. அத்துடன் படம் முடிகிறது.

படத்தின் ஒரு காட்சியில் விசால நாடகம் போடுகிறார். அதில் சாமி வேடத்தில் வருகிறார். "பக்தர்களிடம் காட்டும் கோபத்தை என்னிடம் காட்டலாமா?" என பார்வதியைப் பார்த்து வசனம் பேச ஆர்யா "பக்தர்கள்னா உனக்கு என்ன இளிச்ச வாயனுங்க்களா" என்றும், பின்னர் "தியானம் செய்யும் ஒருவனிடம், சிவன் வந்து பக்தா உனது தியானத்தை மெச்சினோம் உனக்கு என்ன வேண்டும் கேள்" எனும் போது "அவனுக்கு என்ன வேணும்னே தெரியல நீயெல்லாம் ஒரு கடவுளா?" என ஆர்யா பேசும் வசனங்கள் அருமை.

"கௌரவத் தோற்றம் சூர்யா" எனப் போட்டார்கள். அதற்கு பதில் "விளம்பரத் தோற்றம் சூர்யா" எனப் போட்டிருக்கலாம். பயபுள்ள வழக்கம் போல மேடை கிடகிச்சா பேசுற வசனத்தைப் பேசி அகரத்துக்கு விளம்பரம் பண்ணிட்டு போகுது.

பி.கு: முதலில் வசனகர்த்தாவின் பெயரை ஜெமோ எனத் தவறுதலாக வெளியிட்டு விட்டேன். மன்னிக்கவும்.

சச்சின் ஒரு போலிச் சாமியார்(!)

2011-06-01T23:44:00.004+05:30

சச்சினை தலையில் தூக்கி வைத்து கொண்டாடும் ரசிகர்கள் இப்போதாவது புரிந்து கொள்வார்களா என்பது தெரியவில்லை. "கிரிக்கெட் ஒரு மதம் என்றால் சச்சின் அங்கு கடவுளாம்". அதுவும் சரிதான் காசு இருந்தாதான் கடவுளையே தரிசிக்க முடியும்ங்கற காலம் தான் இது.

ஐ.பி.எல்லில் விளையாடிய கடவுள் தேச விளையாட்டிற்கு ஓய்வு கேட்கிறது. காசுக்காக விளையாடும் போது அந்த ஓய்வு தேவைப் படவில்லை. அதிலேயே தெரிகிறது அதன் லட்சணம். கிரிக்கெட்டில் இந்தியா ஜெயித்தால் நாம் வல்லரசாகி விடுவோம் என போலிக் கனவில் வாழும் நம் மக்கள் இருக்கும் வரை இது போன்ற போலிக் கடவுள்களுக்கு பஞ்சமிருக்காது.

இன்றும் கூட இந்த மக்கள் சச்சினுக்கு வயதாகி விட்டது. அதனால் அவருக்கு ஓய்வு தேவைதான் என சொல்கிறது. தான் நினைத்த கடவுளை நியாயப் படுத்தும் முட்டாள் தனமான வேலையை செய்ய அது தயங்குவதுமில்லை.

கவாஸ்கர் போல் சிலருக்கு வந்திருக்கும் கோபம் கூட சச்சின் அடுத்து அடிக்கும் 50 அல்லது 100 களில் மறைந்து போகும். இல்லாத கடவுள் மீது இதே மக்களுக்கு அவ்வப்போது வந்து மறையும் கோபம் தான் அது. இவர்கள் இருக்கும் வரை சச்சின் போன்ற போலிக் கடவுள்கள் முளைக்கத்தான் செய்வார்கள்.

எங்கேயும் காதல் - மேட்டுக்குடி காதல

2011-05-08T12:30:00.003+05:30

லண்டனில் வசிக்கும் ஒரு பரம "ஏழை" (!) குடும்பத்துப் பெண் தான் படத்தின் நாயகி. ஒரு பணக்கார வாலிபன் 11 மாசம் பிசினசில் பிசி அப்பறம் ஒரு மாசம் லண்டன் வந்து குட்டி புட்டிகளுடன் குதியாட்டம் போடுறவன்.

அவன் மீது இந்த பரம ஏழை பெண்ணுக்கு காதல் (அப்புடின்னு சொல்றாங்க ஆனா ஏன்னு சொல்லலப்பா). அவன் எப்புடி பட்டவன்னு தெரிஞ்சும் லவ் பண்றா. ஆனா அவன் அவளை அலட்சியப் படுத்துறான். அவன மடக்க அவன் டெக்னிக்கையே யூஸ் பண்றா.

அவளோட அப்பா கேஸ்ல வந்தவங்கள எல்லாம் தன்னோட பாய் பிரண்ட்ஸ்-நு சொல்லி ஹிரோவ ஏமாத்துறா. ஒரு கட்டத்துல இவனும் அவளை லவ் பண்ண ஆரம்பிக்கிறான். அந்த பொண்ணு சொன்ன பாய் பிரண்ட்ஸ் யாருன்னு தெரிஞ்சிக்க அவ அப்பா வச்சிருக்குற டிடக்டிவ் ஏஜன்சி போறான்.

தன் பொண்ணுதான்னு கண்டு புடிச்ச டிடக்டிவ் ஹீரோ கிட்ட போய் தன் குடும்பத்தின் "ஏழ்மை" பத்தி பேசுறாரு. கடைசில ரெண்டு ஏழைகளும் சேருறாங்க. இந்த மொக்கையதான் படம்னு சொல்லி எடுத்துருக்காங்க.

எங்கேயும் காதல் - மேட்டுக்குடி காதல

பதிவர்களே வாருங்கள்!

2010-12-23T07:16:00.006+05:30

நூல் வெளியீட்டு விழா

நாள்: 26.12.2010

நேரம்: மாலை 5 மணி

இடம்: செ.தெ. நாயகம் தியாகராய நகர் மேல்நிலைப்பள்ளி,

வெங்கட் நாராயணா சாலை, தியாகராய நகர்,

சென்னை
(பனகல் பூங்காவிலிருந்து சைதை செல்லும் சாலையில் திருப்பதி தேவஸ்தானத்தின் எதிரில், டாக்டர் நடேசன் பூங்காவிற்கு அருகில் இந்தப் பள்ளி இருக்கிறது)

விழா தலைமை:
தோழர் துரை. சண்முகம், கீழைக்காற்று

நூல் வெளியிடுவோர்:
ஓவியர் மருது
மருத்துவர் ருத்ரன்

நூல் பெறுவோர்:
கவிஞர் தமிழேந்தி
பதிவர் சந்தனமுல்லை

சிறப்புரை: “படித்து முடித்த பின்…”
தோழர் மருதையன்,

பொதுச் செயலர்,

மக்கள் கலை இலக்கியக் கழகம்,

தமிழ்நாடு

பதிவர்கள், வாசகர்கள், தோழர்கள் அனைவரும் வருக!

(விழா அன்று இந்த எட்டு நூல்களும் தனித்தனியாக 30% தள்ளுபடி விலையில் கிடைக்கும். சனவரி 4 முதல் 17 வரை நடக்கும் சென்னை புத்தக கண்காட்சியில் கீழைக்காற்றின் கடை எண்: 39,40)

ஐ.பி.எல் சீசன் - 4

2010-12-16T06:53:00.002+05:30

இந்தியா பத்தாகப் பிரிக்கப் படும்.

தேசத்திற்காக ஆடும் போது இல்லாத ஆர்வம்

முதலாளிகளுக்காக ஆடும் போது வரும்.

ஒவ்வொரு அணியும் ஒவ்வொரு முதலாளியின் கையில்

வீரர்கள் அணியும் ஜட்டி முதல்

முதலாளிகளின் விளம்பரங்கள்.

அவன் விளம்பரத்தைக் காண,

அவனுக்கு பணம் கொடுத்து

கைத் தட்டி வரவேற்க ரசிகர்கள்.

நாட்டில் நடக்கும் வேறெந்த பிரச்சினைகளிலும்

கவனம் செலுத்தாமல் தொலைக் காட்சியில்

புகுந்து களிப்புறும் நம் மக்கள்.

அதைப் பயன் படுத்தி மற்றப்

பிரச்சினைகளை மூடி மறைத்து

நீர்த்து போக செய்யும் நம் அரசு

அவன் கோடிக் கணக்கில் ஊழல்

செய்யவும் தனது வருமானத்தைப்

பெருக்கிக் கொள்ளவும்

மக்களை மடையர்களாக்கி செவ்வனே

அரசியல் செய்யும் ஒரு சித்து

விளையாட்டு இந்த ஐ.பி.எல்

சோற்றுக்கு வழியில்லாத தேசத்தில்

எதற்கடா இந்த கொழுத்த

முதலாளிகளின் கேவல விளையாட்டு(!?)

குடும்பத்தோடு கொள்ளையடிக்க வாங்க!

2010-12-11T15:00:00.006+05:30

சன் பிக்சர்ஸ் வழங்கும் "குடும்பத்தோடு கொள்ளையடிக்க வாங்க!"

ஹீரோ: "ஸ்பெக்ட்ரம் புகழ்" ஆ.ராசா
இணை இயக்கம்: மு.க ஸ்டாலின்
ஸ்டண்ட்: மு.க.அழகிரி
காஸ்ட்யூம்: தயாநிதி
மீடியா: கலாநிதி
இயக்கம்: கருணாநிதி
தயாரிப்பு: மக்கள் நிதி (வேற யாரு நாம தான்)

மின்ன்னஞ்சலில் வந்தது.

பி.கு: இது நண்பர் மாணவனுடையது என

ரஹீம் கஸாலி மூலம் தெரிந்தது. மாணவனுக்கு நன்றி.

எது இலக்கியம் ஜெயமோகன்(!?)

2010-12-09T00:24:00.003+05:30

அருந்ததிராய் குறித்த ஜெயமோகனின் கட்டுரையை நண்பர் கார்த்தியின் மூலம் தெரிந்து படித்து முடித்தேன். இலக்கியப் படைப்புகளை வார்த்தை ஜாலங்களாலும், மொழி விளையாட்டுகளிலும் எடுத்தியம்புகின்றவர்கள் மட்டுமே இலக்கியவாதிகள் என பிரகடணம் செய்து வைத்திருக்கிறார்கள் போலும்.

அந்த அளவு தான் ஜெயமோ சொல்லும் இலக்கியங்களும். இலக்கியங்கள் என்பவை வெறும் பொழுது போக்கு அம்சங்களாகவும், கட்டுக் கதைகளாகவும் மட்டுமே இருப்பதில் எந்தப் பிரயோசனமும் இல்லை. இலக்கியம் மக்களுக்கான ஒன்றாக இருக்க வேண்டும். அது எடுத்தியம்புகின்ற விடயங்கள் மக்களின் வாழ்வியலில் ஒரு மாற்றத்தை கொண்டு வர வேண்டும். மாறாக மக்களை மடையர்களாக்கி வைத்திருக்கக் கூடாது.

எந்த ஒரு இலக்கியமும் மக்களுடன் கலந்து, மக்களைப் புரிந்து அவர்களின் வாழ்வியல் அவலங்களை அப்பட்டமாக வெளிச்சம் போட்டுக் காட்ட வேண்டும். மாறாக அது ஆளும் வர்க்கத்திற்கும், அதிகார வர்க்கத்திற்கும் குடை பிடிப்பதாக இருக்கக் கூடாது. மேலும் காசு பார்ப்பது மட்டுமே நோக்காகக் கொண்ட எதுவும் முழுமையான மக்கள் இலக்கியமாக இருக்க முடியாது.

இந்த ஜெமோ சொல்வது போல் வெறும் புகழையும், பணத்தையும் மட்டுமே நோக்காக கொண்டிருந்தால் அருந்ததி ராய் என்றோ அதன் உச்சத்திற்கு சென்றிருக்க முடியும். பலர் எழுதி விட்டுச் சென்ற கட்டுக் கதைகளை போல் மக்களுடன் கலவாத இலக்கியங்களைப் படைத்து உலகம் முழுதும் ஒன்று சேர்ந்து போற்றும் ஒரு மாபெரும் எழுத்தாளர் என்ற பெயரைப் பெற்றிருக்க முடியும்.

அவர் விரும்பியது பாமர மக்களை. அவர்களின் அவலநிலைக்கு எதிராகப் போர்க் கொடி உயர்த்தினார். அவர் ஒன்றும் உங்களைப் போல் மக்களுடன் கலவாத கற்பனைகளை எழுதிப் பெயர் வாங்கும் நோக்கம் கொண்டவரல்ல. மாறாக மக்களுடன் கலந்துரையாடி அவர்களின் நிலைப் பாட்டைப் புரிந்து கொண்டு அதை முதலாளித் துவம், அதிகார வர்க்கத்திற்கெதிரான எழுத்தாக மாற்றியிருக்கிறார்.

அவர் ஒன்றும் சினிமாக்களுக்கு வசனம் எழுதிப் பிழைப்பு நடத்தவில்லை. ஊடகங்கள் பெரும்பாலும் ஊமைகளாகவே இருந்திருக்கின்றன. அவைகள் ஆளும் வர்க்கம், முதலாளிகளுக்குமான் சேவைகளையே செய்து வந்திருக்கின்றன. அவற்றின் மாய பிம்பங்களில் மக்கள் மூழ்கடிக்கப் பட்டிருக்கின்றனர்.

ஊடகங்களால் பெரிது படுத்தாத உண்மை நிலைகள் பல அருந்ததி ராய் போன்றவர்களால் வெளிக்கொணரப் படுகிறது. இது போன்று ஆள்பவனுக்கு பயப்படாமல் குரல் கொடுக்க, மக்களுடன் இணைத்துக் கொள்ள உங்களுக்குத் துணிவிருக்கிறதா?

இன்று "ஐரோம் ஷர்மிளா" பற்றி யாருக்குத் தெரியும்?

நண்பர்களிடம் கேட்டால் புது நடிகையா? என்ற கேள்வி வருகிறது. அவரை இந்த ஊடகங்கள் இன்றும் வெளிக் காட்டாமல், அவரது நியாயமான போராட்டத்திற்கு ஆதரவளிக்காமல் ஆளும் வர்க்கங்களுக்கு குடை பிடித்து வருகிறது. போராட்டங்களில் இணைந்து கொள்ளாமல் போராடுபவர்களை கேவலப் படுத்தும் உங்களுக்கு "ஐரோம் ஷர்மிளா" குறித்து தெரியாதா? அவரைப் பற்றி எதாவது எழுதியிருக்கிறீர்களா?

நக்சல்பாரி பிரச்சினை, காஷ்மீர் போராட்டங்கள் குறித்த உங்களின் கருத்துக்கள் தெள்ளத் தெளிவாக உங்களின் பதிவில் தெரிகிறது. அவர்களின் போராட்டங்களைக் கொச்சைப் படுத்தியிருக்கிறீர்கள். ஒடுக்கப் பட்ட ஏழை வர்க்கத்தின் போராட்டம் வேதாந்தாவுக்கு எதிரானது. அவர்களைத் துப்பாக்கியேந்தும் சூழலுக்கு கொண்டு சென்று நிறுத்தியது முதலாளிகளுக்கு கொடி பிடிக்கும் அரசாங்கம்.

அதனை எதிர்த்து தங்களின் நியாயத்திற்காக போராடி வருபவர்களுக்கு சூட்டப் பட்ட பெயர் தீவிரவாதிகள். அதற்கு ஒத்து ஊத உங்களைப் போன்ற எழுத்தாளர்கள் வேறு.

கஷ்மீரில் நடப்பது என்ன ஜாதிக் கலவரமா? மக்கள் ஒன்று கூடி நடத்தும் போராட்டம் அது. அந்த மக்களுடன் கலந்து பின்னர் அவர்களின் நிலைப்பாட்டை எடுத்து சொன்னவர் இந்த அருந்ததி ராய். அதனால் அவர் மீது வழக்குப் பதிவு. அது போன்று மக்களின் நிலைப் பாட்டை நேரடியாக ஆய்ந்து எடுத்து சொல்லவும் அதனால் வரும் எதிர் விளைவுகளுக்கு அஞ்சாமலும் எழுத நீங்கள் தயாரா?

மக்களைத் திரட்டிப் போராடினால் மட்டுமே எதையும் பெற முடியும் என்ற உங்களின் நிலைப் பாட்டிற்கு பாராட்டுகள். ஆனால் அவர்களை எப்படி திரட்ட முடியும்? என உங்களால் சொல்ல முடியுமா?

மக்களுக்கு உண்மைகளை ஒளித்து வைத்து மேம்போக்காக சொல்லும் ஊடகங்கள் தானே நம்மிடம் இருப்பவை? மக்களுக்கு உண்மைகளை எடுத்து சொல்லிப் புரிய வைக்க வேண்டிய கடமை உங்களைப் போன்ற எழுத்தாளர்களுக்கு இல்லையா? இலக்கியவாதிகள் என்பவர்கள் மக்களுடன் இருக்க வேண்டும். ஆளும் வர்க்கங்களுக்கு பயந்து, அடி பணிந்து இருக்கக் கூடாது.

இலக்கியம் என்பதும் மக்களின் உணர்வுகளை கிளர்ந்தெழ செய்யுமளவில் இருக்க வேண்டும். அநீதிகளுக்கு எதிரானதாக இருக்க வேண்டும். சமூக அவலங்களுக்கு பாரபட்சமின்றி குரல் கொடுப்பதாக இருக்க வேண்டும். நீங்கள் சொல்வதெல்லாம் இலக்கியமாகாது ஜெயமோ.

அருந்ததி ராய் குறித்த ஜெமோ பதிவு

நந்தலாலா - மிஸ்கினின் திமிர்

2010-12-06T07:41:00.004+05:30

நந்தலாலா படம் குறித்து பலவகையான விமர்சனங்கள் வெளி வந்த வண்ணமுள்ளன. அதில் பெரும்பாலும் கிகுஜிரோவின் காப்பி என்பது தான். நான் கிகுஜிரோ இனிமேல் தான் பார்க்கப் போகிறேன். அது குறித்து இன்னொரு பதிவில் விவாதிக்கலாம். இப்போது நான் பார்த்த நந்தலாலா குறித்து விவாதிக்கலாம்.

ஒரு சிறுவன் தன்னை விட்டுப் பிரிந்த தாயைத் தேடிப் புறப்படுகிறான். அதே நேரத்தில் மனநல காப்பகத்திலிருந்து தப்பி தன் தாயை பார்க்கப் புறப்படுகிறான் இன்னொருவன். இருவரின் ஒன்று சேர்ந்த பயணம் தான் படத்தின் கதை.

ஆரம்பக் காட்சியில் சிறுவன் அகியின் வீட்டு வேலைக்காரி திருப்பித் தருவதாக கூறி ஏமாற்றி சிறுவனிடம் பணம் பறிப்பது போல் ஒரு காட்சி. வேலைக்காரிகள் என்றால் அப்படித்தான் என்பது மிஸ்கினின் என்னமோ என்னவோ? ஆரம்பமே ஒரு கேவலமான சித்தரிப்புடன் தொடங்குகிறது.

அதன் பின்னர் சிறுவன் அகியுடன், பாஸ்கர் மணியும் இணைகிறார். இருவரின் நோக்கமும் தாயை சென்றடைவது என இருப்பதால் ஒன்றாக பயணிக்கத் தொடங்குகிறார்கள்.

அப்படி செல்கையில் வழியில் ஒருவர் பற்றி ஒருவர் பேசத் தொடங்குகையில் சிறுவன் பாஸ்கர் மணியின் அம்மா குறித்து கேட்கிறான். அதற்கு பாஸ்கர் மணி "அந்த சிறுக்கி நான் இந்த ஒயரம் இருக்குறப்ப ஆஸ்பத்திரில கொண்டு வந்து உட்டுட்டு போய்ட்டா!" என கடுமையாக தாயை சாடுகிறான். அடுத்து அப்பா குறித்து கேட்கையில் "அவன் எங்கயோ ஓடிப் போய்ட்டான்" என நகைச்சுவையுடன் பதிலளிக்கிறார்.

விட்டுப் போன தாயை "கன்னத்தில் எண்ணை தடவி வைடி சிறுக்கி வந்து அறையுறேன்" என கோபம் காட்டும் பாஸ்கர் மணி ஓடிப் போன தந்தைக் குறித்து எந்தக் கோபமும் காட்டாமல் "எதுக்காக ஓடிப் போனான்னே தெரியலன்னு" சிரித்துக் கொண்டே சொல்கிறான்.

சமூகத்தில் ஆண்கள் எப்படி வேண்டுமானாலும் நடந்து கொள்ளலாம். குடும்பத்தை விட்டு பொறுப்புகளைத் தட்டிக் கழித்து விட்டு தப்பி செல்லலாம் அதை இந்த ஆணாதிக்க சமூகம் பெரிது படுத்தாது எனப்தை தன்னுடைய ஆணாதிக்கத்தின் மூலம் எடுத்துரைக்கிறார் மிஸ்கின். பெண் செய்தால் அது கொடுமையான குற்றமாகவும், ஆண் செய்தால் அது சாதாரன தவறாகவும் பாவிக்கும் ஆணாதிக்க மனோபாவத்தில் மிஸ்கின் அமைத்திருக்கும் காட்சி தான் அது.

தன்னை மென்டல் என்று சொன்ன ஆட்டோக்காரரை போட்டு புரட்டிய்ர்டுக்கிறார் பாஸ்கர் மணி. இறுதியில் சிறுவன் "போடா மென்டல்" என்று சொல்லும் போது கோபப் பட்டு அழுகிறார். அப்படி இருக்கும் ஒருவனிடம் சாதிக் கலவரத்தில் காப்பாற்றப் பட்ட ஒரு பெண் "அண்ணே நீங்க எந்த சாதிண்ணே!?" என கேட்கையில் "மென்டல்" என கூறுவது ஒப்புக் கொள்ளக் கூடியதாக இல்லை. ரசிகர்களிடம் கைத்தட்டல் வாங்குவதற்காக சேர்க்கப் பட்ட தமிழ் சினிமா மசாலா ஃபார்முலா தான் அந்தக் காட்சி.

ஒரு வழியாக அன்னவயல் வந்து சேர்கின்றனர் இருவரும். அங்கு அகியின் அம்மாவை சந்திக்கிறான் பாஸ்கர் மணி. அகியின் அம்மாவுக்கு வேறொரு திருமணம் நடந்து ஒரு பெண் குழந்தை இருப்பதாகக் காட்டப் படுகிறது. பாஸ்கர் மணியின் காலில் விழுந்து கதறி அழுகிறாள் அந்தப் பெண். அவரை அறைந்து விடுகிறான் பாஸ்கர் மணி.

அதாவது ஒரு ஆண் ஒரு பெண்ணை விட்டு விட்டால் இன்னொரு திருமணம் செய்து கொள்ளக் கூடாது. ஆனால் ஒரு பெண் ஒரு ஆணை விட்டு விட்டால் அவன் இன்னொன்று அல்ல எத்தனை திருமணங்கள் வேண்டுமானாலும் செய்து கொள்ளலாம். இது போன்று பெண்ணை அடிமையாக்கி வைத்திருக்கும் கலாச்சாரத்திற்கு கொடிப் பிடித்திருக்கிறார் இயக்குனர் மிஸ்கின்.

ஒரு விபச்சார பெண் பாஸ்கர் மணியிடம் கேட்கிறாள் "அகியோட அம்மா எங்க?" என்று. அதற்கு பாஸ்கர் மணியின் பதில் "அவ நல்லவ இல்ல! அம்மால்லாம் நல்லவ இல்ல! அம்மா கெட்டது! அம்மான்னா குப்ப! குப்ப!" என பெண்ணை, தாயைக் கேவலப் படுத்தும் வசனம் பேசுகிறான்.

அந்தப் பெண் இன்னொரு திருமணம் செய்து கொண்டாள். அவளுக்கு அந்த உரிமை இல்லையா? அப்படியே மகனை விட்டுச் சென்றது தவறு என வாதிட்டாலும் விட்டுச்சென்ற அப்பாவிற்கு அந்தக் கடமை அவசியமில்லையா? விபச்சாரம் செய்யும் ஒரு பெண்ணை உடன் இருத்திக் கொள்ளும் பாஸ்கர் மணிக்கு அகியின் அம்மா இன்னொரு திருமணம் செய்தது தவறாகத் தெரிகிறது. அது முழுக்க முழுக்க ஆணாதிக்க சிந்தனை என்பதில் துளியும் சந்தேகமில்லை.

மேலும் சித்தரிக்கப் பட்ட அந்த விபச்சார பெண்ணின் பாத்திரம் தன்னை ஒரு முற்போக்கு சிந்தனையாளன் எனக் காட்டிக் கொண்டு கைத்தட்டல் வாங்க மிஸ்கினால் அமைக்கப் பட்ட போலி முற்போக்குத் தனமே அன்றி வேறில்லை. படத்தில் இத்தனை ஆணாதிக்கங்களையும் ஒளித்து வைத்து விட்டு மேலோட்டமாக ரசிகர்களுக்கு நல்லப் படம் போல் காட்டியிருக்கிறார்.

மொத்தத்தில் நந்தலாலா - மிஸ்கினின் ஆணாதிக்க மனதின் வெளிப்பாடு.

மகள் நேயாவின் நந்தலாலா குறித்தப் பார்வை மிக அருமை: தாய்மைச் சுமை

2050-ல் தமிழ்மொழி பாடநூல்

2010-11-27T17:10:00.003+05:30

கடவுள் வாழ்த்து
மொழி வளர்த்த ஆசாடபூதியே போற்றி
திருக்குவளை தீய சக்தியே போற்றி
மஞ்சள் துண்டு மடாதிபதியே போற்றி
கனிமொழியின் தந்தையே போற்றி
செம்மொழி மாநாடு தந்த செம்மலே போற்றி
அஞ்சாநெஞ்சனை பெற்ற அண்ணலே போற்றி
தளபதியின் தந்தையே போற்றி
மானாட மயிலாட தந்த மன்னவா போற்றி
குஷ்பூவை கட்சியில் சேர்த்த தலைவா போற்றி
சிங்களவனை வாழவைத்த சிற்பியே போற்றி
ஈழத்தை அழித்த இதயமே போற்றி போற்றி

மொழி வரலாறு.

தமிழ் என்ற மொழி, 20ம் நூற்றாண்டு வரை, எழுத்து வடிவம் பெறாமல் பேச்சு வடிவிலேயே இருந்தது. 20ம் நூற்றாண்டில் திருக்குவளையில் பிறந்த முத்துவேல் கருணாநிதி என்பவர் தான் தமிழ் என்ற மொழிக்கு எழுத்து வடிவத்தை தந்தவர். அவர் பிறந்த பிறகுதான் தமிழே பிறந்தது.
தமிழ் மட்டும் இல்லாமல், இயற்றமிழ், இசைத் தமிழ் மற்றும் நாடகத்தமிழ் ஆகிய அனைத்தையும் கண்டு பிடித்ததால் தான், கருணாநிதியை முத்தமிழ் அறிஞர் என்று அழைக்கின்றனர்.
20ம் நூற்றாண்டு வரை, திருக்குறளை திருவள்ளுவர்தான் கண்டுபிடித்தார் என்று சில ஏடுகள் திரித்து எழுதிக் கொண்டிருந்தன. 2010ல் வாழ்ந்த சிறந்த மொழியறிஞரான வாலி என்பவர் தான், திருக்குறளை எழுதியது கருணாநிதிதான் என்று கண்டு பிடித்தார். திருக்குறள் மட்டுமல்லாமல், கருணாநிதி, சிலப்பதிகாரம், சீவக சிந்தாமணி, கம்பராமாயணம் என்று பல்வேறு இலக்கியங்களை கருணாநிதி எழுதியுள்ளார் என்று வாலி கூறியுள்ளார்.
21ம் நூற்றாண்டில் வாழ்ந்த கவிஞர் வைரமுத்து என்பவர், தமிழை மட்டுமல்ல, பாரசீகம், உருது, வங்காளம், இந்தி, துளு, மலையாளம், கன்னடம், தெலுங்கு ஆகிய மொழிகளுக்கும் எழுத்து வடிவை தந்தவர் கருணாநிதி தான் என்று ஒரு மொழி ஆய்வு நூலில் குறிப்பிட்டுள்ளார்.
இது மட்டுமல்லாமல், கருணாநிதி தொல்காப்பியம் என்ற தமிழ் இலக்கண நூலையும் எழுதியுள்ளார் என்று வரலாற்று ஏடுகள் தெரிவிக்கின்றன.

கணிதம்.

அடுத்து, ஒன்று இரண்டாக, இரண்டு மூன்றாக, பல்லாயிரக்கணக்கான எண்ணிக்கையில் குடும்பத்தை எப்படி பெருக்குவது என்பது அடுத்த கணக்கு.

பத்துக்கு பத்து என்ற சுற்றளவில் இருந்த ஒரு அறையை எப்படி ஆயிரக்கணக்கான சதுர கிலோ மீட்டர்களாக பெருக்குவது என்பதை மாணவர்கள் பயிற்சி எடுக்கவும்.

1ஜி அலைக்கற்றை ஒதுக்கீடு நடந்து அரசுக்கு 7000 கோடி வருமானம் வருகிறது. 2ஜி ஏலம் விடும் போது, 60,000 கோடி வருமானம் அரசுக்கு செல்லாமல், அந்தப்புரத்திற்கு செல்வது எப்படி என்பதை பித்தாகரஸ் தியரத்தை வைத்து மாணவர்கள் கணக்கிட வேண்டும்.

புவியியல்

உதய சூரியனை கோள்கள் அனைத்தும் எப்படி சுற்றி வருகின்றன என்பதைப் பற்றி மாணவர்கள் இந்தப் பாடத்திட்டத்தில் தெரிந்து கொள்ளலாம்.
விஞ்ஞானம் வளர்வதற்கு முன்னால், சூரியன் தான் பூமியை சுற்றி வருகிறது என்று நம்பிக் கொண்டிருந்தனர். முதன் முதலில் கோப்பர்நிக்கஸ் என்ற விஞ்ஞானி, கருணாநிதி என்ற சூரியனைத் தான் அனைவரும் சுற்றி வருகிறார்கள் என்று கண்டு பிடித்து சொன்னார்.

தலைமைச் செயலகத்தில் கருணாநிதி என்ற சூரியனை அமைச்சர்கள் அதிகாரிகள் என்ற பல்வேறு கோள்கள் சுற்றி வருவதே சூரியனைத் தான் மற்ற கோள்கள் சுற்றி வருகின்றன என்பதற்கான சான்று.

வரலாறு

தமிழ்நாட்டை ஆட்சி செய்த திருக்குவளை சாம்ராஜ்யம் தான் இருப்பதிலேயே மிகப் பெரிய சாம்ராஜ்யமாக கருதப் படுகிறது. முதன் முதலில் அண்ணா என்பவர் உருவாக்கிய இந்த சாம்ராஜ்யத்தை, கருணாநிதி என்பவர் கைப்பற்றினார். அவர் கைப்பற்றியவுடன், தமிழகத்தை பல்வேறு குறுநில மாநிலங்களாக பிரித்து தனது குடும்பத்தினர் ஒவ்வொருவரையும் ஆட்சி செய்ய பிரித்துக் கொடுத்தார்.

கருணாநிதிக்கு மூன்று மகன்கள். ஒருவர் இளவரசர் மு.க.முத்து. இவர் தண்ணீர் தேசத்தின் இளவரசனாக ஆக்கப் பட்டார். அடுத்தவர் இளவரசர் அஞ்சா நெஞ்சன்.

திருக்குவளை சாம்ராஜ்யத்திலேயே அஞ்சா நெஞ்சன் தான் மிகச் சிறந்த வீரனாக கருதப் படுகிறார். தனது சாம்ராஜ்யத்தை திருச்சிக்கு தெற்கே விரிவுப் படுத்திக் கொண்டே சென்றர் அஞ்சா நெஞ்சன்.

தினகரன் என்ற ஒரு சிறு குழு, அஞ்சா நெஞ்சனுக்கு எதிராக குரல் கொடுத்த போது, தினகரனை படையெடுத்துச் சென்று தாக்கி தினகரனையும் வெற்றி கண்டவர் இளவரசர் அஞ்சா நெஞ்சன்.

அடுத்த இளவரசரான இளைய தளபதி தனது அண்ணன் அளவுக்கு சுதாரிப்பாக இல்லை என்றாலும், தன்னால் இயன்ற அளவுக்கு தந்தையின் சாம்ராஜ்யத்தை விரிவு படுத்துவதில் உதவிகள் செய்துள்ளார். 21ம் நூற்றாண்டின் இறுதியில் துணை மன்னனாக பதவி ஏற்றார் இளைய தளபதி.

பட்டத்து இளவரசியான தங்கையும் தனது அண்ணன்களுக்கு சிறிதும் சளைத்தவர் இல்லை என்ற வகையில் டெல்லி வரை சென்று வெற்றிக் கொடி நாட்டியவர்....

---மின்னஞ்சலில் வந்தது. சிலவற்றை சென்சார் செய்து வெளியிட்டிருக்கிறேன்.

அயோத்தி தீர்ப்பு – நீதித்துறை பேசும் காவி மொழியை அம்பலமாக்கும் அரங்ககூட்டம்!

2010-11-27T08:44:00.003+05:30

அயோத்தி தீர்ப்பு சரியா? என்ற கேள்வி வரும் போது பலரது பதில் சரியோ தப்போ பிரச்சினையின்றி வழங்கப் பட்டத் தீர்ப்பு என்ற பதில் தான் வருகிறது. ஆனால் இது முழுக்க முழுக்க இந்து மதத்தின் நம்பிக்கையில் வழங்கப் பட்டத் தீர்ப்பு மட்டுமே. இந்தத் தீர்ப்பு குறித்த விடயங்களை அம்பலப் படுத்தும் கூட்டம் ஒன்று நாளை நடக்கிறது.

நிகழ்ச்சி நிரல்:

அரங்கக்கூட்டம்

தலைமை : திரு.க.சுரேஷ், வழக்குரைஞர், செயலாளர், மனித உரிமை பாதுகாப்பு மையம், சென்னை.

கருத்துரை :

”நீதித்துறை பேசும் காவி மொழி” திரு.எஸ்.பாலன், வழக்குரைஞர், பெங்களூரு உயர் நீதிமன்றம்.

“அயோத்தி முதல் ராமன் பாலம் வரை”திரு.ஆர்.சகாதேவன், வழக்குரைஞர், சென்னை உயர் நீதிமன்றம்.

“அயோத்தி தீர்ப்புக்கு எதிராக தீ பரவட்டும்”திரு.எஸ்.ராஜு, வழக்குரைஞர், மாநில ஒருங்கினைப்பாளர், மனித உரிமை பாதுகாப்பு மையம், தமிழ்நாடு.

விவாத அரங்கம் :

வாக்குரைஞர்கள், மனித உரிமை ஆர்வலர்கள் பங்கேற்ப்பு! அனைவரும் வாரீர்!

நாள் : 28.11.2010, ஞாயிறு மாலை 4.30 மணி

இடம் : செ.தெ.நாயகம் மேல்நிலைப்பள்ளி, வெங்கட்நாராயணா சாலை, தி.நகர், சென்னை -17.

தோழமையுடன் அழைக்கும்,

மனித உரிமை பாதுகாப்பு மையம்

தொடர்புக்கு :

க.சுரேஷ் – 98844 55494

வினவு – 97100 82506

__________________

இசுலாமியமும் பெண்ணடிமையும்

2010-11-20T07:25:00.001+05:30

பெண்ணை அடிமையாக வைத்திருக்கும் பழக்கம் எல்லா மதங்களிலும் இருக்கின்றன. ஆனால் இசுலாமியம் அதில் சற்று விஞ்சி நிற்கிறதோ எனத் தோன்றுகிறது. சமீபத்தில் நான் சந்தித்த இரண்டு நிகழ்வுகளை இதற்கு உதாரணமாகத் தருகிறேன்.

நிகழ்வு-1

சென்ற மாதம் எனக்கு நெருங்கிய இசுலமிய நண்பனுக்குத் திருமணம் நடைபெற்றது. அவன் ஆந்திர மாநிலத்தை சேர்ந்தவன். எங்களால் திருமணத்திற்கு செல்ல இயலவில்லை. அதன் பின் நடைபெற்ற திருமண வரவேற்பு நிகழ்ச்சிக்கு ஆண், பெண் நண்பர்கள் அனைவரும் புறப்பட்டு சென்றோம்.

அது ஆந்திராவில் உள்ள கத்வால் என்ற இடம். அதிகாலை 4 மணிக்கு இரயில் கத்வாலை சென்றடைந்தது. எங்களை அழைத்து செல்வதற்காக மாப்பிள்ளையின் இரண்டு தம்பிகள் வந்திருந்தனர். ஆண்கள் அனைவரும் அருகிலுள்ள ஒரு லாட்ஜில் தங்க வைக்கப் பட்டோம். பெண்கள் மாப்பிள்ளையின் இல்லத்திலேயேத் தங்க வைக்கப் பட்டனர்.

அவர்கள் வீட்டில் தங்க வைக்கப் பட்ட அனைத்துப் பெண்களுக்கும் சில விதிமுறைகள் வகுக்கப் பட்டன. யாரும் இங்கிருந்து செல்லும் வரை வெளியில் செல்ல அனுமதி இல்லை. அதோடு இல்லாமல் அவர்கள் வீட்டுப் பெண்கள் யாரையும் ஆண்கள் இருக்கும் இடங்களுக்குள் செல்ல அனுமதிப்பதில்லை. அதே போல் இந்தப் பெண்களும் நடத்தப் பட்டனர். அவர்கள் சகஜமாக வெளியில் செல்ல அனுமதி இல்லை.

வீட்டிற்குள்ளேயே முடக்கி வைக்கப் பட்டனர். நண்பர்கள் நாங்கள் மதிய உணவுக்கு மாப்பிள்ளை வீட்டிற்கு அழைக்கப் பட்டோம். அப்போது கூட எங்கள் தோழிகள் எங்களை சந்திக்க அனுமதிக்கப் படவில்லை. எல்லாம் முடிந்து மாலை மாப்பிள்ளை அழைப்புக்கு நாங்கள் லாட்ஜில் இருந்து புறப்பட்டு சென்றோம்.

அங்கு சென்றால் இசுலாமிய திருமணங்களில் நடப்பது போலவே நடுவில் திரை வைத்து மணப்பெண் மற்றும் பெண்கள் ஒரு புறமும், மாப்பிள்ளை மற்றும் ஆண்கள் இன்னொரு புறமும் அமர வைக்கப் பட்டனர். மேலும் பெண்கள் உள் செல்ல தனி வழி அமைக்கப் பட்டது. ஆண்கள் அனைவரும் சகஜமாக அங்கும் இங்கும் அலைந்து கொண்டிருந்தனர். ஆனால் பெண்களுக்கு 144 போடப் பட்டது.

இருக்கும் இடத்தை விட்டு வெளியில் வரக் கூடாது. எந்த ஆணுடனும் நின்று பேசக் கூடாது. இது அவர்கள் வீட்டு பெண்களுக்கு மட்டுமல்ல வரவேற்பிற்கு வந்திருந்த மற்ற மதத்துப் பெண்களுக்கும் சேர்த்து விதிக்கப் பட்ட சட்டம். வரவேற்பிற்கு சென்ற ஆண் நண்பர்கள் யாரும் திருமணப் பெண்ணை இறுதி வரைப் பார்க்க வில்லை.

அங்கிருந்த இரண்டு நாட்களும் எங்கள் தோழிகள் வீட்டுச் சிறையில் வைக்கப் பட்டனர் என்று கூட சொல்லலாம். வெளியிலிருந்து வந்த இசுலாமியர் அல்லாதப் பெண்களுக்கே இந்த கதி என்றால் அவர்கள் வீட்டுப் பெண்களின் நிலை என்னவாக இருக்கும்?

நிகழ்வு-2

கடந்த புதன் கிழமை நட்பு ஒருவரின் திருமணத்திற்காக ஈரோடு செல்ல காலை 6:15 கோவை விரைவு இரயிலில் புறப்பட்டேன். எனது இருக்கையைத் தேடிப் பிடித்து அமர்ந்தேன். எனக்கு அருகில் ஒரு பெண் வந்து அமர்ந்தார். ஒருவரை ஒருவர் அறிமுகம் செய்து கொண்டோம்.

அவர் பெயரை வைத்து அவர் ஒரு இசுலாமியப் பெண் என்பதைப் புரிந்து கொண்டேன். மேலும் அவர் சென்னையில் உள்ள ஒரு கல்லூரியில் படிக்கும் மாணவி என்பதையும் அறிந்து கொண்டேன். அதன் பின் அவர் என்னிடமும் அருகிலுள்ள இருக்கைகளில் உள்ளவர்களுடனும் சகஜமாக பேசிக் கொண்டிருந்தார்.

பல விடயங்களை சகஜமாக சிரித்து பேசி வந்து கொண்டிருந்தார். அவர் சேலத்தை சேர்ந்தவர். சேலம் இரயில் நிலையம் வந்த போது எங்களிடம் விடை பெற்று கீழிறங்கினார். இரயில் சற்று நேரம் அங்கே நின்றது. சன்னல் வழியே பார்த்த போது அந்தப் பெண் இசுலாமியப் பெண்கள் அணியும் பர்தாவை அணிந்து கொண்டிருந்தார். பின்னர் கண் மட்டும் தெரியுமாறு அதனை அணிந்து வந்து கண்களால் சிரித்து "பை" என்றார். எனக்குப் பாவமாகத் தோன்றியது.

இசுலாமியப் பெண்கள் பயத்தின் காரணமாகவே அந்த அங்கியை அணிகிறார்களோ? என்ற கேள்வி எழுந்தது. அந்தப் பெண்ணின் சந்தோசப் பேச்சுகள், அரட்டைகள், சிரிப்புகள் எல்லாம் இரயிலோடு முடிந்தது.

இந்த இரண்டு நிகழ்வுகளிலும் சொல்லப் பட்ட கோட்பாடுகள் இசுலாமிய குரானில் இருக்கின்றனவா? எனத் தெரியவில்லை. அப்படி இருந்தால் இசுலாம் ஒரு பெண்ணடிமை மதமே என்பதில் எந்த சந்தேகமும் இல்லை. அப்படி இல்லை என்றாலும் அந்த மதத்து ஆண்களால் பெண்கள் அடிமைகளாக பாவிக்கப் படுகின்றனர் என்பதில் துளியும் சந்தேகம் இல்லை.

யார் இந்த ஐரோம் ஷர்மிளா?

2010-11-15T07:53:00.005+05:30

நேற்று அசுரன் எழுதிய "பன்னியக் குளிப்பாட்டி அதுக்கு குதிரை என்று பெயர் வை!!" என்ற நல்ல பதிவைப் படித்தேன். அதன் பின் சிலருடனான விவாதங்களுக்குப் பின்னர் "ஐரோம் ஷர்மிளா" யார்? என்பது பலருக்குத் தெரியவில்லை என்பதைப் புரிந்து கொண்டேன். அவர்களுக்காக இந்தப் பதிவு.

1972-ல் பிறந்த இந்த ஐரோம் சாரு ஷர்மிளா மணிப்பூரின் இரும்புப் பெண் என அனைவராலும் அழைக்கப் படுபவர். நவம்பர் 4, 2000 முதல் இன்று வரை இவர் உண்ணா விரதம் இருந்து வருகிறார். இவர் அப்படி இருக்கக் காரணம் என்ன? ஜனநாயக் நாடு என சொல்லப் படும் இந்தியாவில் உள்ள மணிப்பூரில் என்ன நடக்கிறது?

செப்டம்பர் 11, 1958 முதல் அருணாச்சலப்ரதேஷ், அஸ்ஸாம், மேகாலயா, மிசோரம், நாகாலந்து, திரிபுரா மற்றும் மணிப்பூர் மாநிலங்களில் Armed Forces (Special Powers) Act (AFSPA) நடைமுறையில் இருக்கிறது. இந்த சட்டத்தின் முலம் இராணுவத்திற்கு வழங்கப் பட்டிருக்கும் உரிமைகள் பொது மக்களைக் கொன்று குவிக்கலாம் எனும் அளவில் இருக்கிறது.

*** இந்த சட்டத்தின் படி பொது வெளியில் 5 பேர் சேர்ந்து நின்றால் அவர்களை சுட்டு வீழ்த்தலாம்.
*** மேலும் யாரை வேண்டுமானாலும் எந்த நேரத்திலும் எவ்வித பிடி வாரண்ட் இல்லாமல் கைது செய்யலாம். அவர்களை சுட்டு வீழ்த்தவும் அதிகாரம் உண்டு.
*** இதற்காக அவர்கள் எங்கு வேண்டுமானாலும் எவ்வித உத்தரவுமின்றி தேடுதல் வேட்டை நிகழ்த்தலாம்.
*** இராணுவ அதிகாரிகள் மீது எவ்விதமான வழக்கும் பதிவு செய்ய இயலாது.

இதனை பயன்படுத்தி இராணுவம் அப்பவிப் பொதுமக்களையும் கொன்று குவித்திருக்கிறது. நவம்பர் 1, 2000 ம் ஆண்டு மணிப்பூரில் உள்ல "மலோம்" எனும் நகரத்தில் பேருந்து நிலையத்தில் பேருந்துக்காக காத்திருந்த பத்து அப்பாவி பொதுமக்களை இராணுவம் சுட்டுக் கொன்றது. இது குறித்து விசாரணை நடத்த வேண்டும் என பல கோரிக்கைகள் எழுந்த போதும் "AFSPA" அதற்கு இடமளிக்கவில்லை. அப்போது 28 வயதே ஆன ஐரோம் ஷர்மிளா இந்த சட்டத்திற்கு எதிரக போர்க் கொடி தூக்கினார். தனது உண்ணாவிரதத்தை நவம்பர் 4, 2000 அன்று துவக்கினார். இந்த சட்டம் அமலில் இருக்கும் மாநிலங்களில் இருந்து நீக்கப் பட வேண்டும் என கோரிக்கை வைத்தார்.

நவம்பர் 6, 2000 அன்று அவர் IPC 309 பிரிவின் கீழ் "தற்கொலை முயற்சி" செய்வதாகக் கூறி போலீசாரால் கைது செய்யப் பட்டார். தண்ணீர் தவிர வேறு ஆகாரங்களை உட்கொள்வதில்லை என்பதில் ஷர்மிளா உறுதியாக இருந்து வருகிறார். ஆனால் கைது செய்யப் பட்ட ஒருவர் உயிரைக் காப்பது காவல் துறையின் வேலை என்பதால் வலுக்கட்டாயமாக அவருக்கு "Nasogastric intubation" (அதாவது மூக்கின் வழியே ஒரு ப்ளாஸ்டிக் ட்யூப் உபயோகித்து நீர் வகை உணவுகளை அளித்தல்) செய்தது.

இதன்பின் ஒவ்வொரு ஆண்டும் தொடர்ந்து அவர் தற்கொலை முயற்சி எனும் பிரிவில் கைது செய்யப் பட்டு இன்றுவரை சிறையிலிருக்கிறார். ஜீன் 6, 2005ம் ஆண்டு ஜீவன் ரெட்டி கமிசன் இந்த சட்டம் குறித்தான தனது கருத்துக்களைத் தெரிவித்தது. ஆனால் மன்மோகன் சிங் அரசு அதை ஒன்றரை ஆண்டுகள் வரை கிடப்பில் போட்டது. அதன் பின் ப்ரணாப் முகர்ஜி ரெட்டி கமிசன் அளித்த சட்டத் திருத்தக் கருத்துக்களை நிராகரித்தார்.

அத்துடன் அவர் இது போன்ற மாநிலங்களில் இராணுவம் இத்தகைய அதிகாரங்கள் இன்றி செயல் பட முடியாது என கருத்தும் தெரிவித்தார். இதனைத் தொடர்ந்து அக்டோபர் 2, 2006 ல் ஷர்மிளா விடுவிக்கப் பட்டது 4 மாத காலங்கள் டெல்லிக்குத் தப்பிச் சென்று அங்குள்ள மாணவர்கள், சமூக அமைப்புகளுடன் கை கோர்த்து ஒரு போராட்ட ஊர்வலம் நடத்தினார்.

அவரது உண்ணாவிரதம் டெல்லியிலும் தொடர்ந்ததால் டெல்லி போலீசாரால் மீண்டும் தற்கொலை முயற்சி பிரிவின் கீழ் கைது செய்யப் பட்டார்.அவர் பிரதமர், குடியரசு தலைவர் மற்றும் உள்துறை அமைச்சர் ஆகியோருக்கு கடித்டங்கள் அனுப்பினார். ஆனால் அவர்களிடமிருந்து எந்த பதிலும் கிடைக்கவில்லை.
இன்று வரை தனது உண்ணாவிரதத்தைத் தொடர்ந்து வரும் இரும்புப் பெண் ஐரோம் ஷர்மிளாவை நம்மில் பலருக்குத் தெரியாது. காரணம் நமது மீடியாக்களின் கையாலாகாத் தனம் மட்டுமல்ல. நமக்கு அவர் ஒரு சினிமா நாயகியாக இருந்திருந்தால் தெரிந்திருக்கும். ஆனால் அவர் சமூக நாயகியாக அல்லவா இருக்கிறார். எப்படி அவரைத் தெரிந்து கொள்ள முடியும்?

காதலி எனும் ஒற்றைச் சொல்

2010-11-14T08:28:00.003+05:30

கவிதை எழுத யோசித்தால்
கண்ணெதிரில் வந்து
நிற்கிறாள்

முத்தமிட எத்தணிக்கையில்
முகந் திருப்பி ஓடிப்
போகிறாள்

எதிர்பாரா சூழலில் இச்
என்று இதழ் பதித்துச்
செல்கிறாள்

எட்ட நின்று எதிர் வீட்டுப்
பெண்ணை ரசிக்கையில் எங்கிருந்தோ
அலைபேசியில் அதட்டுகிறாள்

என்னை முழுதாய் ஆக்கிரமித்த அவளை
காதலி என ஒற்றைச் சொல்லில்
முடித்தல் தகுமோ!?

ஈழத்தமிழர்களின் தாய் சோனியா!

2010-11-13T06:04:00.005+05:30

சோனியா காந்தி பிரதமர் பதவியையே ஏற்க மறுத்து தியாக உணர்வோடு மக்கள் பணியாற்றி வருபவர். குறிப்பாக இலங்கை தமிழர்களை பாதுகாக்கும் பாசமிகு தாயாக செயல்பட்டு வரும் நிகரற்ற தலைவியாவார். - தங்கபாலு

ஒரு இனத்தையே அழிப்பதற்கு இராணுவத்தை அனுப்பி வைத்த சிங்களர்களின் சேவகியான சோனியா காந்தி தாய் தான் தமிழனுக்கு அல்ல.

தயாநிதி அழகிரி திருமணத்திற்காக தமுக்கம் மைதானத்தில் ஏற்பாடுகள் முழுவீச்சில் நடக்கிறது. சுமார் 5 லட்சம் பேர் அமரக்கூடிய வகையில் இருக்கைகள் போட்டு மைதானம் முழுதும் குளிரூட்டப்படுகிறது. திருமணத்தன்று மதுரையில் உள்ள 40 திருமண மண்டபங்களில் விருந்து நடக்கவிருக்கிறது.

என் பேரன் திருமணத்தை இவ்வளவு சிம்பிளாக நடத்த நிதியுதவி (வரி) அளித்த தமிழக மக்களுக்கு இந்த பாசத்தலைவனின் மனமார்ந்த நன்றிகள். - கருணாநிதி

யாழ்ப்பாணம் நாவட்குழி பகுதியில் 300 வீடுகளைக் கொண்ட குடியிருப்புப் பகுதியில் 1992-ம் ஆண்டு முதல் தமிழர்கள் வசித்து வருகின்றனர். ஆனால் இப்போது இங்குள்ள தமிழ்க் குடும்பங்களை ராணுவம் நேற்று விரட்டியடித்தது. மேலும் இங்கு யாருக்கும் வழங்கப்படாமல் இருந்த வீடுகளையும் சிங்களர்களுக்கே கொடுத்தனர் ராணுவத்தினர்.

எங்கப்பா இலங்கை தமிழர்களின் தாய் சோனியாவை காணோம்?

ராஜா விவகாரத்தில் தலைமை கணக்குத் தணிக்கை அதிகாரி, யாரைப் பற்றியும் குறை சொல்லலாம். ஆனால், அதுவே இறுதியானதென்று எடுத்துக் கொள்ள முடியாது. - கருணாநிதி

அய்யா! 23ம் புலிகேசி அவர்கள் குறை சொல்லவில்லையப்பா! குற்றம் சாட்டியுள்ளனர். எல்லாவற்றையும் சமாளித்து பேச்சால் மக்களை மடையர்களாக்கும் திறமை உனக்கு மட்டுமே!

சாதி என்னும் போர்வைக்குள் ஒளிந்து கொள்ள இவிங்க ஆதரவு வேற. என்ன கொடுமை சார் இது?

மொதலாளி

2010-10-11T09:11:00.001+05:30

கம்பி மேல் நடந்தாள்

ஒரு சிறுமி

அப்பாவின் காமிராவில் பிடித்தாள்

இன்னொரு சிறுமி

கையில் தட்டேந்தி நடந்தான்

ஒரு சிறுவன்

கையில் ஐஸ்க்ரீமுடன் கடந்தான்

இன்னொரு சிறுவன்

ஏன் இந்த முரண்

என யோசிக்கையில்

கையில் தடேந்திய சிறுவன்

கேட்டான்

"மொதலாளி" காசு போடுங்க.

எந்திரன் என்றோர் ஏகாதிபத்தியன்! - தினமணிக்கு என் பாராட்டுக்கள்

2010-10-06T06:38:00.002+05:30

பொதுவாக எந்திரன் குறித்த எதிர்ப்புகள் வலைப்பதிவர்களால் மட்டுமே எழுதப் பட்டுக் கொண்டிருந்தது. பிரபல செய்தி ஊடகங்கள் அனைத்தும் எந்திரனுக்கு சொம்பு தூக்கிகளாகவே செயல் பட்டு வந்து கொண்டிருக்கின்றன. அதிலும் டைம்ஸ் ஆஃப் இந்தியாவில் தினம் ஒரு செய்தி எந்திரன் குறித்து வெளியாகிக் கொண்டிருக்கிறது.

இந்த எந்திரன் ரிலீஸின் அட்டகாசங்களை யார் தைரியமாக வெளியில் சொல்வது என அனைத்துப் பத்திரிகைகளும் ஊமைகளாகவே செயல் பட்டுக் கொண்டிருக்கின்றன. அமெரிக்க பாக்ஸ் ஆஃபீஸில் முதலிடம், இந்தியாவில் வேறெந்த படமும் ரிலீசாக முடியாத நிலை, சன் தொலைக்காட்சியின் எரிச்சலூட்டும் தொடர் விளம்பரங்கள் என எந்திரன் குறித்த சிந்தனைக்குள் மக்கள் முடங்கிப் போய்க் கொண்டிருக்கின்றனர்.

இந்த எந்திரனின் ஏகாதிபத்திய கொள்கைகள் குறித்து நேற்றைய தினமணி இணையதளத்தில் ஒரு கட்டுரை படித்தேன். உண்மையில் பாராட்டுதலுக்குரிய ஒரு கட்டுரை அது.

அதில் குறிப்பிட்டுள்ள ஒரு முக்கியமான செய்தி

"மொத்தம் 3,000-க்கும் மேற்பட்ட திரையரங்குகள். முதல் நாளன்று சராசரியாக ஒரு திரையரங்குக்கு 500 இருக்கைகள்; 4 காட்சிகள்; டிக்கெட் விலை ரூ. 250 எனக் கொண்டால்கூட முதல் நாள் வசூல் மட்டும் ரூ. 150 கோடி. "சன் குழும' ஊடகங்கள் பறைசாற்றும் தகவல்களின்படி, தமிழகம் மட்டும் இன்றி ஐரோப்பாவின் மிகப் பெரிய திரையரங்கமான "கோலோஸியம்' உள்பட எல்லா இடங்களிலும் முன்பதிவில் புதிய சாதனைகளை "எந்திரன்' உருவாக்கி இருக்கிறது. ஆக, எப்படிப் பார்த்தாலும் ஒரு வாரத்துக்குள் மட்டும் குறைந்தது ரூ. 1,000 கோடி வருமானம்! எனில், மொத்த வருமானம்?"

என் நண்பர்களிடம் அவர்கள் கொள்ளை லாபம் சம்பாதிக்க நாம் ஏன் துணை போக வேண்டும் என கேட்டதற்கு, காசு போட்டவன் இப்புடித்தான் சம்பாதிப்பான் என மிகச் சாதாரணமான பதில் கிடைத்தது. மக்கள் இன்னும் முதலாளித்துவத்தின் அடிமைகளாகத்தான் இருந்து வருகிறார்கள்.

அவர்கள் அனைவரையும் அதற்குள் முடக்கி வைக்கும் வேலைகளை மும்முரமாக செய்து கொண்டிருக்கும் அனைத்து மீடியாக்களுக்கு மத்தியில் தைரியமாக இந்தக் கட்டுரைய எழுதிய தினமணி கட்டுரையாளருக்கும், தினமணிக்கும் என் வாழ்த்துக்கள் மற்றும் நன்றிகள்.

தினமணி கட்டுரை: எந்திரன் என்றோர் ஏகாதிபத்தியன்!

கொலுசு

2010-09-19T07:58:00.003+05:30

கொலுசொலி

அவள் பாதங்களால் இசையமைக்கும்

காதல் பாடல்.

புன்னகை

இதழால் சிந்தினால் புரிந்திருப்பேன்

ஆனால் கண்ணால் சி(சீ)ந்துகிறாள்.

தேநீர்

"தேன் போன்ற நீர் என்றாள்"

உண்மைதான் உன்னுடன்

அருந்துகையில் மட்டும்.

போலி

நான் அவளை ரசிக்கையில்

போலியாக முறைத்தாள்

நான் திரும்பிய பின்

எதிர் பார்த்து ஏங்கினாள்.

கம்ப இராமாயணமும் பதிவர் சந்தேகமும்

2010-09-17T22:39:00.001+05:30

ஜானகிராமன் அவர்கள் ஃபோரத்தில் எழுப்பிய சந்தேகங்கள்

// மேலாடை என்பது தமிழ் சமூகத்தில் கடந்த 3 நுற்றாண்டுகளாகத் தான் பழக்கத்தில் வந்திருக்கும் விஷயம். கம்பர் காலத்தில் மேலாடை அவ்வளவு முக்கியப் பொருள் அல்ல. வெறும் ஆபரணங்களே கழுத்தை அலங்கரிக்கும். அவர்களுக்கு மார்பு என்ற அவயம் கண், காது மூக்கு போன்ற ஒரு உறுப்பு என்ற அளவில் மட்டுமே மதிப்பு. இப்போ, இந்த காலத்தில், ஒரு வாலிபன் தன் நண்பனிடம், "மச்சான், என்னோட காதலியின் கண் ரொம்ப ஷார்ப்டா... அவ ஒரு முறை பார்த்தா என்னால ரெண்டு நாள் துங்கமுடியாது"ன்னு சொல்றான்னு வச்சிக்குங்க, அவன் ஆபாசமாக பேசுகிறான் என்றா சொல்வீர்கள்? அந்த காலத்துல இது இயல்புங்க. அந்த காலத்தில் மார்பென்பது எளிமையான, காமமற்ற அழகை வெளிப்படுத்தும் அவயம். கம்பர் மட்டுமில்ல, சுந்தரர், அமிராமிபட்டர், ஆண்டாள் என ஏறக்குறைய பெரும்பாலான கவிகள் இந்த அவயத்தை நலம் வியந்து பாடியிருப்பார்கள். இதை வைத்து, //இது போன்ற உவமைகள் நண்பனிடம் சொல்லப்படுவதாக காமம் சொட்டும் காம காவியங்களில் கூடப் படித்திருக்க முடியாது. ஆனால் இந்த கம்ப இராமாயணத்தில் படிக்கலாம்.// என்று எப்படி சொல்லாம்?//

ஆடைகள் அணிவதோ அல்லது அவைகளற்றிருப்பதோ ஒரு பிரச்சினையில்லை. மேலும் நான் சொல்லியிருந்த அந்த ஒரு பாடலை வைத்து மட்டும் சொல்லப்பட்டதுமல்ல. இங்கு கம்பன் சொட்டியிருக்கும் காமரசங்கள் நிகழ்வுகளுக்கு உகந்தவைகளாக இல்லை என்பதுதான் கருத்து. உதாரணத்திற்கு பின்வரும் பாடலை எடுத்துக் கொள்ளுங்கள்

"இயல்வுறு செயல்வினாவா

யிருகையு மெயினர் தூண்டத்

துயல்வன துடுப்பு வீசித்

துவலை கண் மகளீர் மென்றூ

கயல்வுறு பரவை யல்கு

லொளி புறத்தளிப்ப வுள்ளத்

தயர்வுறு மதுகை மைந்தர்க்

கயா உயிர்ப் பளித்த தம்மா!"

அதாவது வீரர்கள் மனசோர்வு பட்டிருக்கிறார்கள். அவர்களுக்குத் துன்ப நீக்கத்தை உண்டாக்கிற்று ஒரு பொருள் அது எது? அல்குல்(பெண்ணின் மறைவிடம்).

அயோத்தியிலே மன்னன் மாண்டான். அப்போது அங்கு செல்வதற்காக தசரதனின் திருமனைவியார் அவரது பாங்கியருடன் விம்மியழுதவாறு செல்கின்றனர். உடன் பரதன் மற்றும் அவனது படை வீரர்களும் இருக்கின்றனர். அப்போது வீரர்கள் வேகமாக துடுப்பு போட்டவாறு செல்ல நீரானது தசரதன் மனைவி மற்றும் பாங்கியர் மீது விழ அவர்கள் அணிந்திருந்த மெல்லிய ஆடையானது (இதிலிருந்து அவர்கள் ஆடை அணிந்திருந்ததாக கம்பர் கூறுகிறார்) நீரில் நனைந்து அவர்களின் மறைவிடத்தைக் காட்டியது. அதைக் கண்ட சோர்ந்திருந்த வீரர்கள் புத்துணர்வடைந்தனர் என்பதே இப்பாடலின் பொருள்.

ஒரு அரசன் வீழ்ந்திருக்க துணைவியர் மற்றும் உடனிருப்போரின் மறைவிடத்தை பார்த்து வீரர்கள் மகிழ்வுற்றனராம். இது என்ன நியாயம். அதோடு விட்டு விடவில்லை அந்த கம்பர் "பரவை அல்குல்" என அந்த மறைவிடத்திற்கு ஒரு வர்ணனை வேறு வைக்கிறார். இவை சரி என சொல்கிறீர்களா?

//முதல்ல நீங்க உண்மையிலேயே கம்ப ராமாயணத்தின் மூலப் புத்தகத்தைப் படிச்சிருக்கீங்களா? மனதைத் தொட்டு சொல்லுங்க. கடவுள் மறுப்பு கொள்கையில் நம்பிக்கைக் கொண்ட அண்ணாவுடைய பார்வையை மட்டும் படிச்சிட்டு எப்படி முழு புத்தகமும் காமப் புத்தகம் என்று உங்களால் சொல்லமுடிகிறது? //

நான் மூலப் புத்தகம் படித்ததில்லை. ஆனால் மேலே சொல்லியிருக்கும் பாடல் அயோத்தியா காண்டம், குகப்படலம் 56வது செய்யுளில் உள்ளது. முடிந்தால் படித்துப் பாருங்கள். மேலும் இது அண்ணாவின் பார்வை அல்ல. அதில் இடம் பெற்ற பாடல்களுக்கான விளக்கங்கள் மட்டுமே.

இதற்கு மேல் உங்கள் வாதங்களை தனி மனித தாக்குதல்கள், திசைத் திருப்புதல் இன்னொன்றை தொடர்பு படுத்ததல் இன்றிநேர்மையாக முன் வைக்கலாம். பதில் சொல்ல நான் தயார். பிஸ்கோத்துகளுக்கு இடம் இல்லை.

கம்பரசம் (இராமாயணம் 18+ க்கு மட்டும்)

2010-09-17T09:19:00.004+05:30

இந்துக்களின் தெய்வ காவியமாகப் போற்றப்படக் கூடிய நூல் கம்ப இராமாயணம். ஆனால் இது அத்தகையப் போற்றுதலுக்கெல்லாம் தகுதியான நூலா எனப் பார்த்தால் நிச்சயம் இல்லை என்றே தோன்றுகிறது. இது பதினெட்டு வயதிற்குட்பட்டவர்கள் படிக்கக் கூடாத ஒரு ஆபாச நூலாகத் தோன்றுமளவு இருக்கிறது கம்பனின் வர்னனைகள்.

"கம்பன் வீட்டுக் கட்டுத்தறியும் கவி பாடும்" என சொல்வார்கள். இது போன்ற கவிதான் பாடுமோ என ஒரு அச்சம் ஏற்படுகிறது. இலக்கிய நடையில் எழுதினால் ஆபாசம் கூட அற்புதமாகத் தெரியுமோ என்னவோ!

ஒரு கடவுள் காவியத்தில் இத்தனை ஆபாசங்களா? என்பதை அறிஞர் அண்ணா எழுதிய "கம்பரசம்" எனும் நூலைப் படித்ததும் எழுந்த கேள்வி இது.

இந்த நூலில் அவர் சுயமாக எந்தக் கற்பனைக் குதிரையயும் அவிழ்த்து விட்டு மிகைப்படுத்திக் கூறவில்லை. மாறாக தெய்வ காவியமான "இராமாயணத்தில்" கம்பனால் சொட்டப் பட்ட காமரசம் மிகும் பாடல்களைத் தொகுத்து அதற்கான விளக்கங்களை தெளிவு பட எழுதியிருக்கிறார்.

உதாரணத்திற்கு அந்நூலில் இருந்து ஒரு விளக்கம். இராமாயணத்தில் இது அமையப் பெற்ற இடத்தைப் பார்த்தால் காறித்துப்பத் தோன்றுகிறது. மன்மதக் காவியங்களில் கூட நாயகன் நாயகியைக் குறித்து இத்தனை ஆபாசமாக நண்பனிடம் கூற மாட்டான். இங்கு தெய்வமாக போற்றப் படும் இராமன் தன் மனையாட்டி சீதாவை கண்டறிய அனுமனுக்கு அடையாளம் கூறுகிறான்.

"செப்பென்பன் கலசம் என்பன்

செவ்விள நீரும் தேர்வன்

துப்பொன்று திரள்சூ தென்பன்

சொல்லுவன் தும்பிக் கொம்பை

தப்பின்றிப் பகலின் வந்த

சக்கரவாகம் என்பன்

ஒப்பொன்றும் உலகின் காணேன்

பல நினைத்து உலைவன் இன்னும்."

அதாவது இராமன் கூறுகிறார் "என் மனைவி மகாசுந்தரி! அவளுடைய கொங்கைக்கு உவமை தேடித் தேடிப் பார்க்கிறேன், ஒன்றும் பொருத்தமாக இல்லை. உலகிலேயே ஒரு பொருளும் இல்லை அவைகட்கு இணை. என்ன செய்வேன்!" என சோகிக்கிறார். "செப்புக் கலசமோ!" "செவ்விளநீரோ!" என தன் மனைவியின் கொங்கைகளுக்கு உவமை தேடுகிறார் அந்தக் கடவுள்(?).

அதிலும் இந்த உவமைகளை அவர் சொல்லுவது கட்ட பிரம்மச்சாரியாகக் கருதப்படும் அவரின் நண்பன் அனுமனிடம். இது போன்ற உவமைகள் நண்பனிடம் சொல்லப்படுவதாக காமம் சொட்டும் காம காவியங்களில் கூடப் படித்திருக்க முடியாது. ஆனால் இந்த கம்ப இராமாயணத்தில் படிக்கலாம்.

இது வெறும் சாம்பிள் மட்டும் தான். இதை விட கொடுமையான ஆபாச வர்ணனைகள் எல்லாம் நிரம்பி வழியும் காவியம் தான் இந்த "இராமாயணம்". அதிலும் அத்தகைய ஆபாசங்கள் வைக்கப் பட்ட இடங்கள் படிப்பவர்களை நிச்சயம் காறித் துப்ப வைக்கும் என்பதில் சந்தேகமே இல்லை.

அனைவரும் படித்துப் பாருங்கள் இந்தக் கம்பரசத்தை. புரிந்து கொள்ளுங்கள் இது கடவுள் காவியமா? அல்லது காம காவியமா? என்பதை.

அட இன்னா ஆத்தா வெவஸ்த்தை இது

2010-09-14T00:47:00.002+05:30

நேத்து இன்னாடான்னா

நம்ம கண்ணாத்தா கூட நேத்து கொஞ்சம் மெர்சலாயிருச்சிப்பா. அட ஒன்னுமில்லப்பா கண்ணாத்தாளுக்கு வேண்டப்பட்ட ரெண்டு பேரு தெரு வழியாப் போய் கிட்டிருந்த புள்ளைய கிண்டல் பண்ணி புட்டானுங்க. அந்த புள்ள கண்ணாத்தாளுக்கும் தெரிஞ்ச புள்ள தாம்பா. தெருவுல நின்னு பாத்துக் கிட்டிருந்த கண்ணாத்தா "அவனுங்க நம்ம பயளுவ அப்புடில்லாம் பண்ண மாட்டானுவன்னு சொன்னுச்சி".

"ஏன் கண்ணாத்தா நீயும் அங்கதான நின்னு பாத்துக் கிட்டிருந்த"ன்னு கேட்டதுக்கு நான் எங்க பாத்தான் அந்த புள்ள நின்னு கிட்டிருந்திச்சி இந்தப் பயளுவளும் கூட இருந்தாய்ங்க என்ன பேசினானுங்கன்னு கேக்கலையேப்பா. ஆனா அந்த புள்ள இவனுவளத் திட்டுச்சி அது மட்டும் கேட்டுச்சிப்பா" ன்னு சொல்லுச்சி. சரி வா நியாயத்த அங்க இருந்தவங்கக் கிட்டக் கேட்டுத் தெரிஞ்சிக்க ஆத்தான்னு சொன்னா

"அந்த பயளுவ அப்புடி பட்டவய்ங்க இல்ல. ரொம்ப நல்ல பயலுவ" யார்க் கிட்டயும் கேட்டுத் தெரிஞ்சிக்க அவசியமில்லன்னு படார்னு சொல்லிருச்சி. அட என்னா ஆத்தா நீ அங்க என்ன பிரச்சினை நடந்து கிட்டிருக்கு அந்தப் பொண்ணு திட்டுனத மட்டும் காதுல வாங்கிருக்க, ஆனா அவனுவ பேசுனது கேக்கலங்கற. என்னோட செல் போனுல இருக்கு கேக்கறியா?ன்னு கேட்டா அதுவும் முடியாதுங்கற. ஏன் ஆத்தா இவ்ளோ கொழப்பத்துல இருக்க?

அதுக்கப்பறம் எந்த பதிலும் பேசாம ஆத்தா பேயோட்டப் போயிருச்சி.

இன்னிக்கி இன்னாடான்னா

நேத்து அவிங்கத் தப்பு பண்ணிருக்க மாட்டாங்கன்னு சொன்ன ஆத்தா "அவிங்கத் தப்பு பண்ணுனாங்க ஆனா ஏன் பண்ணுனாங்க? அந்த புள்ளயும் இவிங்கக் கிட்ட சண்டப் போட்டுக் கிட்டுதான இருந்துச்சி. அதனாலதான் அப்புடி"ன்னு சொல்லுது.

அதோட உடாம நியாயம் கேக்க வந்த மனுசங்களையெல்லாம் திட்டித் தீத்துருச்சி. ஆனா அந்தப் பயளுவ செஞ்சது தப்புதானன்னு அன்னிக்கி இப்புடி செஞ்சாங்க, நேத்து அப்புடி செஞ்சாங்கன்னு சொல்லுதே தவர அந்தப் பயளுவ செஞ்சத சொல்லவே மாட்டேங்குது. ஒத்துக்கவும் மாட்டேங்குது.

"அந்தப் பொட்டப் புள்ளைக்கு என்ன திமிரிருந்தா இந்தப் பயளுவள நடு ரோட்டுல நாலு பேர சேத்துக் கிட்டு திட்டிருக்கும்"னு கேட்டுது ஆத்தா.

ஏன் ஆத்தா பொட்டப் புள்ளையா இருந்தாப் பயளுவ என்ன சொன்னாலும் கேட்டுக் கிட்டு போவனுமா என்ன? எதித்து கேட்டாத் திமுருன்னு வேற சொல்லுற. அது பொட்டப் புள்ளங்கறதால அத பாலியல் ரீதியா பகடி செஞ்சிப் பேசி பழித் தீத்துக்குறது சரின்னு வேற சொல்லுற. இதுவே நானோ இல்ல வேற எவனோ ரோட்டுல போறப்ப உன்னைய கிண்டல் செஞ்சா சும்மா உட்டுருவியா? உன் கூட்டாளிங்கள கூட்டிட்டு வந்து பேயாடிற மாட்ட?

என்ன ஆத்தா இது ஒனக்கொரு நியாயம், ஊருக்கொரு நியாயம். நீ பேசாம அடுத்த வருச எலக்சன்ல நின்னு மந்திரியாயிரு. உன்ன மாதிரி கேக்குற கேள்விக்கு பதில் சொல்லாம எதிர்க் கட்சிய பகடி செஞ்சி (ஐயாவும் அம்மாவும் போல) ஏமாத்துற ஆளுங்க நெறைய பேரு கட்சியிலத் தேவப் படுறாங்களாம்.

அரசியல் தெரியனும்னா எல்லாரும் ஆத்தாவ காண்டாக்ட் பண்ணுங்கப்பா. அந்த "அம்மா"-வ விட பெரிய ஆளா வரலாம்.

கலகலா, வானம்பாடி, அதுசரி - எனக்கு காசு வேணும்

2010-09-13T02:15:00.005+05:30

இந்தப் பதிவின் காரணம் புரிய இப்பதிவில் நடைபெற்ற விவாதங்களைப் பார்க்கவும்."பதிவரசியலில் ஒரு மனுஷியாக வெட்கப்படுகிறேன்.."

முகிலனுக்கும், அரவிந்துக்கும் ஆதரவு, நட்பு என்பதால் கலகலப்ரியா வினவு மற்றும் மாதவராஜின் கட்டுரைகளுக்கு எதிராக ஒரு பதிவெழுதியிருந்தார். சரி இந்த புனைவு பிரச்சினையில் இவரின் நிலைப்பாடும், கருத்தும் என்னவென்று தெரிந்து கொள்ளலாம் என அங்கு விவாதத்தைத் துவக்கினேன்.

அவர்கள் வினவில் சொல்லப்பட்ட துகிலுரித்தல், வன்புனர்வு வார்த்தைகளைப் படித்தார்களாம். ஆனால் அந்தப் புனைவைப் படிக்கவில்லையாம். பிரச்சினை அந்தப் புனைவு குறித்ததுதான். நான் அங்கு கேட்டது வேறு ஒன்றும் அல்ல.

"இந்தப் புனைவு குறித்த உங்களின் நேரடியான கருத்து என்ன?" என்பதை மூவரும் விளக்கவும். இறுதி வரை ப்ரியா சொன்னது போல் "சந்தைக்கு போவனும் ஆத்தா வையும் காசு குடு" ரேஞ்சுக்கு கேட்டுப் பாத்தாச்சு. திசைத் திருப்பும் வேலைதான் நடை பெற்றது.

நான் கேள்விப்படாத ஒரு நாவல் பெயர் சொல்லி அதில் வரும் கதாபாத்திரத்துக்கு நடைபெற்றது சரியா? தவறா? என எதிர் கேள்வி. இவர்கள் எல்லாம் மனசாட்சிக்கு நேர்மையாக எப்போது பதிலளிப்பார்கள் எனத் தெரியவில்லை.

இதில் ப்ரியாவிடம் அந்தப்புனைவைப் படித்துவிட்ட்டு அவரின் நிலைப்பாட்டை சொல்லுமாறு கேட்டால் அவர்ன் பதில் கீழே.

//இல்லை ... நான் படிக்கப் போறதில்லை.. இந்தப் ப்ரச்சன பற்றிய தெளிவு... எனக்கு இப்பவே இருக்கு...

முகிலன் மற்றும் அரவிந்த் போன்றவர்கள் மோசமானவர்கள் அல்ல...

சொல்லப் போனா உங்களை விடவும் அவர்கள் நாகரீகமானவர்கள்...

உங்களைப் போல அவங்களையும் எனக்கு இடுகை மூலமாதான் தெரியும்...

அதனால... அவங்க ஒரு பொம்பளை சேலையை உருவி இருக்க மாட்டாங்க...

வன்புணர்வு இல்லவே இல்லை...

அப்படி யாராவது சொன்னா அவங்க நாக்கைப் புடுங்கலாம்... //

படிக்க மாட்டாங்களாம். ஆனா அவங்க கட்சிக் காரர்கள்(அடச்சே எனக்கும் அவங்கள மாதிரியே வருதே) நல்லவங்கன்னு நம்பறாங்களாம். நான் கேட்டது நல்லவரா? கெட்டவரா? (நாயகன் கமல் இல்லப்பா) இல்லை. புனைவு சரியா? தப்பா?

எனக்கு இந்த மூனு பேரோட கருத்தை எதிர்கேள்விகள் வைத்து மழுப்பாமல், விலகிச்செல்லாமல், திசைத் திருப்பாமல் தெரிந்து கொள்ள ஆசை. இது நியாமான ஆசை என்றே கருதுகிறேன்.

அதனால எனக்கு இவங்க மூனு பேர் கிட்டருந்து காசு(கருத்து) வேணும். மனசட்சியுடன் நேர்மையாய் திரியும் இவர்கள் பதில் சொல்லலாம்.

அப்துல்லாவின் கண்டனமும் வலைப்பதிவர் குழுமமும் - என் சந்தேகங்களும்

2010-09-12T22:18:00.002+05:30

//ஒரு குழுமம் என்பது தனிப்பட்ட முறையில் சிலர் தங்களுக்குள் பகிந்து கொள்ளும் ஒரு அமைப்பு.// -அப்துல்லா

அப்ப குழுமம் என்பது தனிப்பட்ட நபர்களுக்கானது. இங்கு தனிப்பட்டவர்கள் என்பவர்கள் யார் என விளக்கினால் நலம்.

//இந்த குழுமத்தில் நான் இட்ட சில மடல்களை என் முன்னனுமதியின்றி வினவு தளத்தின் பின்னூட்டத்தில் வெளியிட்ட சகோதரி சாந்தி அவர்களுக்கு என் வன்மையான கண்டனங்கள். அதிலும் ஒரு மெயிலில் என்னுடைய கைபேசி எண் வருவதுபோல காப்பி&பேஸ்ட் செய்து இருக்கின்றார். ரம்ஜான் பண்டிகை அன்று தங்கள் சுயஅடையாளத்தைத் தொலைத்த பொறுக்கிகள் சிலர் எனக்கு போன் செய்து கொச்சையான மொழியில் திட்டுகின்றனர். மீண்டும் நான் அழைத்தால் அது பொதுதொலைபேசியாக இருக்கின்றது. எவர் என்று தெரியவில்லை.எனக்கு ஏற்பட்ட மன உளைச்சலுக்கு யார் பொறுப்பு???// -அப்துல்லா

சந்தேகமே வேண்டாம். முழுக்க நீங்கள் தான். அந்தக் குழுமம் ஒன்றும் உங்களின் கூகுல் சாட் இல்லை. உங்கள் அலைபேசி எண் வெளிப்படையாகக் கூற. கூகுல் சாட்டிலிருந்து கூட சுட்டு விடும் இந்த காலகட்டத்தில் அப்படிப்பட்ட ஒரு குழுமத்தில் அலைபேசி எண் கொடுத்திருக்கிறேன் என்பது எந்த விதத்தில் சரி?

அது வலைப்பதிவர் குழுமம். எல்லா வலைப்பதிவர்களும் உபயோகப் படுத்தும் ஒரு பொது வெளி. நீங்கள் சொல்வது போல் தனிப்பட்ட நபர்கள் மட்டும் பங்கு கொள்ளும் இடமல்ல. அப்படி இருக்கையில் அதில் தொலைபேசி எண் கொடுத்தது சரியா?

//இந்தக் குழுமத்தின் நிர்வாகி கேபிள் அவர்களுக்கு ஒரு அன்பு வேண்டுகோள். நம்பகத்தன்மையற்ற இந்தக் குழுமத்தில் இனியும் தொடர எனக்கு விருப்பம் இல்லை.என்னை நீக்கவும்.// -அப்துல்லா

இந்தக் குழுமத்தில் இணையும் போது உங்களுக்குத் தெரியாதா? இங்கு இத்தகைய செக்யூரிட்டிகள் இல்லை என்று. இது நம்பகத்தன்மையற்ற குழுமம் என்பதை விட நிர்வாகிகளே இல்லாத குழுமம். வெறும் கும்மியடிப்பதற்கு மட்டும் பயன்படும் ஒரு இடம். அப்படி இருக்கையில் எந்த செக்யூரிட்டியை எதிர் பார்த்து உங்கள் அலைபேசி எண்ணை அங்கு கொடுத்தீர்கள்? இதற்கு யார் பொறுப்பு என நினைக்கிறீர்கள்?

இந்தக் கண்டன மடலைக்கூட அந்த குழுமத்தில்தான் வெளியிட்டிருக்கிறீர்கள். அதற்கு காரணம் என்ன? என விளக்கினாலும் நலம். இல்லை இது நாங்க நாலு பேரு மட்டும் இருக்குற குழுமம். இது ஒன்னும் பொது வெளியில்லைன்னு சொன்னீங்கன்னா எனக்கு சிரிப்புத்தான் வரும்.

இந்தியாவின் "நாணயம்" - ஓர் அடையாளம்

2010-09-08T22:53:00.003+05:30

எனக்கு மின்னஞ்சலில் வந்த படம் இது. இதுதான் உண்மை நிலையும்.

இப்படத்தில் ஒரு தவறு என்னவென்றால் ஏழைகளின் எண்ணிக்கை குறைவாகக் காட்டப்பட்டுள்ளது. ஆனால் படம் சொல்லும் விடயம் முழுக்க உண்மை.

நான் அடிமை இல்லை - முனியம்மா

2010-09-07T09:34:00.003+05:30

பெண்கள் அடிமைகளாக வாழ்வதில்லை. எல்லோரும் முன்னேறியிருக்கிறார்கள். இன்னும் பெண்ணடிமையைப் பற்றி பேசுகிறாயே? என பல பெண்களே என்னிடம் கேட்டிருக்கிறார்கள். அவர்கள் எல்லோரும் நகர்ப்புற பெண்களின் உடை, வேலைக்கு செல்லுதல் போன்ற விடயங்களை வைத்து மேலோட்டமாகவே யோசிக்கிறார்கள். ஆனால் இன்றும் பெண்கள் அடிமை போல் நடத்தப் படுவது அன்றாட செய்தித் தாள்களில் கிடைக்கப் பெறுகிறது.

அப்படி ஒரு சம்பவம் தான் இது. கிருஷ்ணகிரியில் 15வயது சிறுமிக்கு பால்ய திருமணம் செய்ய ஏற்பாடுகள் நடை பெற்று வந்திருக்கிறது. அந்த பெண்ணின் பெயர் முனியம்மா. பள்ளிப் படிப்பு கூட முடியாத பருவத்தில் திருமண ஏற்பாடு. தனக்கு நிகழப் போகும் கொடுமையை ஏற்றுக் கொண்டு அடிமையாக வாழ அவருக்கு விருப்பமில்லை.

அவருக்கு பார்த்த மாப்பிள்ளை சுந்தரத்தின் வயது 32. என்ன செய்யலாம்? என யோசித்த அந்த சிறுமி தனது திருமணப் பத்திரிகையை மாவட்ட ஆட்சித் தலைவருக்கு ஃபேக்ஸ் மூலம் அனுப்பி உதவி கோரினார். நேரில் விரைந்தவர்கள் திருமணத்தை நிறுத்தி மாப்பிள்ளை மற்றும் பெண் வீட்டாரை எச்சரித்து விட்டு அச்சிறுமியின் முடிவுக்கு பாராட்டுக் கூறியுள்ளனர்.

இன்றும் பலப் பெண்கள் தனக்குப் பிடிக்கிறதோ இல்லையோ வீட்டில் பார்க்கும் மாப்பிள்ளைக்கு கழுத்தை நீட்டி விட்டு அடிமையாக வாழத் துணிகிறார்கள். இது துணிச்சல் என்பதை விட கோழைத்தணம் என்றே சொல்ல வேண்டும். இன்று பலரால் பெண்கள் முன்னேற்றமடைந்து விட்டார்கள் என நினைக்கப் படும் நகர்ப் புற பெண்களிலும் பலர் இப்படித்தான் இருக்கிறார்கள்.

இன்றைய கால கட்டத்தில் கணக்கிட்டால் விருப்பமின்றி நடந்த திருமணங்கள் நிச்சயம் அதிகமாக இருக்கும். இன்றும் வரதட்சினை கொடுமையால் பெண் தற்கொலை போன்ற செய்திகள் தினசரிகளை அலங்கரித்துக் கொண்டுதான் இருக்கின்றன என்பதை யாராலும் மறுக்க முடியாது.

ஆனால் இது போன்று எதற்கும் அஞ்சாமல் துணிச்சலுடன் தனக்கு நிகழவிருந்த கொடுமையை எதிர்த்து வெற்றி பெற்ற சிறுமி முனியம்மாளுக்கு எனது சல்யூட் மற்றும் வாழ்த்துக்கள்.

யார் நம்பர் ஒன் டுபாக்கூர்?

2010-08-24T10:42:00.003+05:30

இது முழுக்க முழுக்க கற்பனையே. யாருடைய மனமாவது புண்பட்டால் சேற்றை அள்ளி புண் மீது வைத்து கை வைத்தியம் செய்து கொள்ளவும்.

இந்தப் போட்டியில் மொத்தம் மூன்று பேர் பங்கேற்கின்றனர். ஒருவர் மிகப்பெரும்புள்ளி அவருக்கு தமிழகத்தில் பெரும் செல்வாக்கு. அவரது பெயர் நிதியமான் இவர் மகன் முசோலினி. இன்னொருவர் அவருக்கு பிஸினஸ் எதிரி. இருவரும் செய்வது ஒரே டுபாக்கூர் பிஸினஸ் தான். இவர் பெயர் செல்வி. இன்னொருவர் புதுசா இந்த பிஸினெஸ் ஆரம்பிச்சிருக்காரு. சினிமாவில் புகழ் வாய்ந்தவர். பெயர் விருட்சிககாந்த்.

இந்த மூவரும் ஒருவரையொருவர் தாக்கியே பெரிய ஆளாக பிஸினஸில் இடம் பெற முயற்சிப்பவர்கள். தாங்கள் செய்யும் டுபாக்கூர்களை நியாயப் படுத்தி பிஸினஸ் செய்கிறவர்கள். (இவிங்க என்ன ரகம்னே தெரியலையா???)

செல்வி: தமிழகத்தில் விலையேற்றம் நடந்து கொண்டே இருக்கிறது. நாங்கள் பிஸினெசில் இருந்த போது 15 ரூ விற்ற சாப்பாடு இப்போது 50ரூ விற்கிறது.

நிதியமான்: தமிழ்நாட்டப் பத்தி மட்டும் பேசுறீங்க. ஏன் இந்தியாவப் பத்தி பேச மாட்டேங்கறீங்க. அதையும் பத்தி பேசுங்க எனக்கு கொஞ்சம் டைம் பாஸ் (மன்னிக்கனும் நேரம் போகனும். நான் தான் பச்சை மஞ்ச சிவப்பு தமிழனாச்சே) ஆகனும்.

நிதியமான்: டேய் மவனே முசோலினி! இந்தம்மா நெறைய ஊழல் செஞ்சதத் தான் தமிழ் நாட்டுக்கே போட்டுக் காடிருக்கோம்ல. அதனால் அதுல ஒரு கேசுல தொடர்ந்து வாய்தா வாங்கினுக்கீதே. அதக் கண்டிச்சி ஒரு ஆர்ப்பாட்டம் செஞ்சி நாம தப்பிச்சிக்கனும். என்ன புரியுதா?

முசோலினி: சரிப்பா நான் பாத்துக்குறேன்.

முசோலினி: பல ஆண்டுகளாக நடைபெறும் வழக்கில் தொடர்ந்து வாய்தா வாங்கிக் கொண்டிருக்கும் செல்வியை எதிர்த்து ஒரு ஆர்பாட்டம் செய்வோம். நம் நிறுவன தொழிலாளர்கள் எல்லாம் ஒன்று கூடுங்கள். அந்த வாயாடி ராணிக்கு கண்டனம் தெரிவிப்போம்.

செல்வி: என்னைப் பார்த்து வாயாடி என சொல்லி விட்டார்கள். பொறுத்தது போதும் நிர்வாக ஊழியர்களே. பொங்கி எழுங்கள். அவர்கள் கண்டனம் நடத்திய இடங்களில் எல்லாம் நாளை நாம் கண்டனம் நடத்த வேண்டும். அனைவரும் புறப்படுங்கள்.

வாடிக்கையாளர்கள்: நேத்து அந்தாளு கண்டனம். இனைக்கு இந்தாளு கண்டனம். நாம சோத்துக்கில்லாம திண்டாடிக் கிட்டிருக்கோம். இதுக்கு ஒன்னும் பண்ணக் காணோம். ஆனா இவிங்க ரெண்டு பேரும் நல்லாவே அடிச்சிக்கிறாங்கே.

(அடுத்த பிஸினஸ் கூட்டனி குறித்த விவாதங்கள் வருகின்றன)

செல்வி: தம்பி நீங்க நம்ம கூட சேந்து பிஸினெஸ் செய்யனும். ஏத்துக்குவீங்கன்னு நம்பறேன். அப்பத்தான் அந்த நிதியமானுக்கு ஒரு பாடம் புகட்ட முடியும்.

விருச்சிககாந்த்: அப்புடி வாங்க. போன தடவ நான் தனியா பிஸினஸ் செய்யலாமுன்னு வந்தப்போ உங்க பிஸினஸ் முழுசா பாதிச்சி தோத்து போனீங்க. அந்த பயம் இருக்கட்டும். நான் உங்க கூட பிஸினஸ் செய்யனும்னா ஒரு கண்டிசன். "எனக்கு நீங்க பிஸினஸ்ல துணைத்தலைவர் பதவி கொடுக்கனும்". இதுக்கு சம்மதம்னா மேல பேசலாம்.

வாடிக்கையாளர்கள்: செம காமெடிம்மா!

(பேச்சுவார்த்தை தோல்வியில் முடிகிறது.)

விருச்சிககாந்த்: என்ன நம்மள அந்தாளு கூப்புடவே மாட்டேங்கறாரே? சரி நாமளா ஒரு அறிக்கைய உடுவோம். "செல்வி, நிதியமான் இவர்கள் இருவருமே ஊழல் பெருச்சாளிகள். அதனால் அவர்களுடன் கூட்டு வைத்து சாப்பிட...ச்சீ அவர்களுடன் கூட்டு வைத்து பிஸினெஸ் செய்ய மாட்டேன்."

நிதியமான்: என்னை ஊழல் பெருச்சாளி என சொல்லும் இவர் சினிமாவில் நடித்த போது வாங்கிய சம்பளங்களுக்கு வரி ஏய்ப்பு செய்திருப்பதாக தகவல்கள் சொல்கின்றன. என்னைப் பற்றி பேச இந்த ஊழல்வாதிக்கு என்ன தகுதி இருக்கிறது.

வாடிக்கையாளர்கள்: "பாம்பின் கால் பாம்பறியும்"-னு சொல்லுவாங்களே அது இதுதானோ???

விருச்சிககாந்த்: பொறியல்...அடச்சே! கூட்டு குறித்து எனது இறுதி அறிக்கை இது. "என்னைத் தலைமையாக ஏரற்கும் முதலாளிகளுடந்தான் நான் கூட்டனி வைப்பேன்."

வாடிக்கையாளர்கள்: யம்மா முடியலப்பா. 2010-ட செம காமெடியன் இவுருதான். என்னமா கமெடி செய்யுறாரு...எப்பவுமே மப்புலதாம்பா அறிக்கை உடுறாரு.

நேதாஜியும் விடுதலைப் போராட்டமும்

2010-08-22T17:57:00.003+05:30

இந்திய விடுதலைப் போராட்டத்தில் முக்கிய பங்கு வகித்தவர் நேதாஜி சுபாஷ் சந்திர போஸ். இவரின் போராட்டங்கள் தன்னைக் காத்துக் கொள்வதற்காக அல்ல. இந்திய மக்களை காப்பதற்காக மட்டுமே இருந்தது. பாரத திருநாட்டை 200 ஆண்டுக் காலம் அடிமைப் படுத்தி வைத்திருந்த பிரிட்டிஷ் ஏகாதிபத்தியத்தை எதிர்த்து இராணுவ ரீதியாக போராடிய ஈடிணையற்ற இந்தியத்தலைவர் மாவீரர் நேதாஜி சுபாஷ் சந்திர போஸ் என்பதை யாராலும் மறுக்க முடியாது.

23 வது வயதில் தன்னை காங்கிரஸில் இணைத்துக் கொண்ட இவர் இந்தியாவிற்கு முழு சுதந்திரம் கிடைத்தால் மட்டுமே ஏற்றுக் கொள்ளும் தீர்மானத்தை நிறைவேற்ற முற்பட்டு காந்தியின் எதிர்ப்பால் தோல்வியைத் தழுவினார். ஆனால் 1929ம் ஆண்டு நேரு தலைமையில் இந்த தீர்மானம் நிறைவேற்றப் பட்டது.

1938ம் ஆண்டு இந்திய தேசிய காங்கிரசின் தலைவராக தனது 41வது வயதில் நியமிக்கப் பட்டார். 1939ம் ஆண்டு தேர்தலில் மகாத்மா காந்தியால் நிறுத்தப்பட்ட பட்டாபி சீதாராமையாவை தோற்கடித்தார். பட்டாபியின் தோல்வி தன் தோல்வி என காந்தி கூறியதாம் மன வருத்தமடைந்தார்.

மத்திய பிரதேச மாநிலம் திரிபூரியில் நடந்த காங்கிரஸ் மாநாட்டில், இந்தியாவிற்கு அடுத்த ஆறு மாதங்களில் பிரிட்டிஷ் அரசு முழு விடுதலை அளித்துவிட்டு வெளியேற வேண்டும் என்ற தீர்மானத்தை நிறைவேற்ற நேதாஜி முயன்றார். ஆனால் காந்தியவாதிகளின் எதிர்ப்பால் தோல்வியடைந்தது. காந்தியுடனான பிரச்சினைகளால் தலைவர் பதவியிலிருந்து நேதாஜி விலகினார்.

கட்சிக்குள்லேயே ஒரு முற்போக்கு அணியைத் தொடங்கினார். அதற்கு ஆதரவு வலுத்தது. காங்கிரஸ் கட்சியில் எந்த பொறுப்பும் அடுத்த 3 ஆண்டுகளுக்கு நேதாஜி வகிக்க கூடாது என தலைமை முடிவெடுத்தது. இந்நிலையில் தான் 2ம் உலகப் போர் மூண்டது. வெள்ளையரை எதிர்த்து முற்போக்கு அணியினர் கடு பிரச்சாரம் செய்தன்ர்.

1940ம் ஆண்டு நேதாஜி சிறையிலடைக்கப் பட்டார். தன்னை விடுவிக்காவிடில் இங்கேயே பட்டினி கிடந்து சாவென் என அவர் சொன்னதால். பிரிட்டிஷ் அவரை வீட்டுக் காவலில் அடைத்தது. 1941 ஜனவரி 14 அன்று வீட்டுக் காவலில் இருந்து தப்பினார் நேதாஜி.

1943-ஆம் ஆண்டு அவருடைய கனவு நிறைவேறியது. ஜெனரல் மோகன் சிங் தலைமையில் துவக்கப்பட்டு ஆனால் செயல்படாமல் சிங்கப்பூரிலும், மலேசியாவிலும் சுணங்கி கிடந்த இந்திய தேசிய ராணுவத்திற்கு உயிர்கொடுத்தார்.

1944 ஆம் ஆண்டு தனது தலைமையகத்தை பர்மா தலைநகர் ரங்கூனுக்கு மாற்றிக்கொண்டார் நேதாஜி. இந்திய தேசிய ராணுவத்திற்கு நிதியுதவியும், பொருளுதவியும் தாராளமாக வழங்குமாறு நேதாஜி விடுத்த வேண்டுகோளை ஏற்று சிங்கப்பூர், மலேசியா, பர்மா நாடுகளில் வாழ்ந்த இந்தியர்கள் மனமுவந்து பெரும் அளவில் நிதியுதவி செய்தனர்.

பிப்ரவரி 4, 1944 ஆம் ஆண்டு ஆங்கிலேய ஏகாதிபத்தியத்தின் பிடியில் இருந்து இந்தியாவை விடுவிக்க புறப்பட்ட இந்திய தேசிய ராணுவ வீரர்களுக்கு இடையே நேதாஜி சுபாஷ் சந்திர போஸ் ஆற்றிய உரை என்னவெனில்

"அதோ அந்த நதியின் கரைக்கு அப்பால், அந்த அடர்ந்த காடுகளுக்கும் பின்னால், நம் கண்களில்படும் அந்த மலைகளுக்கும் பின்னால் நமக்காக உறுதியளிக்கப்பட்ட அந்த பூமி உள்ளது - எந்த மண்ணில் இருந்து நாம் உயிர்பெற்றோமோ - அந்த பூமியை நோக்கி நாம் திரும்புகிறோம். புறப்படுங்கள், இந்தியா அழைக்கிறது... ரத்தம் ரத்தத்தை அழைக்கிறது. கிளர்ந்தெழுங்கள், உங்கள் ஆயுதங்களை எடுத்துக் கொள்ளுங்கள். நம்மை அடிமையாக்கிய எதிரிகளின் படைகளை கிழித்துக் கொண்டு நமது பூமிக்கு பாதை அமைப்போம் அல்லது இறைவனின் சித்தம் வேறானால் வீரர்களுக்குரிய தியாக மரணத்தை தழுவுங்கள். நமது கடைசி மூச்சில் டெல்லிக்கு செல்லும் நமது பாதைக்கு முத்தமிட்டுவிட்டுச் சாவோம். டெல்லிக்கு செல்லும் பாதை, விடுதலை நோக்கிய பாதை.... சலோ டெல்லி :"

ஆனால் இந்திய தேசிய ராணுவத்தின் வெற்றியை அப்போது பெய்த பெருமழை தடுத்ததுடன் தோலிவியடைய செய்தது. ஆனால் அப்போது நேதாஜி வானொலி மூலம் வீரர்களுக்காக உரையாற்றினார்.

"நமது சரித்திரத்தில் நாம் சற்றும் எதிர்பாராத நெருக்கடியில் சிக்கியுள்ள இந்த நேரத்தில் உங்களுக்கு ஒரு வார்த்தை கூற விரும்புகிறேன். இந்த தற்காலிக தோல்வியால் மனச்சோர்வு அடைந்து விடாதீர்கள். நம்பிக்கையுடன் இருங்கள். உங்கள் உணர்வுகளை தளர விடாதீர்கள். எல்லாவற்றிற்கும் மேலாக இந்தியாவின் எதிர்காலத்தின் மீது நீங்கள் வைத்திருக்கும் நம்பிக்கையை தவறாக மதிப்பிட்டு விடாதீர்கள். இந்தியாவை நிரந்தரமாக அடிமைத் தளையில் கட்டிவைக்கும் ஆற்றல் இந்த உலகில் எந்த சக்திக்கும் இல்லை. நீண்ட காலத்திற்குப் பிறகு அல்ல. . . விரைவில் இந்தியா விடுதலை அடையும். ஜெய் ஹிந்த்!"

இதை அவர் சொன்னது ஆகஸ்ட்-15 1945ம் ஆண்டு சரியாக அதிலிருந்து 2 ஆண்டுகளில் இந்தியா சுதந்திரமடைந்தது. ஆனால் நேதாஜியின் விருப்பம் போல் இல்லாமல் இந்தியா-பாகிஸ்தான் என இரு நாடாக.

இப்படியெல்லாம் நேதாஜி போன்றவர்கள் நமக்காக போராடிப் பெற்றுத்தந்த சுதந்திரத்தின் இன்றைய நிலையும் அதை நாம் காக்க வேண்டிய கடமையும் புரியாமல் திரிகிறோம்.

என்ன கைய புடிச்சி இழுத்தியா?

2010-08-22T11:14:00.003+05:30

ஒரு விவாதத்தை முன்னிருத்தி பதிவெழுதும் போது அதற்கெதிரான விவாதங்கள் வருவது முற்றிலும் ஏற்றுக் கொள்ளக் கூடியது மற்றும் வரவேற்கத் தக்கது. அந்த விவாதங்களின் மூலம் பதிவெழுதியவரும், விவாதம் செய்பவர்களும் அவரவர் கருத்துக்களை தெரிவித்து தெளிவு பெற முடியும்.

ஆனால் இன்று ஒரு விவாதம் துவங்கினால் அதை முற்றிலும் திசைத் திருப்பும் நோக்கில் பல்ர் செயல்படுகின்றனர். அந்த விவாதத்தையே சீர்குலைத்து விடுகின்றன அவர்களின் கருத்துக்கள். நீ முன்னாடி இப்புடி எழுதுன. இந்த மாதிரி கிரிக்கெட் பத்தி எழுதுன. அப்பறம் உன் கூட சண்டை போட்ட ஒரு பதிவரை திட்டுன என தற்போதைய விவாதத்தை விட்டு விட்டு முழுக்க முழுக்க திசைத் திருப்பி விட்டு ஆரோக்யமான விவாதத்தை சீர் குலைத்து விடுகின்றனர்.

15 வருடங்களுக்கு முன்னர் என்னிடம் உன் வயது என்ன என கேட்டவர்களிடம் 11 என சொல்லிக் கொண்டிருந்தேன்.

இபோதும் 11 என சொல்ல முடியுமா?

பிறந்த பொழுது உங்கள் அனைவருக்கும் அரசியல் தெரிந்து விட்டதா?

வேலை கிடைத்து விட்டதா?

நீங்கள் எழுதும் பதிவுலகம் புரிந்து விட்டதா?

இவையனைத்துடும் மாற்றங்களால் மட்டுமே நிகழ்ந்திருக்கின்றன. அந்த மாற்றங்கள் வேண்டாம் என நினைத்திருந்தால் என்ன நடந்திருக்கும்.

இந்த உலகில் மாற்றம் ஒன்றுதான் மாறாமலிருப்பது. அதை மறுப்பதற்கு யாராவது தயாரா? நீங்கள் சொல்வதைப் பார்த்தால் நீ மாற்றமடைந்து ஒரு மாதம்தான் ஆகிறது. இப்பல்லாம் எழுதாத ஒரு வருசம் கழித்து எழுது. அப்புடி எழுதுனாக் கூட நாங்க ஒரு வருசத்துக்கு முன்னாடி நீ எழுதுனத சுட்டிக் காட்டுவோம். விவாதிக்க வேண்டிய விடயத்திற்குள் வரவே மாட்டோம் என்பது ஆரோக்யமான விவாதமா?

அடுத்து தோழர்கள் அல்லது யாருடனாவது பிரச்சினை என வைத்துக் கொள்வோம். அவர்களை போல் சில ஒத்தக் கருத்துக்களுடன் இன்னொருவர் பதிவெழுதும் போது அவர்களையும் அந்த தோழர் லிஸ்ட்டில் சேர்த்து வைத்துக் கொண்டு எழுதிய கருத்தை விட்டு விட்டு "தோழர் தோழர்" என கூச்சலிட்டுக் கொண்டிருக்கின்றனர். இது எப்படி இருக்கிறது என்றால் வடிவேல் ஒரு படத்தில் பஞ்சாயத்தில் நின்று "என்ன கைய புடிச்சி இழுத்தியா?" என கூறி அனைவரையும் கிறுக்கு பிடிக்க வைப்பது போல் உள்ளது.

நேரடி விவாதத்திற்கு கைடைசி வரை இவர்கள் வரப்போவதில்லை. அப்புறம் இவர்களில் பெரும்பாலானவர்கள் தமிழ் வலைப்பதிவர் குழுமத்தின் ஃபோரத்தில் மட்டுமே கும்மியடிப்பார்கள். கவனிக்க அப்போது கூட விவாதம் செய்ய மாட்டார்கள். அதை விட பெரிய பொதுவெளியான வலைப்பூவிற்கு அழைத்தால் பலர் காணாமற் போய் விடுகிறார்கள்.

அப்படியே விவாதத்திற்கு வந்தாலும் அது வெறும் வெட்டி விவாதமாகவே இருக்கிறது. பதிவின் கருத்து சம்மந்தமான ஆரோக்யமான விவாதமாக இருப்பதில்லை. இது போன்ற வெட்டி விவாதங்கள் தேவையா?

பன்னாடை பிரச்சினையில் அவர் மன்னிப்பு கேட்டு விட்டார், மாறி விட்டார் என சொல்லிக் கொண்டிருக்கும் இவர்கள் ஏன் என்னுடைய ஆரோக்யமான மாற்றத்தை ஏற்றுக் கொள்வதில்லை. காரணம் அவர்களால் என் கருத்து சரி என்றாலும் ஏற்றுக் கொள்ளும் மனபாவம் இல்லாததாகவே தெரிகிறது.

இப்படியே கும்மி மட்டும் அடித்துக் கொண்டிருங்கள். பதிவுலகம் முழுக்க நீங்கள் கொட்டும் குப்பைகள் மட்டுமே நிறைந்திருக்கும்.

நன்றி!

எந்திரனால் திரை விலகும் இரும்புத்திரை

2010-08-20T23:57:00.006+05:30

"எலே எப்புடிடா நீ எந்திரனைப் பத்தி பேசலாம்?" என வறிந்து கட்டிக் கொண்டு நிற்கும் அரவிந்த், முகிலன் பதிவுகளை ம்னசாட்சியுடன் படித்துப் பாருங்கள். அவர்களின் போலி முகங்கள் அங்கே தெரியும். இவர்களின் பதிவுகளுக்கும் அரசியல் தொலைக்காட்சிகளின் செய்திகளுக்கும் யாதொரு வித்யாசமும் இல்லை.

நான் ஒன்றும் புரட்சியாளர் இல்லை என சென்ற பதிவில் தெளிவாக விளக்கியிருக்கிறேன். விளக்கம் கொடுத்தப் பதிவில் விவாதிக்க இவர்கள் யாரும் வரவில்லை. அதன் கருத்துக்களோடு மோதும் பயமோ என்னவோ?

அரவிந்த் அவர் வலைப்பூவில் என்னைப் பற்றி எழுதியவை மற்றும் என் பதில்கள் இங்கே.

//"அதனால் நர்சிம் பிரச்சனை நடந்து பதினாறு நாட்கள் ஆனப்பின் பன்னாடை என்று சொன்னார்."//

நான் அந்தப் பதிவிலேயே சொல்லியிருக்கிறேன். வேலை பளு காரணமாக என்னால் பதிவுலகில் நடந்த பிரச்சினையை தெரிந்து கொள்ள இயலவில்லை. தாமதமாக படித்தாலும் அதை எதிர்த்து எழுதக் கூடாதா என்ன? நீங்கள் தான் தாமதமான பின் எல்லாவற்றையும் பழைய செய்தியாக்கி விடுகிறீர்களே. அது போலவே இதயும்.

//"அப்துல்லா என்ற பதிவர் அவருக்கு இழைக்கப்பட்ட கொடுமைக்கு நியாயம் கேட்கிறார்.நீங்கள் தான் பன்னாடை என்று பதினாறு நாள் கழித்து திட்டுவீர்களே இதற்கும் திட்டுங்கள் என்று சொன்னால் அது அப்துல்லாவுடைய தனிப்பட்ட பிரச்சனையாம்."//

நர்சிம் பிரச்சினை நாம் உபயோகிக்கும் பதிவுலகில் பொதுவில் உமிழப்பட்ட ஒரு கேவலம்.

ஆனால் அப்துல்லாவிற்கோ அது பதிவுலகப் பெண்ணாக இருந்தாலும் (அவர் சொல்வது உண்மையாக இருந்தால்) வெளியில் செய்யப்படும் சதிவேலை. அந்தப் பெண் பதிவுலகில் அல்லது பொதுவெளியில் இதை செய்து அவர் சொல்லும் அவரை புரிந்து கொண்ட பெண்ணும் பதிவுலகில் சொல்லியிருப்பின் அது பற்றி குரல் எழுப்புவதில் எனக்கு எந்த ஆட்சேபனையும் இல்லை.

அரவிந்த் நீங்கள் தோழராகவோ, தோலராகவோ அல்லது தோளராகவோ இருந்து விட்டுப் போங்கள். அது குறித்து எனக்கு எந்தக் கவலையும் இல்லை. நான் மனிதனாக மட்டுமே இருக்க விரும்புகிறேன்.அதற்கான முயற்சியில் தான் இன்றும் இயங்கிக் கொண்டிருக்கிறேன்.

இவ்வளவு பிதற்றும் உங்களைப் போன்றவர்கள் நான் கேட்ட போபால் பதிவுக்கு ஏன் வரவில்லை? ஏன் குரல் கொடுக்கவில்லை? என்ற கேள்விகளுக்கு பதிலில்லையே! அது எனது சொந்த நோக்கில் ஹிட்ஸ் வாங்கும் நோக்கில் தொடங்கப் பட்டதல்ல. அது ஒரு தனி வலைப்பூ. அதில் பதிவர்களின் குரல்கள் பதிய வேண்டும் என்ற ஒரேயொரு நோக்கம் மட்டுமே இருக்கிறது. எனது சொந்த வலைப்பூவில் ஹிட்சுக்காக யாரையும் எழுத அழைக்கவில்லை.

நானும் சினிமா, கிரிக்கெட் போன்ற பொழுதுபோக்கு அம்சங்களில் மூழ்கி முட்டாளாய் இருந்தவந்தான். சச்சின் இருநூறு அடித்த போது அதை எதிர்த்த கார்த்தியைத் திட்டிப் பதிவிட்டிருந்தவன் தான். நாட்டில் நடக்கும் அவலங்களையும், அரசியலையும் புரியாத எனக்கு அவை பெரிய விடயங்களாகத் தெரிந்தன.

ஆனால் நிறைய படிக்கும் போதுதான் நாம் மேன்மையடைவோம், பக்குவமடைவோம் என்பது என் விடயத்தில் நிஜமாகியிருக்கிறது. ஏன் நாம் இப்படி இருக்கிறோம் என்ற சுய சிந்தனையும், நம் சமூகம் ஏன் இப்படியே இருக்கிறது என்ற கேள்வியும் எழுந்த பின் அதற்கான காரணிகளாக எனக்குக் கிடைத்தவைகளில் ஒன்றுதான் இந்த சினிமா.

விருந்தாளியோ, திட்டக்குடியோ எந்திரன் அளவுக்கு எதிர் பார்ப்பையும், காசு விரயங்களையும் ஏற்படுத்துவதில்லை. விருந்தாளிக்கு கட்டவுட் வைத்து பாலாபிசேகம் செய்யும் முட்டாள்கள் இல்லை. அது வெறும் படமாக வந்து போகிறது. அதனால்தான் எந்திரனின் விமர்சனம் அவசியமாகிறது. இதுவும் விருந்தாளி போன்று என்றால் எதுவும் தேவையில்லை.

நான் எழுதி வரும் அனைத்தும் எனக்கு சரியெனப் பட்ட விடயங்கள். இதற்காக என்னை நீங்கள் கம்யூனிஸ்ட் அல்லது புரட்சிக்காரன் என நினைத்தால் நிச்சயம் நீங்கள் எல்லாம் முட்டாள்களாகத்தான் இருக்க முடியும்.

நான் ஒன்றும் புரட்சிக்காரன் அல்ல!

2010-08-20T07:04:00.004+05:30

நண்பர்களுக்கு வணக்கம்!

புரட்சி! இது வெறும் சொல் அல்ல. இது பல முறை பல துறைகளிலும், மனிதர்களிலும் நடந்ததால் தான் நாம் இன்று இப்படி இருக்கிறோம். புரட்சி என்பது நடக்கவில்லை என்றால் நாம் எல்லோரும் குரங்காகவே இருந்திருப்போம். புரட்சி என்பது ஒன்று இன்னொன்றாக மாறுவதுதான். குரங்கிலிருந்து மனிதன் தோன்றிய பரிணாமம் கூட ஒரு புரட்சியால் நடந்ததுதான்.

ஆனால் இந்த புரட்சிகள் எதுவும் உடனுக்குடன் நடந்து விடும் ஒரு சாதாரண விடயமல்ல. இதற்கு பல ஆண்டுகள் ஏன் பல நூறு, பல ஆயிரம் ஆண்டுகள் கூட ஆகலாம். அதற்காக புரட்சி பிரயோசனமற்றது என நினைப்பது முட்டாள்த்தனம். நாம் அனைவரும் பிறந்தவுடன் சம்பாதித்து திருமனம் செய்து பிள்ளை பெற்று விட முடியுமா?

அதற்கென நாம் குறைந்த படசம் பதினெட்டு ஆண்டுகளாவது காத்திருக்க வேண்டும். ஒரு தனி மனிதனின் வாழ்வியல் புரட்சிக்கே இத்தனை ஆண்டுகள் தேவைப்படும் போது சமூகத்தின் புரட்சிக்கு? ஆனால் இத்தகைய புரட்சிகள் ஒரு துறையிலோ அல்லது சமூகத்திலோ நடை பெறுவது அதை சார்ந்திருப்பவர்களின் ஒருமித்த புரிதலின் போதுதான் சாத்தியம். அதன் காலநிலையை நிர்ணயிப்பதும் அதுவே.

நமக்கு ஒரு அமைப்பு பிடிக்காவிட்டாலும் நாம் அதிலிருந்து கொண்டுதான் அதனை வெறுத்தொதுக்க முடியும். காரணம் நமது வாழ்வாதாரம் அந்த அமைப்பிற்குள் முடக்கப் பட்டிருக்கிறது. உதாரணமாக சொன்னால் நம்மை ஆட்சி செய்யும் ஆட்சியாளர்களை நம்மில் எத்தனை பேருக்கு பிடிக்கும்? இல்லை என்றாலும் அதற்குள் இருந்து கொண்டு தானே அதனை எதிர்க்கிறோம்.

அதை விடுத்து இதனை விமர்சனம் செய்ய நீ இந்த பணியில் இருக்க கூடாது, நடிகனை விமர்சணம் செய்யக் கூடாது என்றால் மக்கள் அந்த அரசியலை நிச்சயம் எதிர்த்து கேள்வி கேட்க போவதில்லை. பொழுதுபோக்கு ஊடகங்களின் பிடியில் சிக்கிக் கொண்டு நாட்டின் விலைவாசி ஏற்றத்தை பற்றிக்கூட கேள்வி எழுப்பாமல் மனதிற்குள் புழுங்கி விட்டு அடுத்த படத்திற்கு டிக்கெட் எடுக்க செல்லும் முட்டாள்களாகத்தான் நாம் இருக்கிறோம் என்பதை மறுக்க முடியாது.

மானாட மயிலாட மாராட்டமும், மட்டைபந்து விளையாட்டும், எந்திரன் போன்ற படங்களும் முக்கியமாக படும் அளவிற்கு இந்த விலைவாசி ஏற்றமும், காமன்வெல்த் சுரண்டல்களும், அரசியல் ஊழல்களும், போபாலும் பெரிதாகப் படுவதில்லை நமக்கு. இவற்றைப் பற்றி எழுதியவர்கள் எத்தனை பேர்? இது போன்ற செயலகளை எதிர்த்து பதிவிட்டால் அவனுக்கு பெயர் புரட்சியாளன் அல்லது கம்யூனிஸ்ட்.

புரட்சி என்பது அவ்வளவு எளிதான வார்த்தையாகிப் போய் விட்டது. அதன் உள் அர்த்தம் சென்று பார்த்தால் அது எவ்வளவு பெரிய விடயம் என்பது புரியும். அதனால் நான் புரட்சி பேசுகிறேன் என யாரும் சொல்லி விடாதீர்கள். அதற்கு நான் தகுதியற்றவன். நான் எழுதுவதெல்லாம் என்னை சுற்றி நடக்கும் நிகழ்வுகளின் வெளிப்பாடு. நான் புரிந்து கொண்ட சிலவற்றை சிலருக்காவது எடுத்து செல்ல வேண்டும் என்ற எண்ணம். அவ்வளவே!

இதற்கு பெயர்தன் புரட்சி என நீங்கள் கருதினால் அது முழுக்க முழுக்க உங்கள் முட்டாள்தனமே. அப்புறம் சிலர் கூறியது எழை கஷ்டபட்டு உழைத்து வந்து களைப்பை நீக்க எந்திரன் படம் பார்க்கின்றான். அந்த உரிமை கூட அவனுக்கில்லையா? என்று.

நிச்சயம் இருக்கிறது. ஆனால் அந்த பொழுது போக்கில் அவன் மூழ்கி விடாமலிருக்க வேண்டும். அவனது களைப்பிற்கு அது ஒரு தற்காலிக ஆறுதல் தரலாம். அந்த தற்காலிக ஆறுதலானது அவனது நிரந்தர ஆறுதலைத் தடை செய்கிறது.

அந்த பொழுதுபோக்கை விடுத்து தனது இந்த நிலைக்கு என்ன காரணம் என அவன் சிந்திக்கத் தொடங்கினால் அது ஒரு வித புரட்சியாக மாறும் என்பதில் எந்த சந்தேகமும் இல்லை. ஒரு நிரந்தரத் தீர்வும் கிட்டுவது நிச்சயம். ஆனால் அவற்றிற்கு தடைக்கல்லாக இருக்கும் பல விடயங்களில் இந்த சினிமாவும் ஒன்று என்பதை விட முக்கியமான் ஒன்று என சொல்லலாம்.

அப்புறம் "திரையுலகை எதிர்த்து கோசமிடும் நீங்கள் கேட்க வேண்டிய கேள்விகளெல்லாம் நீங்கள் ஓட்டுப்போட்ட அரசியல்வாதிகளிடம்" என சில கருத்துரைகள் வந்திருந்தன.

"நீங்கள் ஓட்டு போட்ட" என்பதே சமூகத்தைதான் குறிக்கிறது. அந்த சமூகத்தில் சம்மந்தப்பட்ட கட்சிக்கு ஓட்டு போடவில்லையென்றாலும் நாமும் இருக்கிறோம். அது ஏன் "நீங்கள் ஏன் இதை பற்றி எழுதவில்லை?" என கேட்கிறீர்கள். நீங்களே எழுதலாமே!. ஊழல்களுக்கெதிராக கேள்வி கேட்க வேண்டியது பொது மக்களாகிய நாம் எனும் போது அது ஏன் இன்னொருவரைக் கேர்ட்கிறீர்கள்? நீங்களே செய்யலாமே.

காரணம் புரிகிறதா? உங்களையெல்லாம் கட்டிப்போட்டு வைத்திருப்பது இது போன்ற பொழுதுபோக்கு அம்சங்கள் தான். அலுவலில் அதிக நேரப் பணியா? யோகா செய் ஏன் அதிக நேரப்பணி என யோசிக்காதே! விலைவாசி ஏற்றமா? ஏன் என யோசிக்காதே மானாட மயிலாட பார். இத்தகைய கொள்கைகள் தான் நம் அனைவரையும் சிந்திக்க விடாமல் தடுத்து வைத்திருக்கிறது.

என்னை கம்யூனிஸ்ட் என்றோ புரட்சிக்காரன் என்றோ யாரும் சொல்ல வேண்டாம். அந்த வார்த்தைகளுக்கு இன்னும் கூட எனக்கு முழு அர்த்தம் தெரியாது. அப்படியெல்லாம் அழைப்பதற்கு நான் தகுதியற்றவன். என்னுடைய புரிதல்களும், நான் பிறந்த இந்த சமுதாயத்தின் அவலங்கள் குறித்தவை மட்டுமே என்னுடைய பதிவுகள்.

அனைவருக்கும் நன்றி!

எந்திரன் - திட்டறவங்க திட்டலாம்

2010-08-19T09:03:00.003+05:30

நண்பர்களுக்கு வணக்கம்!

நேற்று எந்திரன் குறித்து ஒரு பதிவிட்டிருந்தேன். பலர் வறிந்து கட்டிக் கொண்டு சண்டையிட வந்தனர். முகிலன் எதிர்வினை எழுதி எதிர்ப்பைத் தெரிவித்திருந்தார்.

அப்படி அந்த பதிவில் நான் என்ன தேச விரோதமாகவா எழுதி விட்டேன்? இவர்களுக்கு ஏன் அந்த ஒரு நடிகன் மீது இவ்வளவு பாசம்?

நடிகனுக்காக வறிந்து கட்டிக் கொண்டு வந்த இவர்களில் யாரும் போபால் குறித்து பதிவெழுத அழைத்திருந்த போது வரவில்லை. இதிலேயே புரிகிறது இவர்கள் என்ன ரகம் என்று.

நல்ல விடயங்கள், மக்களுக்கான விடயங்களுக்கு நாங்கள் ஒன்று கூட மாட்டோம். ஆனால் நடிகனைப் பற்றி விமர்சித்தால் கண்டனம் தெரிவிக்க ஒன்று கூடுவோம் என்கின்றனர்.

முதலில் நான் ஒன்றை சொல்லிக் கொள்கிறேன். நான் ஒன்றும் புரட்சிகர எழுத்தாளன் அல்ல. சொல்லப் போனால் நான் ஒரு எழுத்தாளனே அல்ல. எனக்கு தவறென பட்டால் அதை பதிவிட்டு பலருக்கு சொல்லி வருகிறேன்.

என்னை ஏன் இவர்கள் புரட்சிக்காரன் என சொல்கிறார்கள் எனப் புரியவில்லை. அந்த புரட்சிக்காரன் என்னும் சொல்லைக் கேவலப் படுத்தாதீர்கள். அது அவ்வளவு எளிதில் அடையக் கூடிய இலக்கு அல்ல.

அதில் சிலர் ஒருவரை விமர்சனம் செய்ய நமக்கு என்ன தகுதி இருக்கிறது? என பார்க்க வேண்டும் என எழுதியிருந்தார். அதாவது ஏழ்மையை ஒழிக்க நீ என்ன செய்தாய்? ரஜினியை கேள்வி கேட்கிறாய் என்றார்.

என்னால் எதுவும் செய்ய முடியாது. ஏனெனில் நான் ஒரு சாதாரண பொதுமக்களில் ஒருவன். ஆனால் நீங்கள் தான் உங்கள் ரஜினியை கடவுளாகப் பார்க்கிறீர்களே! அவரால் ஒன்றும் முடியாதா? அவரை விமர்சனம் செய்ய எனக்கு பொதுமக்களில் ஒருவன் என்ற தகுதி இருக்கிறது.

சிலர் கேட்டிருந்தனர் "நீங்கள் சொல்லும் விடயங்கள் ஏழை ரசிகனுக்கு என்றால் அதை ப்ளாகில் எழுதி என்ன பயன்?".

நண்பர்களே நீங்கள் இது போன்ற வெறும் சினிமா ரசிகனாக இருந்து விடக் கூடாது. சமுதாயத்தில் நமக்கு நிறைய கடமைகள் இருக்கிறது அவற்றை விட இது ஒன்றும் பெரிய விடயமல்ல. சொல்லப் போனால் பைசா பிரயோசனமில்லாத விடயம். இதை ப்ளாகில் எழுதுவதில் எந்த தவறும் இல்லை. ஏழைகளை விட இந்த விடயங்கள் நடுத்தர வர்க்க மக்களுக்கு புரிய வேண்டும்.

நேற்று பதிவுலகில் நான் மிகுந்த மரியாதை வைத்திருந்த ஒரு நபரின் குட்டும் உடை பட்டு போய் விட்டது. அவர் என்ன செய்தார் என்றால் என்னுடைய நேற்றைய பதிவிற்கு தமிழ்மணம், இண்டலி என இரண்டிலும் வாக்களித்து விட்டு முகிலன் எழுதிய எதிர்வினைக்கும் சென்று வாக்களித்து கருத்திட்டிருக்கிறார். இவர்கள் என்ன ரகம் என்பதை என்னால் புரிந்து கொள்ள இயலவில்லை.

எந்திரனால் பயன் ஆளும் வர்க்கத்திற்கும், மேட்டுக்குடி வர்க்கத்திற்கும் மட்டுமே. இது புரியவில்லை என்றால் திட்டி விட்டு போங்கள்.

உமாசங்கரும் என் கண்டனமும்

2010-08-18T17:59:00.002+05:30

ஜாதி வெறி பிடித்து அரசியல் செய்து கொண்டிருக்கிறது நம் அரசாங்கம். அதற்கு பலிகடாவாய் ஒரு நேர்மையான அதிகாரி. 27 வருடமாக தெரியாத (கண்டுகொள்ளாத) ஒன்று இப்போது கண்டுபிடிக்கப்பட்டுள்ளது. காரணம் வேறொன்றுமில்லை. அவரின் நேர்மை மட்டுமே. உமசங்கருக்கு ஆதரவாக அரசாங்கத்திற்கு என் கண்டனங்களை பதிவுசெய்கிறேன்.

எந்திரன் - ஏழைப் பங்காளன்!

2010-08-18T00:11:00.002+05:30

60 ஆனாலும் ஸ்டைல்தான்

அதனால் நாட்டுக்கு என்ன பயன்?

37 என்றாலும் கவர்ச்சிதான்

அதனால் ஏழைகளுக்கு என்ன பயன்?

கட்அவுட் வைத்து பாலாபிசேகம்

செய்து உழைத்த காசை

ஒரு நாளில் தீர்த்துவிட்டு

அடுத்த வேலை சோற்றுக்கு

அடுத்தவனிடம் கையேந்தும் நிலை

ஒவ்வொரு பட வெளியீட்டின் போதும்

இயல்பு தான்

அதற்காக தலைவர் வந்து உனக்கு

சோறு போட்டாரா?

நாட்டின் வறுமையை படங்களில்

ஒழிக்கும் தலைவன்

உண்மையில் அது பற்றி

யோசித்தாவது இருப்பாரா?

180 கோடியில் அவர்கள்

படத்தில் ஒழிப்பது ஏழ்மையை

நிஜத்தில் உருவாக்குவது ஏழையை!

ரஹ்மானும் காமன்வெல்த்தும் - கொடுமைடா!

2010-08-17T02:25:00.006+05:30

"நாட்டிற்குப் பெருமை சேர்க்கும் ஒரு விஷயம் காமன்வெல்த் போட்டி. எனவே அதுகுறித்து தவறான, அவதூறான செய்தியை வெளியிட்டால் அது நாட்டுக்குத்தான் அவப் பெயரைத் தேடித் தரும்."

---என்ன சொல்ல வர்ராருன்னா, யாரு கொள்ளையடிச்சாலும், எத்தனை பேரு வீடிழந்தாலும் இந்தியாவுல காமன்வெல்த்துங்கற ஏழைகள் கலந்துகிட்டு விளையாடுற போட்டி நடக்குது. அதப்பத்தி மட்டும் எழுதுங்க. அப்பதான் ஏழைங்க சந்தோசமா இருக்க முடியும்.

"எனவே மீடியாக்கள் எதிர்மறையான செய்திகளை வெளியிடுவதைத் தவிர்க்க வேண்டும். இந்தியாவின் புகழை சீர்குலைக்கும் வகையில் காமன்வெல்த் போட்டிகள் குறித்து மீடியாக்களில் செய்தி வருவது எனக்கு வேதனை தருகிறது."

---ஏண்ணே! உண்மையை வெளியில சொன்னா புகழ் சீர்குலையுதாண்ணே! நீங்க ரொம்ப நல்லவருண்ணே. நல்லாவே சொம்படிக்கிறீங்க. பேமெண்ட் ரொம்ப ஜாஸ்தியா குடுத்துட்டாங்களோ?

"நான் லண்டனில் இருந்தபோது காமன்வெல்த் போட்டிகள் குறித்து மோசமான செய்திகள் வந்ததைப் பார்த்து அதிர்ச்சி அடைந்தேன். பாசிட்டிவான சிந்தனையுடன் இதை நாம் அணுக வேண்டும்."

---இன்னா சொல்றாருன்னா ஒரு பெரிய ஆபத்து வரும்போது அதுல உள்ள பாஸிடிவ்வை மட்டும் எடுத்துக்குங்க. அதை நெகட்டிவ்வாவோ இல்ல சரியான கோணத்துலயோ பாக்காதீங்க. இதனால எவ்வளவு ஊழல் நடந்தாலும், எத்தனை ஏழைகள் வீடிழந்தாலும் பரவாயில்லை. பணக்கார முதலாளிகள் சுகமாக வாழ வேண்டும். அதனால அந்த பாஸிடிவ்வை மட்டும் எடுத்து கிட்டு மத்தத மறந்துருங்க. வெளிய சொல்லாதீங்க. ஒரு தடவை விதர்பாவுல இருந்து யோசிச்சி பாருங்கண்ணே!

"எனவே டெல்லி காமன்வெல்த் போட்டிகள் குறித்த நல்ல விஷயங்களை செய்திளாக மீடியாக்கள் வெளியிட வேண்டும் என்றார் ரஹ்மான்."

---நல்ல விசயம்னு எதண்ணே சொல்றீங்க! பெப்ஸி, கோக் எல்லாம் ஸ்பான்சர்சா மாறி காசு பாத்து விவசாயிங்க வயத்துல அடிப்பாங்களே அந்த நல்ல விசயமா?

அல்லது

---90 ரூ மதிப்புள்ள முதலுதவிப் பெட்டியை 5000 ரூ வாடகைக்கு எடுத்ததா கணக்கு காட்டி பாவம் தன்னோட குடும்ப வயித்து பொழப்புக்காக எங்க வரிப்பணத்துல எடுத்துக்கிட்டு சந்ததிய வளக்குறாங்களே அந்த நல்ல விசயமா இருக்குமோ?

ரஹ்மானின் இசை மீது எனக்கு மிகுந்த மரியாதை உண்டு. அதற்காக அந்தத் தனி மனிதன் சொல்வதற்கு ஆமாம் சாமி போட்டுக்கிட்டிருக்க நான் ஒன்றும் முட்டாள் ரசிகன் அல்ல. பணம் கிடைத்தால் என்ன வேண்டுமானாலும் பேசலாம். நாம் சொன்னால் நம் ரசிகர்கள் கேட்பார்கள் என்ற அயோக்கியத்தனம் மட்டுமே இங்கு வெளிப்பட்டிருக்கிறது. அவரின் இந்த பேச்சுக்கு என் கண்டனங்கள்.

அடடே 64வது சுதந்திரம்!

2010-08-15T13:26:00.002+05:30

இன்றுடன் 64-ஆண்டுகள் கடந்து விட்டது. நாம் வெள்ளைக்காரனிடம் பெற்று அரசியல்வியாதிகளிடம் ஒப்படைத்து. இன்று நாம் சுதந்திர நாட்டில் வாழ்வதாக பீற்றிக் கொண்டிருக்கிறோம். ஒவ்வொரு மனிதனும் மனதை தொட்டு சொல்லுங்கள் நீங்கள் சுதந்திரமாகத்தான் வாழ்கிறீர்களா?

அது குறித்து சில கேள்விகள். சுதந்திரப் பெருமை பேசுபவர்கள் பதிலளிக்குமாறு கோருகிறேன்.

1) அரசியல்வாதி அல்லது அரசியல் கட்சியின் ஊழல்கள் பல நம் முன் பலமுறை வெளிக்கொணரப் பட்டிருக்கின்றன. அவர்கள் மீண்டும் ஆட்சி அமைக்க என்ன காரணம்? இங்கு சுதந்திரம் மக்களுக்கா? (அ) அரசியல்வியாதிகளுக்கா?

2) மக்களுக்கான ஆட்சிதான் இப்போது இந்தியாவில் நடக்கிறதா? இல்லை என்றால் அதை எதிர்த்து கோசமிடும் அல்லது கேள்வி கேட்கும் சுதந்திரம் உங்களுக்கு இருக்கிறதா?

3) அரசியல் கட்சி ஊர்வலங்கள், ஆர்பாட்டங்கள் இதுவரை உங்களில் யாரையும் பாதிக்கவில்லையா? அப்படிப்பட்ட ஆர்ப்பாட்டங்களை எதிர்த்து கேட்க உங்களுக்கு சுதந்திரம் இருக்கிறதா?

4) அமெரிக்கா காரன் கொட்டும் குப்பைகளாக பல அணு உலைகள், விடம் கக்கும் நிறுவனங்கள் இங்கு வந்து விழுகின்றன. அதை எதிர்த்து கேட்க, தடுத்து நிறுத்த உங்களுக்கு சுதந்திரம் இருக்கிறதா?

5) போபாலில் கொடுக்கப் பட்ட தீர்ப்பு அனைவருக்கும் அதிருப்தியே! ஆனால் அதை தவறு என கூறி கேள்வி எழுப்பி ஆந்தர்சனை தூக்கிலிடும் கோரிக்கையை நிறைவேற்ற உங்களுக்கு சுதந்திரம் இருக்கிறதா?

6) நீங்கள் வசிக்கும் இடத்தை பெரு முதலாளிக்கு அரசாங்கம் விற்று விட்டு உங்களை அந்த இடத்திலிருந்து காலி செய்ய சொல்லக் கூடும். அது நடக்காமல் தடுத்து உங்கள் வசிப்பிடம் அதன் இயற்கைவளம் சுரண்டப் படாமல் தடுக்கும் சுதந்திரம் உங்களுக்கு இருக்கிறதா?

7) உங்கள் உழைப்புக்கேற்ற ஊதியம் மற்றும் சரியான நேர உழைப்பு இவைகளை உள்ளடக்கிய வேலை சுதந்திரம் உங்களுக்கு இருக்கிறதா?

8) தேர்தலில் போலியாக மக்களை ஏமாற்றி ஓட்டுப் பெட்டிகளையும் ஏமாற்றி வெற்றி பெறும் அரசியல்வியாதிகள் இல்லையா? இருக்கிறார்கள் என தோன்றினால் அதை தடுக்கும் சுதந்திரம் உங்களிடம் இருக்கிறதா?

இதில் ஒன்று இல்லை என்றாலும் கூட நாம் என்ன சுதந்திர நாட்டில் வாழ்கிறோம். இதில் ஒன்று அல்ல 8 கேள்விகளுக்கும் மனசாட்சியுடன் பதிலளித்தால் சுதந்திரம் இல்லை என்றுதான் வரும். இது 64 ஆனால் என்ன 100 ஆனால் என்ன? மக்களுக்கு ஒன்றும் பயனில்லை. வெள்ளைக் காரனிடம் வாங்கி அமெரிக்கா காரனிடமும், நம் அரசியல்வியாதிகளிடமும் அடகு வைத்திருக்கிறோம்.

அனைவருக்கும் சுதந்திர தின(?) வாழ்த்துக்கள்!

டரியல் - (14-ஆகஸ்டு-2010)

2010-08-14T10:15:00.001+05:30

வணக்கம் நண்பர்களே!

"இந்திய எலக்ட்ரானிக் ஓட்டுப்பதிவு எந்திரங்கள் பாதுகாப்பை தருவதில்லை. தேர்தல் முடிவுகளில் தெளிவான தகவலை தருவதில்லை. சரிபார்ப்பு வசதியில்லை போன்ற குறைகள் உள்ளன. இதனால் தேர்தல் முடிவுகளில் நம்பகத்தன்மை கிடைக்காது என்ற முடிவுக்கு வந்துள்ளோம். இந்த வகை எந்திரங்களில் முறைகேடு நடக்க வாய்ப்புண்டு." - அமெரிக்கா

எல்லாத்துக்கும் அமெரிக்காவுக்கு ஆமாம் சாமி! போடும் இந்தியா இந்த குற்றச்சாட்டை மட்டும் மறுத்துள்ளது. ஏண்ணா உண்மை வெளிவந்த நம்ம அமைச்சர் ஒருத்தர் எப்புடி செயிச்சாருன்னு தெரிஞ்சிடும்ல.

-----------------

எலே திருநெல்வேலியில ஏட்டா இருக்குற சுந்தரம் கொழுந்தியாள தனக்கு ரெண்டாம் தாரமா கல்யாணம் செஞ்சி வைக்கலைன்னா ஆசிட் ஊத்தி புடுவேன்னு மாமனார் கிட்ட போய் மெரட்டியிருக்காரு. அவரோட பொண்டாட்டி ரெண்டு வருசத்துக்கு முன்னாடி இறந்து போய்ட்டாங்க. அதனால கொழுந்தியாள எப்புடியாவது கல்யாணம் செஞ்சிடனும்னு திரியுறாரு. இது குறிச்சி விசாரணை நடக்குதாம்.

-----------------

மறுபடியும் ஆரம்பிச்சிட்டாங்கப்பா! இந்த தடவை புள்ளையாருக்கு பதிலா அம்மன். அட ஆமப்பா பூந்தமல்ல பகுதியில இருக்குற 3 அம்மன் கோவில்களில் அம்மன் பால் குடிக்குதாம். எலே எண்ணெயில ஊறிப்போன சிலையில பால் என்ன எத ஸ்பூன்ல கொடுத்தாலும் உறிஞ்சத்தான் செய்யும். எங்க அத சுத்தமா கழுவிட்டு அப்பறம் குடுத்துப் பாரு. இல்ல ஸ்பூனுக்கு பதிலா சொம்புல குடுத்துப் பாரு குடிக்குதான்னு பாப்பம். இன்னும் எவ்வளவு நாளைக்குத்தாண்டா ஏமாத்திக் கிட்டுத் திரிவீங்க.

-----------------

வந்துருச்சுப்பா வழக்கம் போல ஆகஸ்டு-15. நம்ம மக்களுக்கு வருசத்துல ரெண்டு நாள் மட்டும் தான் இந்த உணர்வே வருது. சட்டையில கொடிய குத்திக்கிறான். தேசியக் கொடிக்கு சல்யூட் அடிக்குறான். முட்டாய் வந்ததும் வாங்கி சாப்டுட்டு போய்க்கிட்டே இருக்கான். கேட்டா நாமதான் சுதந்திர நாட்டுல இருக்கோம்லன்னு சொல்றான். அந்த சுதந்திரம் நம்ம அரசியல்வியாதிகளாலயும், அமெரிக்கா காரனாலயும் பறிக்கப் பட்டுக் கிட்டு இருக்குன்னு சொன்னா அட போடா உனக்கு வேற வேலையே இல்லைன்னு சொல்லிட்டு டாஸ்மாக்க பாக்க போயிடுறான்.

வாழ்க இந்தியா!

-----------------

டௌ கெமிக்கல்ஸீக்கு எதிரா ஒரு பேரணி நடக்கப் போவுது. இதுக்கு பொது மக்கள் அனைவரையும் கூப்புட்டுருக்காங்க. மக்கா வந்துருங்க.

கொலைகார ‘டௌ’-வே வெளியேறு!

ஆக்-15 முற்றுகை

ஆகஸ்டு-15, காலை 10.30 மணி,

பேரணி துவங்குமிடம்: காசி தியேட்டர், சென்னை.

பேரணி சேருமிடம், முற்றுகை: டௌ கெமிக்கல்ஸ் அலுவலகம், கிண்டி, சென்னை.

அனைவரும் வருக.

-----------------

ஒரே கு(க)ஷ்டமப்பா!

2010-08-05T06:56:00.003+05:30

அவன் பெயர் பிச்சை. தாசில்தார் அலுவலகத்தில் பணியில் இருக்கிறான். லஞ்சம் வாங்குவதிலும் அதைப் பதுக்குவதிலும் பலே கில்லாடி. மாட்டிக் கொள்ளாதவாறு திருடத் தெரிந்த திருடன். அவனுடன் வேலை பார்ப்பவள் தான் வள்ளி. இவளும் லஞ்சம் வாங்குபவள் தான். ஏன் இவர்கள் இருவருக்கும் யார் அதிகம் லஞ்சம் வாங்குகிறோம் எனும் அளவிற்கு போட்டிகள் பல நடந்தேறியிருக்கின்றன.

இதன் காரணமாகவே இருவரும் ஒருவரை ஒருவர் உயர் அதிகாரிகளிடம் போட்டுக் கொடுத்தும், உடன் பணி புரிபவர்களை இரு அணியாகப் பிரித்து வைத்துக் கொண்டு புரணிப் பேசியும் திரிந்து கொண்டிருப்பர். இது போன்ற சம்பவங்கள் அடிக்கடி நடந்தாலும் அந்த உயர் அதிகாரிக்கு பிச்சையால் சில பல காரியங்கள் (லஞ்சம்) நடக்க வேண்டியிருப்பதால் அவன் மீது எந்த நடவடிக்கையும் எடுக்கவில்லை.

பெயருக்கு ஒன்றிரண்டு முறை அவனது வீடுகள் சோதனையிடப் பட்டும், ஓரிரு முறை கைது செய்யப் பட்டும் இருக்கிறான். அவ்வளவே. ஆனால் வழக்குகள் மூடி மறைக்கப் பட்டு விட்டது. இவன் தனது ஆள் பலத்தைப் பயன் படுத்தி வள்ளியின் லஞ்சங்களை அம்பலப் படுத்தினான். அது தொடர்பாக வள்ளி மீது வழக்கும் தொடுக்கப் பட்டு நீதி மன்றத்தில் நிலுவையில் இருக்கிறது.

இருவருக்குள்ளும் அடிக்கடி கருத்து யுத்தங்கள் நடந்து கொண்டிருந்தன. சில சமயங்களில் இருவரின் ஆதரவாளர்களுக்கும் இடையில் மோதல்கள் ஏற்பட்டு காயங்களும் ஏற்பட்டிருக்கின்றன. சிலர் வேலையையும் இழந்திருக்கின்றனர். ஆனால் அது பற்றியெல்லாம் இருவரும் சிந்தித்தது கூட இல்லை.

சரி இவர்கள் இருவரும் ஏன் பகையாளியானார்கள்?

இருவருக்குள்ளும் யார் பெரிய ஆள்? என்ற எண்ணம் தலைதூக்கத் தொடங்கி அதன் பின் இருவரும் தங்களின் ஆதரவாளர்களைத் தனித் தனியே திரட்டி வைத்துக் கொண்டனர். பிச்சைக்கு இரண்டு மகன்கள். எப்படியாவது இருவருக்கும் அவன் வேலை பார்க்கும் இடத்திலேயே வேலை வாங்கிக் கொடுத்து விடுவது என விடாப்பிடியாக இருந்தான்.

வள்ளிக்கு பிள்ளைகள் இல்லை. தன் தோழி ரஞ்சிதா என்றால் அவளுக்கு உயிர். அவள் இல்லாமல் எங்கும் செல்ல மாட்டாள். தான் பெறும் லஞ்சங்களில் செய்யும் செலவுகளில் பாதி ரஞ்சிதாவுக்காக இருக்கும். எது வாங்கினாலும் அவளுக்கும் சேர்த்து வாங்குவாள். தன் தோழிக்கு எப்படியாவது தனது அலுவலகத்தில் வேலை வாங்க வேண்டும் என இவளும் விடாப்பிடியாக இருந்தாள்.

இவைதான் இவர்கள் இருவரையும் பகையாளிகளாக்கியது.

இந்நிலையில்தான் பிச்சை தன் அலுவலகக் கூட்டாளிகளையும், தனக்குத் தெரிந்த சில ரவுடிகளையும் வைத்துக் கொண்டு வேலை நிறுத்ததில் ஈடுபட்டான்.

"வள்ளி மீதான வழக்கை விரைந்து முடிக்க வேண்டும்.

அந்தத் திருடி வேலையிலிருந்து நீக்கப் பட வேண்டும்"

என்றவாறு அலுவலக வாயிலில் போஸ்டர் ஒட்டி ஆர்ப்பாட்டம் நடத்திக் கொண்டிருந்தான்.

அன்று அங்கு சாதிச்சான்றிதழ் மற்றும் இன்ன பிற சான்றிதழ்கள், பத்திரப் பதிவுகளுக்காக வந்த மக்கள் தலையிலடித்துக் கொண்டு வீடு திரும்பிக் கொண்டிருந்தனர். அங்கு சாதிச்சான்று பெற வந்திருந்தான் குமரன். ஆர்ப்பாட்டக் கூட்டத்திலிருந்து வெளியே வந்தான் குமரனிடம் லஞ்சம் பெற்ற அந்த பியூன்.

"தம்பி இன்னைக்கு ஆபீஸ் நடக்காது. நீ பேசாம நாளைக்கு வா" என்றான்.

"அண்ணே! நாளைக்கு பேங்க் வேலைக்கு அப்ளிக்கேசன் போட லாஸ்ட் டேட். அதுக்கு சாதிச்சான்றிதழ் அவசியம் வேணும்" என்றான்.

"அப்ப காலையிலயே வந்துடு. நான் பாத்துக்குறேன். மதியத்துக்குள்ள அனுப்பிச்சிரலாம்" என்றான்.

சரி காலையில் வாங்கிக் கொள்ளலாம் என நினைத்துக் கொண்டு வீடு திரும்பினான். மறு நாள் காலை எட்டு மணிக்கெல்லாம் புறப்பட்டு அந்த அலுவலகத்தை அடைந்தான். அதிர்ச்சியில் செய்வதறியாது நின்றான்.

"எங்கள் தலைவியை திருடி என கூறி அவமானப்படுத்தி

ஆர்ப்பாட்டம் செய்ததை கண்டித்து

இன்று வேலை நிறுத்தம் மற்றும் ஆர்ப்பாட்டம்"

என்ற போஸ்டரின் கீழ் அலுவலகப் பணியாளர்கள் ஆர்ப்பாட்டம் செய்து கொண்டிருக்க அப்போது அருகாமை டீக்கடையிலிருந்து வந்த பியூன்

"தம்பி இன்னைக்கும் ஒன்னும் செய்ய முடியாது. நீ வேற பேங்குக்கு அப்ளிக்கேசன் போட்டுக்கலாம். நாளைக்கு வா" என்றான்.

எதுவும் பேசாமல் ஏமாற்றத்துடன் திரும்பினான். வாங்கி வைத்திருந்த பேங்க் அப்ளிக்கேசனை குப்பைத் தொட்டியில் போட முயன்ற போது கவனித்தான் அங்கு நிறைய அப்ளிக்கேசன்கள் கிடந்தன.

டரியல் - (04-ஆகஸ்டு-2010)

2010-08-04T09:42:00.001+05:30

நண்பர்கள் அனைவருக்கும் வணக்கம்!

சென்ற வாரம் முழுதும் வலைச்சரத்தில் நிறைவு செய்தேன். என்னால் முடிந்த அளவுக்கு அங்கு நல்ல பதிவுகளையும், நல்ல பதிவர்களையும் அறிமுகப் படுத்தியிருக்கிறேன் என நம்புகிறேன். எனக்கு வலைச்சர ஆசிரியர் பொறுப்பளித்த சீனா ஐயாவிற்கும், அங்கு வந்து ஆதரவளித்த நண்பர்களுக்கும் நன்றிகள்.

---------------------

அப்பறம் எந்திரன் பாடல்கள் வெளியாகி விட்டது. அடுத்த மாதம் படமும் வெளி வருகிறது. இன்னும் 2 மாசத்துக்கு பதிவுலகம் வேற எந்த செய்தியையும் முக்கியமா பவிக்கப் போறதில்லை. இதுக்கு தமிழிஷ் (இண்டலி)-ம் உடந்தையா இருக்கப் போவுது. காசு உள்ளவன் 150 கோடிஉ செலவு செஞ்சி எடுத்தா அவனுக்கு முழுக்க லாபம் கிடைக்கும் என்பது மட்டுமே நோக்கம். ஆனால் ரசிகர்கள் என்பவர்கள் லாபமின்றி அவரவர் காசுகளை செலவு செய்து கட்-அவுட், போஸ்டர்கள், ரசிகர் மன்ற டிக்கெட்டுகள் என அடுத்த மாதம் முழுதும் தண்ட செலவுகள் செய்யப் போவது உறுதி. பல தயாரிப்பு நிறுவனங்கள் அடைந்து வந்த லாபங்கள் எல்லாம் இன்று ஒரே இடத்தை சென்று சேர்கிறது. கொடுமைடா!!!!

---------------------

நாட்டுல தீர்க்க வேண்டிய பிரச்சினைகள் எவ்வளவோ இருக்கு. ஏன் தமிழ்நாட்டுல மட்டும் கூட எவ்வளவோ பிரச்சினைகள் இருக்கு, மீனவன் செத்தா ஒரு கடிதம், இலங்கைத் தமிழன் செத்தா ஒரு கடிதம் என இயங்கிக் கொண்டிருக்கும் அவர் எந்திரன் ஆடியோ ரிலீசுக்காக பிரத்யேகமாக பேட்டியளித்திருக்கிறார். பேரன் லாபம் பார்ப்பதற்காக பேசியிருக்கிறார் என்பது மட்டுமே நிஜம். மக்களுக்காக எந்தக் குரலும் வருவதில்லை. ஆனால் தன் குடும்பத்திற்காக குரல்கள் ஒலித்துக் கொண்டே இருக்கும்.

வாழ்க தமிழ்நாடு!

---------------------

அண்ணன் ஜாக்கி சேகரின் பதிவு திருடப்பட்டு பாக்யா இதழில் வேறு பெயரில் வெளி வந்ததும், அதன் பின் அந்த நபர் அதற்கு விளக்கப் பதிவு போட்டதையும் படித்தேன்.

நண்பரே சி.பி.செந்தில்குமார்,

நீங்கள் கொடுத்த விளக்கங்கள் ஏற்றுக் கொள்ள கூடியதாக இருந்தாலும், ஒரு படைப்பாளியிடம் அனுமதி பெறாமல் அதை அவர் பெயரில் வெளியிட்டாலும் அது திருட்டுதான். அதனால் ஜாக்கி அண்ணன் திருடப்பட்ட பதிவு என்று சொன்னதில் எந்த தவறும் இல்லை. இனி நீங்கள் பதிவுகளை அனுப்பும் முன் சம்மந்த பட்டவர்களிடம் அனுமதி பெற்று அனுப்புங்கள். அது அந்தப் படைப்பாளிக்கு ஊக்கம் கொடுக்கும்.

---------------------

இந்த வாரப் பதிவர்: சவுக்கு

சவுக்கு என்ற இணையதளத்தின் மூலம் பலரது முகத்திரையைக் கிழித்துக் கொண்டிருக்கும் இவர்கள் தான் மீண்டும் தொடங்கியுள்ள டரியலின் இந்தவாரப் பதிவர். பலரது லஞ்சங்களை ஆதரத்துடன் எழுதி வருகிறார்கள். இதற்காக சமீபத்தில் போலியாக கைதும் செய்யப் பட்டார்கள். ஆனாலும் அஞ்சாமல் தொடர்ந்த அம்பலப் படுத்தி வரும் இவர்களுக்கு என் வாழ்த்துக்கள். நண்பர்கள் அனைவரும் இந்த சவுக்கு தளத்திற்கு ஆதரவளியுங்கள்.

---------------------

வலைச்சரத்தில் மூன்று மற்றும் நான்காம் நாட்கள்

2010-07-29T08:13:00.002+05:30

மூன்று

சமூகம் என்பது மக்கள் கூட்டமாக சேர்ந்து வாழும் பகுதி என்பதோடு நின்று போய் விட்டது. கூட்டமாக வாழுமிடத்தில் பிரிவினைகளோடு வாழ்ந்து கொண்டிருக்கிறோம். அதில் ஒரு பிரிவினருக்கு பிரச்சினை என்றால் மற்றப் பிரிவினர்கள் கண்டு கொள்வதில்லை. அவர்களுக்குத்தானே பிரச்சினை நமக்கு வரும் போது பார்த்துக் கொள்ளலாம் என்ற மனப்பான்மை மட்டுமே மக்களிடம் விஞ்சியிருக்கிறது.

சமூக அமைப்பு என்பது ஒன்று கூடி வாழ்தல் என்று வரும் போது, நம்மில் ஒருவர் பாதிக்கப் படும் போது ஒன்று கூடி குரல் கொடுக்கவும் வேண்டும். இன்றைய அளவில் இன்னொருவனது பிரச்சினையாகப் பார்க்க படுவது நாளை நமக்கும் வரும் என்பது தோன்றல் வேண்டும். இது தனிமனித பிரச்சினைகளுக்கு மட்டுமல்ல பொது பிரச்சினைகளுக்கும் பொருந்தும். பொதுவில் நடக்கும் ஒவ்வொரு பிரச்சினைகளுக்கும் நம்மில் அனைவரும் ஏதோ ஒரு வகையில் காரணமானவர்களாகவே இருக்கிறோம். ஆனால் அது புரியாமல் விலகிச் செல்கிறோம்.

சரி இன்றைய மூன்றாவது நாளில் சமூகத்தின் மீது அக்கரை கொண்ட பதிவுகளைப் பற்றி பேசலாம்.

சமூகம் என்பது யாதெனில் - வலைச்சரம் மூன்றாம் நாள்

நான்கு

இன்றைய காலகட்டத்தில் மட்டுமல்ல தொன்றுதொட்டே கவிதை என்றதும் அடுத்து நினைவுக்கு வருவது காதல். இதுவரை எழுதப்பட்ட பெரும்பாலான கவிதைகள் காதலை நோக்கியே பயனித்திருக்கின்றன. சமூகம் சார்ந்த கவிதைகளை அவர்களால் எழுத முடியாது என்பது அதற்கு காரணமில்லை. அவர்களுக்கு காதலில் உள்ள ஈடுபாட்டை விட சமூகத்தின் மீதான ஈடுபாடு குறைவாக உள்ளது. இதற்கு ஏதோ ஒன்று காரணம் என சொல்லி தப்பி விட முடியாது.

இவர்களை போன்றவர்களுக்கும் சமூகப் பொறுப்பும், அதன் மீது காதலும் இருக்கிறது. அவற்றை எப்படி கவிதையாக்கலாம் பலருக்கு சொல்லலாம் என்பதை ஆக்கப்பூர்வமாக யோசித்து செயல் பட்டால் நிச்சயம் சமூகத்திற்கான எழுத்தாய் அது மாற்றம் பெறும் என்பதில் எள்ளளவு சந்தேகமும் வேண்டாம்.

கவிதைகள் என்றால் யாருக்குத்தான் பிடிக்காது. ஆனால் பலரது கவிதைகள் படிப்பவர்களுக்க்கு புரியாது. இங்கு நான் தொகுத்திருக்கும் கவிதைகள் அனைவருக்கும் எளிதில் புரியக்கூடிய வகையில் இருக்கும்.

கவிதையாய் - வலைச்சரம் நான்காம் நாள்

உணர்வுகள் - வலைச்சரத்தில் இரண்டாம் நாள்

2010-07-27T07:01:00.005+05:30

இன்று வலைச்சரத்தில் இரண்டாம் நாள். நேற்று வாழ்த்து தெரிவித்த அனைத்து நண்பர்களுக்கும் நன்றி கூறி இன்றைய இரண்டாம் நாளைத் துவக்குகிறேன். மனிதன் என்ற உயிரினத்தைப் பொறுத்த வரை உணர்வு என்பது சாதி, மதம், தேசம், மொழி போன்றவற்றையே முன்னிருத்துகிறது. இவற்றையெல்லாம் கடந்த மனிதம் என்ற உணர்வு அற்றுப் போனவர்களாகவே இச்சமுதாயத்தில் நாம் திரிகிறோம். எது நடந்தாலும் எனக்குக் கவலையில்லை. எனக்கு மூன்று வேலை உணவும் இன்ன பிற இத்யாதிகளும் கிடைக்கின்றன.

இன்னொருவனுக்கு கிடைக்காவிடில் அதற்கு நானா பொறுப்ப்பு? என வினா எழுப்பி தப்பிச் செல்பவர்கள் தான் இவ்வுலகில் பெரும்பான்மையினர். இன்னொரு பிரிவினர் இன்னொருவனுக்குக் கிடைக்காத போது கொடுத்து உதவுபவர்கள். இவைத் தற்காலிகமானது. அதை வைத்து இவர்கள் செய்தது சரி என நியாப் படுத்த முடியாது.

அதில் மனிதமிருந்தாலும் சில வினாடிகளில் மறைந்து போகும் ஒன்றாகவே இருக்கிறது. அவனுக்கு ஏன் கிடைக்கவில்லை? என மூலமறிந்து எதிர்க்க இன்று யாருமில்லை. இதுவரை என்னைக் கவர்ந்த சிறுகதைகள் உணர்த்திய உணர்வுகளை உங்களிடம் இன்று பகிரவிருக்கிறேன்.

வலைச்சரம் வந்து படியுங்கள்: உணர்வுகள்

வலைச்சர ஆசிரியராய் நான்

2010-07-26T05:52:00.002+05:30

நண்பர்களுக்கு வணக்கம்,

26-07-2010 இன்று தொடங்கும் வாரத்திற்கு சீனா ஐயா அவர்கள் என்னை வலைச்சர ஆசிரியராய் நியமித்திருக்கிறார். இந்த வலைச்சரத்தின் மூலம் பல பதிவர்கள் அறிமுகம் பெற்றவன் நான். என்னை அறிமுகப் படுத்திய பதிவர்களும் உண்டு.

நான் ஆசிரியராக இருக்கும் இந்த வாரத்தில் என்னால் முடிந்த அளவு பல நல்ல பதிவர்களின் பதிவுகளை அறிமுகம் செய்வதுடன், அவற்றை சிறப்பாக தொகுத்து வழங்கும் முயற்சியிலும் ஈடு பட்டிருக்கிறேன்.

என்னுடைய சுயமுகம் இதுதான் என்று என்னால் அவ்வளவு எளிதில் கூறி விட முடியாது. பலமுறை சுயநலம் எனும் மாயையில் சிக்கிக் கொண்டு குற்ற உணர்ச்சியில் தவித்திருக்கிறேன். அந்த மாயையை விட்டு வெளிவரும் முயற்சியில் என்னை ஈடுபடுத்தி வருகிறேன். இதுவே என் சுயத்தேடலாகவும் இருந்து வருகிறது.

சுயமுகம் - வலைச்சரத்தில் என் முதல் நாள்

நண்பர்கள் அங்கும் வந்து தங்கள் கருத்ஹ்டுரைகளைத் தெரிவிக்குமாறு கோருகிறேன்.

பதிவர்களின் உதவி தேவை

2010-07-24T02:20:00.007+05:30

பதிவுலக நண்பர்கள் அனைவருக்கும் வணக்கம்!

நான் உங்களிடம் கேட்கப் போவது பண உதவியோ, பொருளுதவியோ அல்ல. முற்றிலும் மனிதத்திற்கான உதவி. நான் மற்றும் சில நண்பர்கள் போபாலில் நடந்த அநீதி குறித்து எழுதிக் கொண்டிருக்கிறோம். அதை நாங்கள் பதிவேற்றுவதின் நோக்கம் விளம்பரமோ அல்லது பிரபலமடையவோ அல்ல. அங்கு நடந்த அநீதிகள் அனைத்து மக்களுக்கும் புரிய வைக்கப் பட வேண்டும் என்பதற்காக மட்டுமே.

நண்பர் வெண்ணிற இரவுகள் கார்த்தி சமீபத்தில் சில பதிவுலக நண்பர்களை போபால் குறித்து தொடர்பதிவு எழுதுமாறு கேட்டிருந்தார். ஆனால் அவர்களில் வால்பையனைத் தவிற வேறு யாரும் விருப்பம் தெரிவித்ததாகத் தெரியவில்லை. இந்த போபால் விட(ய)ம் முடிந்து போன ஒன்றல்ல. வெறும் ஆரம்பம் அவ்வளவுதான். இது நம் மக்களை அழிக்க உருவெடுத்திருக்கும் முதலாளித்துவத்தின் முதல்படி.

இதற்கே 23000 பேர் பலி என்றால் யோசித்துப் பாருங்கள். பின் வரும் காலங்களில் நாமோ அல்லது நம் உறவினர்களோ இது போன்ற பட்டியல்களில் இடம் பெறப் போவதாக ஒரு எச்சரிக்கை மணி அடிக்கிறது இந்த போபால் பிரச்சினை. இப்போது பொது மக்களிடையே விழிப்புணர்வு ஏற்படுத்தியாக வேண்டிய கட்டாயத்தில் இருக்கிறோம். இதைத் தவறவிடுவதில் எனக்குத் துளியும் விருப்பமில்லை.

அதற்கான முயற்சியாய் இந்த போபால் பிரச்சினைக்காக ஒரு புதிய வலைப்பூவை பதிவுலகின் குரலாய் ஆரம்பித்து வைக்கிறேன். இங்கு தினமும் பதிவர்கள் இந்த போபால் மற்றும் அதன் தொடர்புடைய பிரச்சினைகள் குறித்து தினம் ஒரு பதிவாய் அவர்கள் விருப்பப்படி வெளியிடலாம்.

இந்த வலைப்பூவின் நோக்கம் இந்த போபால் போன்ற பிரச்சினைகள் குறித்து பதிவர்கள் மற்றும் வசகர்கள் கலந்துரையாடி ஒரு புரிதலை ஏற்படுத்தி கொள்ள வேண்டும் என்பதே. இங்கு இந்த போபால் பிரச்சினைக் குறித்து பதிவர்கள் யார் வேண்டுமானாலும் பதிவுகளை எழுதலாம். நண்பர்கள் செய்ய வேண்டியதெல்லாம்

* உங்களுக்கு இந்த பிரச்சினை குறித்து குரல் கொடுக்கும் எண்ணம் இருந்தால் bhopal.public@gmail.com என்ற மின்னஞ்சலுக்கு உங்களின் கீழ்காணும் விபரங்களை அனுப்பி வையுங்கள்

பெயர், தொடர்பு எண்(விருப்பமிருந்தால்), மின்னஞ்சல், வலைப்பூ முகவரி -(இவை எதுவும் வெளியிடப் படா)

* நான் மற்றும் என் நண்பர்கள் இந்த விடயம் குறித்து உங்களுக்கு எடுத்துக் கூறி தெளிவு ஏற்படுத்த தயாராக இருக்கிறோம்.

* உங்களுக்கு ஒரு புரிதல் வந்ததும் அதைப் பற்றி எழுதுங்கள். அதை bhopal.public@gmail.com என்ற மின்னஞ்சலுக்கு அனுப்பி வையுங்கள். அது உங்கள் பெயருடன் (அ) புனைப்பெயரில் இந்த தளத்தில் வெளியிடப் படும். உங்களுக்கு விருப்பமிருப்பின் அந்தப் பதிவை உங்கள் வலைப்பூவிலும் வெளியிட்டு இணைப்பு கொடுத்தால் உங்கள் வாசகர்களிடம் கொண்டு சேர்க்க ஏதுவாக இருக்கும்.

* நீங்கள் முன்னரே இந்த விடயம் குறித்து எழுதியிருந்தாலும் அதை அனுப்பி வைக்கலாம். அதை இங்கு வெளியிட்டு விவாதம் செய்வோம்.

* பதிவை எழுதியவர் மட்டும்தான் விவாதங்களுக்கு பதிலளிக்க வேண்டும் என எண்ணாமல் நண்பர்கள் அனைவரும் விவாதத்தில் ஈடுபட வேண்டும்.

இந்த விடயத்தில் நாம் ஒருங்கிணைந்து செயல் படுவோம். நாம் சினிமா, முரளிதரனின் 800 விக்கெட்டுகள் பற்றியெல்லாம் பதிவெழுதுகிறோம், அவைகளுக்கு வாக்களித்து ஆதரவு தெரிவிக்கிறோம். இது நமக்கான இடம். இங்கு நம் ஆதரவை ஒருமித்து வெளிப்படுத்துவோம்.

நாம் அடிமையாகிக் கொண்டிருப்பதை அனைவருக்கும் புரிய வைப்போம்.

போபால் குறித்த வலைப்பூ

போபால் குறித்த புதிய ஜனநாயகம் பி.டி.எஃப்

போபால் குறித்த சிறிய புத்தகம் பி.டி.எஃப்

சவுக்கு சங்கர் கைது - கண்டணம் தெரிவிப்போம் வாருங்கள்

2010-07-23T22:34:00.002+05:30

"பதிவர் சவுக்கு சங்கர் கைது" என்ற செய்தியை வினவு தளத்தில் படித்தேன். யார் இந்த சவுக்கு சங்கர்? எதற்காக கைது செய்யப் பட்டார்? எனப் பார்த்த போது அவரது வலைத்தளம் கண்டு வியந்தேன். எவ்வளவு ஊழல் விடயங்களை அம்பலப் படுத்தியிருக்கிறார். அதனால் அவர் மீது கடுப்பெடுத்த அரசியல் வியாதிகளால் பின்னப் பட்ட வலைதான் இந்தக் கைது நடவடிக்கை.

இந்த சங்கர் ஒரு நபரைத் தாக்கியதாக இவர் மீது குற்றச்சாட்டு சித்தரிக்கப் பட்டு சிறையிலடைக்கப் பட்டிருக்கிறார். ஆனால் இந்த நிலையிலும் சவுக்கு வலைத் தளத்தில் "ஊழலுக்கு எதிரான சவுக்கு தன் வேலையை நிறுத்தாது" என ஒரு பதிவிட்டு அவர்களது தைரியத்தை வெளிப் படுத்தியிருக்கிறார்கள்.

அதுவும் அனைத்து ஊழல்களுக்கும் ஆதரப்பூர்வமாக எழுதி வந்திருக்கிறார்கள். இவர்களுக்கு இதை எழுதாமல் நிறுத்த லஞ்சம் கொடுக்கும் முயற்சி நடை பெற்றதாகவும், அவற்றை வாங்க மறுத்ததாலும் இத்தகைய வேலையை செய்திருக்கிறது காவல் துறை.

இப்படி உண்மைகளை அம்பலப் படுத்தி வந்த காரணத்தை மனதில் கொண்டு செய்யப்பட்ட இந்தக் கைது நடவடிக்கைக்கு நாம் அனைவரும் ஒன்று கூடி கண்டணம் தெரிவிக்க வேண்டியத் தருணமிது. வாருங்கள் பதிவுலக தோழர், தோழிகளே நம் எதிர்ப்பை பதிவு செய்வோம்.

சவுக்கில் எழுதப்பட்ட ஊழல் குறித்தக் கட்டுரைகள் வாசிக்க: சவுக்கு

ஆந்திராவில் நடந்த பயங்கரவாதம்

2010-07-23T09:49:00.003+05:30

நிலங்களை அழித்து விவசாயிகளின் வயிற்றில் அடிக்கும் கலாச்சாரம் இப்போதெல்லாம் பெருகிப் போய் விட்டது. அணல் மின் நிலையங்கள் அமையுங்கள், அடுக்ககங்கள் அமையுங்கள் மக்கள் சந்தோஷமாக இருப்பார்களா? ஒரு வேலை உணவுக்கு கூட நாம் அனைவரும் அந்நிய நாட்டிடம் கையேந்தப் போவது உறுதி.

ஆந்திர மாநிலம் ஸ்ரீகாகுளத்தில் "நாகர்ஜீனா கட்டுமான நிறுவனம்" என்ற தனியார் நிறுவனத்திற்கு 2,640 மெகாவாட் மின் உற்பத்தி செய்யும் மின் நிலையம் அமைக்க அனுமதி அளித்தது அரசு. இதற்காக அங்குள்ள நிலங்களை உப்யோகமற்ற நிலம் என பொய்யுரைத்து அவற்றை கையகப் படுத்தும் முயற்சி மேற்கொள்ளப் பட்டது.

ஆனால் அந்த நிலங்கள் விவசாய நிலங்கள். அவர்கள கையகப் படுத்த எண்ணும் இடங்களை நம்பி வாழ்க்கை நடத்தும் குடும்பங்களின் எண்ணிக்கை 50,000க்கும் மேல். அவர்கள் செய்யும் தொழில் விவசாயம் மற்றும் மீன் பிடித்தல். எப்படி இவ்வளவு பேர் பயன் பெறும் இடங்களை உபயோகமற்றவை எனப் பொய்யுரைத்து தனியார் முதலாளிக்கு கொடி பிடிக்கிறார்கள்? இந்த அரசியல் வியாதிகள்.

32-கிராமங்களை சேர்ந்த விவசாயிகளும், மீனவர்களும் இந்தத் திட்டத்தை எதிர்த்து போராட்டத்தில் குதித்தனர். அடிக்கல் நாட்டு விழா அன்று குழுமிய இவர்கள் மீது போலீஸ் துப்பாக்கி சூடு நடத்தி நான்கு பேரைக் கொன்றது. செத்தவர்கள் என்ன தீவிரவாதிகளா? அவர்கள் என்ன அப்படி குற்றம் செய்து விட்டார்கள்? சுடும் அளவிற்கு.

செத்து போனவர்கள் ஏழை விவசாயிகளும், மீனவர்களும் தான். அவர்கள் எந்த தீவிரவாத அமைப்பினர்ரும் அல்ல. இந்த அணல் மின் நிலையம் அங்கு அமைக்கப் பட்டால் அந்த ஊர் முற்றிலும் அழிக்கப் படுவது உறுதி.

"இவர்கள் அமைக்கப் போகும் கோல்-ஃபயர் ப்ளான்ட் என்பது உயிர்களுக்கு ஆபத்து விளைவிக்கக் கூடியது என சுற்றுச்சூழல் அறிவியலாளர் பாபு ராவ் கூறியிருக்கிறார்."

இந்த பிரச்சினைக் குறித்து சட்டசபையில் பேசிய உள்துறை அமைச்சர் சபிதா இந்திரா ரெட்டி "அந்தப் பகுதியில் 300 போலீசார் மட்டுமே இருந்தனர். அவர்களை எதிர்த்து பொது மக்கள் கோசமிட்டனர். திடீரென்று அவர்கள் மீது வெறித்தனமாகத் தாக்கினர். அதனால் போலீஸ் தற்காப்புக்காக தடியடி நடத்தியது. அதன் பின்னும் கூட்டம் கலையாததால் துப்பாக்கி சூடு நடத்ட்ட வேண்டியதாயிற்று" என்றார்.

என்ன ஒரு மனிதாபிமானமுள்ள பதில். பொது மக்களிடம் பேச்சு வார்த்தை நடத்த அமைச்சர் குழு அங்கு சென்றிருக்க வேண்டும். பொது மக்களுக்கு விருப்பமில்லாமல் அங்கு அந்த நிலையம் அமைக்க அனுமதி வழங்கப் பட்டிருக்க கூடாது. அதுதானே ஜனநாயகம். ஆனால் காங்கிரஸ் அரசுக்குத்தான் அதெல்லாம் தெரியாதே தனியார் நிறுவனம் முதலாளிக்கு விசுவாசம் காட்டி அப்பாவி மக்கள் 4 பேரை சுட்டு வீழ்த்தியிருக்கிறார்கள்.

இதையடுத்து அங்கு 144 தடை உத்தரவு பிறப்பிக்கப் பட்டு போலீசார் குவிக்கப் பட்டுள்ளனர். பொது மக்களை விட தனியார் முதலாளிகளுக்கு இவ்வளவு பாதுகாப்பா? இப்பவும் உங்களால் சொல்ல முடியுமா? நாங்கள் ஜனநாயக நாட்டில்தான் வாழ்கிறோம் என்று. த்ண்டகாரண்யா பிரச்சினையும் இப்படி ஆரம்பித்த ஒன்றுதான் இன்று அந்த மக்களுக்கு பெயர் நக்சல் எனும் தீவிரவாதிகள்.

வாழ்க இந்த ஜன(பண)நாயகம்!